قلب قابل للكسر

البارت السابع

صباحكم سكر.. ❤

#قلب_قابل_للكسر

//////بقلم الكاتبه زينب ماجد//////

البارت_7

باوعت للشمس.. بدت تغرب والحمره مالتها بينت.. كاعد على جرف البحر ومنضر يذكرني بطلعتي الاولى لدبي انا و ابوي من شفنا غروب الشمس تذكرت الوي يكل لمي شكد احب هذا المنظر يذكرني بالامان . 

  رجعت  خليت راسي بين رجليه وابجي حيل..ما احس الا ايد شخص تخلت على راسي وكعد يمي...

درت وجهي.. شفته عمار.. مسحت دموعي..

-لاتبجي بطل.. المثلك ميت بس انته اقوى من هيج اعرفك اسد ومتهمك الصعوبات.

-عمار مشتاق الاهلي..

-من باجر اجيبلك حاسبه واخابر بشار يشتري كومبيوتر ونخابرهم صوره وصوت على برنامج ال ياهو ماسنجر

-يعني اكدر اشوفهم..

-مديت ايدي على ضهره وفركته.. اي تشوفهم بس لا تضوج.

-عمار ما تعرف شنو الجاي امر بي  .. صوت السلاسل لحد هسه ابالي.. صوت سركي الباب لساعه يدك بأذني..

انام اتخيلهم اجوني.. اغفى اتحلم يكتلوني واتغذب لا انه العايش ولا انه الميت..

اكعد ما الكى احد .. لا ام لا اب .. لا صديق اشكيله .. مشتاق لسنان هواي اروح المدرسه واتخايله كبالي..

-ليش متخليني اخذك لدكتور نفسي..

- هه  مسحت الدمعه  من عيني.. حقك تشوفني مخبل

-لا حبيبي حشاك مو مخبل انته سبع وكدرت تتخطى الصار وياك.. بس علمود تكدر تنجي نفسك من هاي الذكريات الاليمه والكوابيس

لازم تشوف دكتور.. هو الدكتور النفسي مو للمخابيل حبيبي .. انته متريد تخلص من هلكوابيس ما حاب تتعالج..

-هزيت راسي..اي

-عفيه بالسبع.. هيج اريدك قوي.. اعرف دكتور جدا شاطر اسمه مشاري بن خليفة .. جنت اخذ جلسات عنده فعلا يريح بالك.

من باجر احجزلك عنده واخذك.. وبعد ممنوع ترجع للبيت اني اوصي الدرويل ( السايق ) يوصلك من المدرسه للشركه. 

تكعد يمي تدرس وتتعلم على شغل الشركه وتتعرف على اللي بيها ..احسنلك من الكعده.. ومنها تتعرف على دبي وناسها

ويصيرولك معارف واقرباء.. ضرب جتفه بجتفي وغمز.. ويصيرولك حبايب 😉

-ههه ان شاءالله.. دنكة بكأبه

-يلا كوووم اذن خل نكوم انه وياك للمسجد نصلي ونذكر الله وشوف ربك حبيبك شلون ما يطيب جرحك..

-انت تصلي..

- اي ليش لعد ..شلت حذائي من الكاع وكمت  .. يعني اذا طلعنه خارج العراق ننسه تربات ابونه.