قلب قابل للكسر

البارت السادس عشر

#قلب_قابل_للكسر

//////بقلم الكاتبه زينب ماجد//////

البارت_16

دنكت.. خليتها على سريري... جاي اجر ايدي.. جان تكول..

-يعگوب لا تتركني وحدي

يسار... انعل ابوج لابو يعگوب وياج.. دوخري شثگلج لخاطر محمد..

عفتها ومشيت منها.. طلعت فانيله من الكنتور.. نزعت قميصي ودا ابدل.. والباب مفتوح دخل سنان..

سنان...هاااا ابو اليسر عليها.. ويغمزلي .

يسار.. شكوو شبيك

سنان...لك بارده الدنيا استفاد يعمي شبيك

يسار.. لك انته الى متى تبقى ساقط.. مو تكول خطاري شلون اتعدى خطارك  بس حقك هوه انته رب الرذيله

ما تربيت بديوان وعلموك شلون تحترم خطارك حتى لو جان وصخ مثلك ومثل الزبايل الجبتهم

سنان... هاي شبيك يسار..ليش هيج تحجي تره جاي اتشاقى وياك..

يسار... يا اخي  عوفك من الشقه تره القران لعبت نفسي جوز من سوالف النسوان والشرب..

كلما اريد احجي اكول صديقي اخويه وما احب ازعلك واكول براحته.. بس يا اخي جاي تتمادى هوااااي..

جوز كافي.. ما تعبت من هلنماذج التعبانه لك خاف على نفس ذن كلهن امراض يصير بيك شي ما تسوه تضيع شبابك على هسوالف

سنان... الله يلشريف..شكد تتفلسف انته... لك بابا شبيك حقنه انته تره كل الشباب مثلي عادي بس انته مابيك خير..

يسار... خليت الخير الك عزيزي... لبست ملابسي... واخذت بطانيه ولحاف ورحت نمت بالصاله..

صوت سنان ومنيرا بالمطبخ عالي يشربون كهوه ويسولفون ويضحكون.. هزيت راسي جد وصلت حظها بعد ما اتحمل..

رفعت البطانيه ردت اكوم ارزله كدام صديقته... استغرالله واتوب اليه.. تعوذت من ابليس وكعدت..

عيب اروح اتحاجه وياه كدام منيرا مهما يكون صديقي انفرد بي واحجي وياه بعد كافي وصلت عندي لهنا..

صحت سنان بلا زحمه صوتكم اريد انام.. صاح ادلل يسوري.. وراحو لغرفته . اني لفيت راسي ونمت..

لحد ما كعدت.. البيت هدوء.. رفعت راسي اخذت الساعه مالتي باوعتها الساعه ب3 ونص..

حييييل هاي اني شكد نايم.. كمت على حيلي.. اخذت موبايلي طافي.. لا يا الله ووووو هسه الكه مهى مخابره خطيه 

فتحت الموبايل.. ماكو لا رساله ولا مخابره.. خابرتها.. الووو..

-الووو ها حبيبي يسوري

-هلا حياتي شلونج..

-زينه.. شنو وين انته  

-بالبيت توني كعدت والله..