جه يوم كتب الكتاب و لوسيندا كانت طالعة ملكة فعلا من جمالها .. عمرو اول ما شافها مصدقش نفسه .. ضربات قلبه كانت بتتخانق مع بعضها نفسه توقف لثواني .. اتلخبط و هو ماشي ناحيتها و كان هيقع كذا مرة اول ما وصللها وقف !! وقف ادامها و مش عارف يعمل ايه .. مد ايده و مسك ايديها
=عمرو : " ايه القمر ده "
لوسيندا اتكسفت و ابتسمت و بصت في الارض .. انكجها و راحو قعدو .. جه و هو بيمضي بص في عينيها جامد و حاسس انه عايز يضمها جامد
-اياد بهزار : " ما تنجز يا عم الدنجوان و لا هترجع في كلامك ؟ "
=ادم : " انت مالك انت ما تسيبه براحته "
=عمرو : " انا ابقي مجنون رسمي لو فكرت ارجع .. وادي امضتي " 😍😍
و مضي و لوسيندا مضت بعديه و تم كتب الكتاب بحمد الله 😍😍😍😍 و اشتغلت الاغاني و الزغاريد و كله بدأ يبارك لبعضه و لوسيندا و عمرو كانو في عالم تاني .. بصت في ايديها بعد ما نقل الدبلة لأيديها الشمال و كانت طايرة من الفرحة و بعدين بتبص لعمرو لقيته كان باصص ليها و عينه بتقول كلام كتير ...
خلص الاحتفال و كله روح و عمرو فضل يلف بلوسيندا شوية بالعربية و كان معاهم كارمن بس عبد الرحمن مرضيش يسهر معاهم فا روح هو كمان .. طبعا مع اتصالات اياد كل شوية للوسيندا عشان تخلص و تيجي علي البيت .. عمرو روحها و نزل يطلع معاها .. كارمن فضلت لوحدها في العربية تستني عمرو عشان يروحو .... عمرو اتأخر شوية مع لوسيندا علي السلم و هما طالعين و كارمن بتقلب في موبايلها و مش بصة ادامها فجأة لقت حد بيخبط علي ازاز العربية و الدنيا كانت نوعا ما ضلمة عشان الوقت كان مأخر .. بتبص لقت شباب شكلهم شاربين و عمالين يعملو حركات و يضحكو و يخبطو علي العربية .. شبابيك العربية كانت متقفلة بس هي كانت مرعووبة .. و بدأت تعيط و من كتر الرعب ايديها كانت بترتعش و الموبايل وقع من ايديها في العربية من تحت .. عايزة تسوط و تنادي علي اي حد يساعدها بس خوفها مش مخليها حتي عارفة تعمل اي حاجة .. و في واحد عمال يحاول يفتح العربية بس عمرو كان مقفلها قبل ما ياخد المفاتيح و يطلع ....
عبد الرحمن سمع صوت الشباب دي من بلكونة اوضته كان صوتهم عالي .. فا قام يبص من البلكونة لقاهم متجمعين حولين عربية .. ركز جامد لقاها عربية عمرو .. فضل باصص شوية مش مستوعب هما بيعملو ايه او ان فيه حد في العربية ... لسة هيدخل يجيب الموبايل يرن علي عمرو لمح جمب وش حد قاعد في العربية .. انتفض قلبه بسرعة فجأة كده و فضل باصص يركز لقاها كارمن و بتعيط .. دخل يجري بسرعة و في ثواني كان تحت .. جري علي العربية بسرعة و كان مجهز في ايده خشبة كبيرة لقاها في وشه علي الارض اخدها و طلع يجري بيها ناحية الشباب دي و اول واحد جه في وشه كان بضهره خبطه بيها جامد علي ضهره .. الباقيين اتخضو لما الولد ده وقع علي الارض و فجأة كلهم اتلمو و اتهجمو علي عبد الرحمن .. بدأت المناوشات تشتد و كارمن عياطها بدأ يزداد و اتخضت لما شافت عبد الرحمن اتضرب و بيضرب .. و بدأ الصوت يعلي جامد ... كارمن ازداد رعبها اكتر و بسرعة بدأت تدور علي موبايلها و بعد لحظات لقته و مسكته بسرعة و بايدين مرتعشة و نفس غير منتظم رنت علي عمرو .. في المرة التانية رد
