#قلب_قابل_للكسر
//////بقلم الكاتبه زينب ماجد//////
البارت_30 والأخير
خلصت شغل وطلعت من الشركه بسيارتي راجع للبيت ما احس الا تكسر عليه 3 سيارات وينزلون منها 9 ملثمين..
فتحو باب سيارتي ونزلوني وخلو الجيس براسي كمت ادفع بيهم واغلط ما كدرتلهم هواي جتفوني تجتف شمروني بالسياره ومشو....
كمت اصيح كلااااب حقراء بيكم خير شوفوني وجهكم ساقطييين... ماكو لحظات ووكفو السياره..
وشمروني بتراب هيه شمره وهي دفرات 9 ما اعرف منين الضرب.. اريد احاول اگوم ما كدرت ..
لحد ما انتهيت.. كفو عني.. مدو ايدهم الجيبي طلعو محفظتي .. اخذو الفلوس وشمروها علي..
انه واعي بس عبالهم فقدت.. سمعت واحد منهم يكلهم عوفوه فطس النكس.. ميزته صوت سنان..
حركو سياراتهم وراحو.. احاول اكوم الالم ذبحني والدم يجري من جسمي.. بعدت الجيس من راسي..
وباوعت.. ساحه ترابيه خاليه.. ما يطل عليها كل بيت.. احاول اكوم واوگع.. انهض وارجع اتكسر..
سميت يا الله.. وضغطت على نفسي.. كمت احاول امشي احس ايدي مكسوره.. بقيت امشييييي...
طلعت الساحه.. لكيت محل.. لفت عليه.. طبيت تلگاني الولد.. خويه سلامات اخ صدك جذب شصايرلك..
اشرتله ماي.. ركض خطيه طلع ماي من البراد وشربني.. كتله احنه وين.. جاوبني بالحيانيه..
بلا زحمه موبايلك..
-اي ادلل خويه..
-طلع جهازه وانطانياه.. دكيت رقم حوراء بس هذا حافضه شفهيه البقيه احفظهم بالجهاز بس ما احفظ علغيب..
ادك ادك.. مترد.. كتله خويه هاي زوجتي اكتبلها انه يسار جاوبي.. كتب وبعثها.. خابرت عليه بساع..
-رديت خلاه على اذني..
-الو ها حبيبي ..
-حوراء دزيلي رقم بشار بسرعه..
-هاي شبيك شصاير..
-جاي اكلج دزيلي رقم بشااار..
-اي اي هسه..
-ثواني ودزتلي الرقم.. كتله خويه دكلي عليه وكله اخوك هنا متعرض لاعتداء وسرقه.. وانطيه العنوان.
خابر بشار الولد.. وكاله وانطاه العنوان.. ماكو نص ساعه وبشار يمي طب هوه وحسن ابنه.
صاح لك خير شبيك..
-سنان..
-ايا منعول الوالدين والله الا احركه لهل كلب ويتعرضلك انه اله ومحمد الا ادفنه.
شالوني هوه وابنه واخذوني للمستشفى گبل.. صبو ايدي وداوو جروحي وانطوني ادويه ومسكنات وطلعنه..
