Sana Akin Ka Na Lang
Sa bawat gabing nagdaraan
Na hindi kita nahahagkan
Umaasang baka sa panaginip ay maging tayo
At baka sakaling tanggapin ang pagmamahal ko
Kaya’t hihiling at kakausapin ang buwan
Sana akin ka na lang.
Sa pagmulat ng aking mga mata
Heto ka't kasama siya
Pinagsasaluhan n'yo bawat mga ngiti
Habang tinatago ko ang lihim na hapdi
Kaya’t hihiling at kakausapin ang buwan
Sana akin ka na lang.
Nagsusumamo ma na't nagmamakaawa
Ngunit mas kailangan kong magparaya
Dahil ako'y hanggang kaibigan lamang
Walang higit, walang kulang
Kaya’t hihiling at kakausapin ang buwan
Sana akin ka na lang.
Sarili ko'y ayaw ko'ng ipagpilitan
Kahit sinisigaw na ng puso't isipan na dapat kang ipaglaban
Walang sandali na hindi ako sa'yo lumuluha
Sa kagustuhang pagmamahal mo ay makuha
Kaya’t hihiling at kakausapin ang buwan
Sana akin ka na lang.
Umaasang tadhana pa ay mababago
At biglang ako na ang tinitibok ng puso mo
Hindi na siya
Ang sa'yo ay mahalaga
Kaya’t hihiling at kakausapin ang buwan
Sana akin ka na lang.
Sana akin na lang ang mga matatamis mo'ng ngiti
At samahan ako sa pagguhit ng masasayang sandali
Sana akin na lang ang pangako mo'ng magpakailanman
At samahan ako hanggang sa kamatayan
Kaya’t hihiling at kakausapin ang buwan
Sana akin ka na lang.
Sa tuwing kayo ay magkahawak ang mga kamay
Parang unti-unti mo na akong pinapatay
Kung alam mo sana kung gaano ako sa'yo nananabik
Mahagkan ka at maibigay ang matamis kong halik
Kaya’t hihiling at kakausapin ang buwan
Sana akin ka na lang.
Sobra na akong nasasaktan
Mga luha ko'y hindi na maubos-ubos dahil sa sakit ng katotohanan
Mas mahal mo s'ya, mas gusto mo s'ya at mas kailangan mo s'ya
Mas gusto mo ang pagmamahal n'ya, mga yakap at halik mula sa kanya
Kaya’t hihiling at kakausapin ang buwan
Sana akin ka na lang.
Hanggang kailan ko titiisin ang sakit
Mga hapdi at pait na aking sinasapit
Mahal na mahal naman kita
Bakit ba hindi mo maramdaman at makita
Kaya't hihiling at kakausapin ang buwan
Kung kailan ba kita makakalimutan.
BINABASA MO ANG
Thirteen
PoetryThis book doesn't contain any story. Ang libro po na ito ay ginawa ko para sa aking mga naisulat na mga tula at spoken word poetry. I hope you enjoooooy :*
