قلب قابل للكسر

البارت التاسع والعشرين

#قلب_قابل_للكسر

//////بقلم الكاتبه زينب ماجد//////

البارت_29

جاي تجبرني اشاركك هاي المشاعر باهتمامك.. وبنفس الوقت ما رايدني..

في لحظه تتقرب مني و تقبلني... وبعدها ترجع تعتذر.. طيب ما فكرت اني شنو احس.. شنو مشاعري لما تقربتلي..

جاي احاول اسوي كولشي يعجبك.. بس ما اشوف الشكر منك.. يسار اني بنيه حس بيه ... حجت وبجت..

-اخذت نفس وتقربت منها.. باوعيلي.. مدنكه تبجي.. مديت اديه لشعرها.. لزمت راسها .. ورفعت راسها الوجهي..

حاس وربج حاس بس خايف أئذيج.. وما احمل اجرحج انه لان انتي متستاهلين..

-يسار انه اني احبك.. صعب اكلك هلكلام بس تعبت واني احاول اوصلك هلاحساس..

-تقربت منها خليت كصتي على كصتها.. حوراء ما اريدج تحتركين بناري.. اتركيني اتحمل الامي وحدي..

بعدت راسها وتباوعت بوجهي... مستعده اتحملك شمتكون .. تحجي همس وانفاسها بأنفاسي .. قربت وجهي منها وقبلتها...

بعدتها.. وخليتها على صدري وحظنتها وخليت راسي على راسها... مسحت على شعرها... رفعتلي راسها تباوعلي.. بستها بگصتها..

مستعده تشاركيني احزاني.. هزت راسها اي.. ابتسمتلها.. بستها بخدها ورجعت حظنتها..

دك جرس المايكرو.. انتبهنه ثنينه.. ابتعدت عني تحظرلي الاكل.. رحت كعدت عطاوله..

ما اعرف غلط لو صح الاعرفه بداخلي شعور مرتاح بيه.. ممتضايق منه ابد.. رجعت باوعتلها تشتغل بقيت صافن بيها..

باوعتلي... ابتسمنه ثنينه.. جابت البيتزا وخلتها كبالي.. تره ما اكل اذا متاكلين..

-بدون متكول لگمه الك والثانيه الي...

-ههههههه اوك يلا.. اجيت امد ايدي.. ضربت ايدي..

-اني اوكلك..

-ااااالله شهلدلال..  يلااا فتحت حلكي وكلتني ورجعت تاكل من المكان الوكلتني منه وتضحك..

اكل واباوعلها وابتسم.. كامت توكلني وتاكل.. مسحت شفايفها من الاكل.. وقبلتها.. ابتسمت..

يلا كافي هيج ميت جوع خليني اهد علبيتزا..

-هههههه براحتك..

-اخذت قطعه وكتلها اكلي..

-اي مو تريد تهد جوعان.. اكل..

-عجبني الطعم.. غمزتلها.. اكلي.. ضلت تضحك واكلت.. كملت اكل..

كمت للغرفه هي بقت ترتب بالمطبخ.. لبست قمصله نفخ ضد المي وكب صوف وكفوف.. دا اطلع.. صارت بوجهي..

-هااا وين..

-حاب اطلع اشوف الثلج  هدئت الموجه..

-مممم عادي اجي وياك