=كارمن بصوت متقطع و نفس مش قادرة تاخده محشرج من العياط : " الحق يا عمرو الحق عبد الرحمن "
عمرو مستناش يسأل و قام يجري بسرعة و نزل جري علي تحت و لوسيندا استغربت و طلعت تجري وراه عمالة تسأله في ايه و هو ملحقش يقف يقول في ايه .. قلبه اتقبض اول ما سمع صوت كارمن هو كان نسي اصلا انه سابها في العربية .. اياد طلع علي صوت لوسيندا و لقي عمرو فتح الباب بعنف و نزل جري .. اياد راح للوسيندا و فضل يسألها
-اياد : " في ايه .. صوتك عالي ليه و عمرو بيجري كده ليه؟؟ "
-لوسيندا : " معرفش يا بابا انا كنت بسأله اصلا هو موبايله رن وو ... يالهوي انا نسيت .. دي اكيد كارمن .. دي تحت في العربية لوحدها اكيد حصل حاجة " و دخلت تجري علي البلكونة تشوف في ايه .. اياد دخل معاها بصو لقو عبد الرحمن مدعوك و شباب متلميين حواليه بيضرب و يتضرب بس كان بيتضرب اكتر لأنه لوحده .. و بعدين عمرو دخل جري عليهم من غير مقدمات هو عايز يحوش عن عبد الرحمن فا دخل سخن بيلوش و مش همه غير انه يلحق عبد الرحمن .. لوسيندا اول ما شافت المنظر صوتت و اياد دخل يجري بسرعة و لبس حاجة في رجله و نزل هو كمان و وهو نازل رن علي واحد معرفة ليه في قسم شرطة و عمل بلاغ و صاحبه قاللو انه في خلال ربع ساعة هيكونو عنده ..
نزل حاول يحوش ما بينهم و يشد في عمرو و عبد الرحمن .. و مع المناوشات اخدله كام ضربة هو كمان و في خلال عشر دقايق كانت عربية الشرطة وصلت .. اول ما الشباب سمعو صوت العربية اتخضو و كانو هيحاولو يفلتو عشان يهربو .. اياد مسك اول واحد حاول يجري و بص لعمرو .. عمرو كان اتضرب كتير فا حاول يقوم بصعوبة و مسك واحد من رجله .. كانو العساكر نزلو من العربية و بدأو يلمو في الشباب و في واحد حاول يجري بس اتمسك علي طول .. اياد جري علي عبد الرحمن و حاول يقومه من علي الارض .. كارمن نزلت جري من العربية و هي منهارة و طلعت تجري علي عبد الرحمن و كانت بتعيط بهستيريا .. قومته مع اياد و اياد سنده علي كتفه .. و كارمن كان ساندة من الكتف التاني ... لوسيندا نزلت بردو جري و جريت علي عمرو بس هو كان متماسك شوية عن عبد الرحمن اللي اخد معظم الضرب .. لوسيندا حاولت تقوم عمرو و بدأ يقوم معاها ...
اياد فتح عربيته و شغلها و ركب عبد الرحمن ورا كان بدأ يغمي عليه .. كان ماسك في ايد كارمن و متبت فيها .. اياد بص علي ايديهم و هو مستغرب .. و بعدين كارمن ركبت جمبه محبتش تفلت ايديها من ايده .. عمرو مكنش فيه حيل يركز او ياخد باله 😅 .. ركب ادام جمب اياد و لوسيندا ركبت معاهم ورا و طلع بيهم اياد علي المستشفي ..........
.................................................
انا أخرت جداا عارفة بعتذر 😅 💔 بس نفسيتي مكانتش مساعدة خالص اني اكتب 💔
يا رب يعجبكو بس ❤️
هطلب منكو رجاء يا جماعة الدعوة بظاهر الغيب من 40 واحد مستجابة .. يا ريت تدعولي ربنا يحققلي اللي نفسي فيه و يفك كربي ❤️❤️ و دمتم سالمين
