اياد دخل و قفل الباب و شاور لكارمن علي البلكونة
-اياد : " استنيني جوه "
=كارمن : " ح .. حاضر "
فضلت قاعدة مستنية و هي متوترة جداا .. عدا وقت و لقت اياد داخل عليها و وارب الباب كده و قعد قصادها
-اياد : " اشربي عصير طنطك ليليان عملاه "
=كارمن : " شكرا .. علي فكرة يا عمو والله انا كنت "
-اياد : " هدي نفسك بس .. الموضوع عدي و خلاص .. اول و اخر مرة هتحصل "
=كارمن : " 😳😳😳😳😳 اومال حضرتك كنت مختفي ليه؟؟ .. ق .. قصدي يعني كنت مضايق و كده "
-اياد : " ملكيش دعوة انتي .. مش هتفهمي اصلا "
=كارمن : " يكرم اصلك دايما رافع معنوياتي كده .. اومال كنت عايزني ف ايه بقي؟؟ "
-اياد : " ارتحتي يختي و هديتي دلوقتي !! علي العموم مكنتش غلطتك اصلا .. المهم .. انتي و عبد الرحمن اخباركو ايه؟؟ "
كارمن اتخضت و اتفاجأت جداا من السؤال و في نفس الوقت اتكسفت ..
=كارمن : " ع .. عبد الرحمن ؟؟ اشمعنا يعني؟؟ "
-اياد : " اشمعنا ايه؟؟ مش عارفة بسأل ليه يعني؟؟ 😳"
=كارمن : " لل.. لا .. هو في حاجة معينة ولا ايه؟؟ اصله كان "
-اياد : " كان ايه؟؟ "
=كارمن : " لا مفيش بس و هو نازل في وشي كان كأنه طالع من خناقة و كان ناقص يضربني "
-اياد : " يضربك ؟؟ "
=كارمن : " هو انا اللي كنت هضربه بصراحة .. سلمت عليه مردش عليا .. مش عارفة كان مالو "
-اياد : " اممم ده ممكن بس من اللي حصل اليومين دول.. طب و في العادي يعني؟؟ "
=كارمن : " هو في حاجة يعني ولا ايه؟؟ "
-اياد بعد تفكير شوية : " لا ابداا بسأل عادي .. مش دي اخر سنة ليكي في الكلية بردو؟ "
=كارمن : " اااه الحمد لله اخييييرا بقي .. ياللا جهزولي مكتبي بقي في الشركة عشان انزل تدريب عوبال ما اخلص "
-اياد : " داخلة سخنة علي طول علي الله تفضلي بالحمااس ده بعد ما تشوفي الشغل عامل ازاي "
=كارمن : " لا عيييييب انا هعجبك اووي "
-اياد : " كفاية تعجبي ناس تانية "
=كارمن : " هااا؟؟ "
-اياد : " يالا يالا قومي بقي متصدعينيش "
=كارمن : " تشكر .. انا قايمة تعوز حاجة "
-اياد : " ايه الطريقة البلدي دي ارتقي شوية -_- هعوز منك ايه يا بوز الندامة انتي .. يلا في طريقك "