ليليان من ساعة ما سمعت اسم البنت اللي عبد الرحمن عايز يتجوزها و هي حست ب هم علي قلبها و اتصدمت .. مش عارفة هتعمل ايه ولا هتقول لاياد ازاي .. عبد الرحمن مفهمش هي وشها اتقلب كده ليه و هي حاولت تتهرب منه و و متتكلمش في الموضوع معاه الا لما تتكلم مع اياد ف الاول.
اياد رجع من السفر و اول ما دخل جري علي ليليان و اخدها في حضنه جامد
-اياد : " وحشتيني اوووووي "
-ليليان و قلبها هيقف من الفرحة : " وانت كمان .. هههههههه انت مسافر من يومين بس مكنتش اعرف اني هوحشك كده "
-اياد : " انتي بتوحشيني حتي وانتي معايا " 😍😍😌
-ليليان : " 🙈🙈 يالهوي بقي يا ناس "
-اياد : " انا بتكلم بجد علي فكرة "
-ليليان : " ربنا يخليك ليا 💚 ياللا روح غير هدومك تكون لوسيندا جات و نتغدي كلنا "
-اياد : " هي لوسيندا فين؟؟ "
-ليليان بتوتر : " اااا .. خرجت مع كارمن تشتري شوية حاجات كده "
-اياد : " كارمن بردو؟؟ يعني عمرو مش معاهم؟ "
-ليليان : " ايوة ماهو بيوصلهم بعربيته " 😂😂
-اياد : " مش هيجيبوها لبر يعني .. مش معني انهم اتخطبو اني هسيبهم يعملو اللي هم عايزينو "
-ليليان : " ماهي كارمن معاهم والله .. و بعدين انت مشددها علي لوسيندا اووي .. انت مش واثق فيها ولا ايه !! "
-اياد : " واثق فيها طبعا و ثقة عمياني كمان .. بس هو ده الصح ..و بعدين انتي عارفة انا بحبها ازاي .. انا لو عليا والله مش هجوزها اصلا و تفضل جمبي كده "
-ليليان : " عارفة يا حبيبي .. بس خليها تفرح شوية افتكر انت معذبهم ازاي قبل ما يتخطبو " 😂
-اياد : " ربنا يفرحها و يسعدها و يخليكو ليا 😍 "
=عبد الرحمن و نط علي اياد من وراه : " طب و مش عايز تفرح بيا انا كمان يا بوص ولا ايه "
-اياد : " يا ابني اعقل بس الاول هتكسرلي ضهري و تقوللي افرح بيك .. "
=عبد الرحمن : " جت الحزينة تفرح ملاقتلهاش مطرح 😪😫 " و قعد علي الارض و حط ايده علي خده و عمل زعلان 😂
-اياد : " شوف حركاته بردو و يقوللك افرح بيه .. انت لما تتجوز هتتنطط كده زي الفرقعلوز لمراتك بردو و تنط علي ضهرها زي العيل الصغير .. الله يكون في عونها والله "
ليليان واقفة ساكتة مبتضحكش معاهم و مهمومة .. عبد الرحمن بص عليها و هو بيضحك مع اياد و مش فاهم ايه التغيير اللي حصللها من ساعة ما قاللها
=عبد الرحمن : " يا بوص كفاية انت مستحملني ده انت حبيبي والله و بعدين لو متجننتش عليكو هتجنن علي مين .. هااا قلت ايه بقي "
