ليليان و اياد في اوضتهم بيشربو قهوة
-ليليان : " اياد "
-اياد : " عيونه "
-ليليان : " كنت عايزة اقوللك حاجة "
-اياد : " انتي بتستأذني ؟؟ خير قولي "
-ليليان : " احلف طيب انك مش هتزعل او تتعصب "
-اياد : " بداية مبشرة .. قولي طيب و ع حسب "
-ليليان : " لا احلف الاول "
-اياد : " واضح انه موضوع هيخليني اتعصب بما انك بدأتيها كده .. اممم طيب هحاول امسك نفسي "
-ليليان : " هوووف .. اممم ... اااا "
-اياد : " يااااه ايه اللي انتي بتقوليه ده .. عصبتيني جداا "
-ليليان : " هاااا .. انا لسة مقلتش حاجة "
-اياد : " ما انتي عمالة تتهتهي .. طب قولي بسم الله .. ياللا ابدأي "
-ليليان : " بسم الله .. ااا .. البنت اللي عبد الرحمن عايز يتقدملها "
-اياد : " اااه مالها ؟؟ "
-ليليان : " تبقااااا .... تبقا ... "
-اياد : " عفريتة ولا ايه تصدقي اضايقت .. يا عيني عليك يا عبد الرحمن "
-ليليان في نفسها : " اضحك اضحك ما لو عرفت الحقيقة هتضحك كتير "
-ليليان : " ملك دي تبقي بنت مازن " قالتها بسرعة
-اياد : " مازن !! مازن مين؟؟ "
اياد بدأت ملامح وشه تتغير للجد و اتعدل في قعدته
-ليليان : " م.. مازن ابن عمي "
-اياد وشه احمر من الغضب : " وانتي عرفتي منين الكلام ده !! "
-ليليان : " هااا .. ماهو .. عبد الرحمن لما قاللي اسمها .. انا مش هكذب عليك يا اياد ..انا شكيت و بعدين كلمت .. "
-اياد : " كلمتي مازن؟؟؟؟؟؟؟ اتصلتي بيه؟؟!! "
-ليليان : " لالا والله .. انا اتصلت بعمو عزت .. و سألته مازن عنده بنت و قاللي فعلا و اسمها ملك "
-اياد : " ما يمكن تشابه اسماء .. اصل ايه الصدفة الغريبة دي !! "
-ليليان : " لا .. عبد الرحمن وصفلي شكلها .. و عمو بعتلي الصورة فا اتأكدت "
-اياد : " انتي اتكلمتي مع عبد الرحمن في الموضوع ده !! "
-ليليان : " لا هو ميعرفش حاجة .. هو لما حكالي بس "
-اياد : " انا اصلا مكنتش موافق عامة لما قاللي .. جات من عند ربنا "
-ليليان : " ليه ؟؟!! "
-اياد : " ليه ايه بظبط؟؟ "
-ليليان : " ليه مش موافق .. سواء من الاول او دلوقتي "
-اياد : " انا كنت فاكر لما قال بيحب واحدة و هيتقدملها كنت فاكرها كارمن !! و كنت ناوي انا اصلا ع كده "
-ليليان : " انت هتغصبه يعني !! "
-اياد : " يعني انتي موافقة ع ملك دي !!!! " قالها بصوت عالي
-ليليان : " لا مش موافقة بس بردو مش هنجبره ع حاجة "
-اياد : " طب ما انتي هتجبريه ميتجوزش اللي هو عايزها اهو !! هي هي "
-ليليان : " لل لا .. انا مش عارفة "
-اياد : " عبد الرحمن انا بحسه بيحب كارمن بس هو مش معترف بكده .. هو ممكن يكون معجب بالبنت دي .. بس اللي انا حاسه انه بيحب كارمن لسة زي مانا متأكد انها بتحبه "
-ليليان : " وانت ايه اللي مخليك متأكد !! "
-اياد : " انا بشم ريحة الحب و بفهم اووي فيه " و غمز لليليان
-ليليان : " انت هتقوللي يا دونجوان زمانك .. بس هتقول لعبد الرحمن ايه بقي ؟؟ "
-اياد : " انا هتصرف معاه "
-ليليان : " ربنا يسهل "
..........................................................
اياد دخل لعبد الرحمن في اوضته
-اياد : " ايه مش هتنزل الشركة ولا هتفضل عامل نفسك تعبان كده كتير "
=عبد الرحمن : " انا كنت لسة هقوم البس عيب عليك "
-اياد : " ااه مانا واخد بالي .. طب انا هستناك بره البس ياللا و نروح سوا "
=عبد الرحمن : " تمام .. ربع ساعة و اكون مخلص "
-اياد : " طيب ياللا "
و سابه طلع يستناه بره في الصالة ..
....................................ز
معلش بارت صغير جدااا بس عندي مشاكل في النت والله فا قلت أنزل اللي كتبته لحد ما النت يتعدل .. 🌸 دمتم سالمين
