قلب قابل للكسر

البارت السادس والعشرين

#قلب_قابل_للكسر 💔

//////بقلم الكاتبه زينب ماجد//////

البارت_26

شفت علي طلع... درت وجهي وصحت حورااااء.. التفتتلي.. شجاي يصير..

اتقربت يمي... شنو..

-انتي وعلي شعدكم بالمطبخ ..

-شغلت النار جوه الجدر اجيت اسلك بيض للريوك اجه هوه.. كتله راح نتزوج انه ويسار لو تجاوزت بكلمه اكله عليك وهوه يتصرف..

يكولي هوه مستواج وانتي مستواه..

-همممم كملي شغلج.. عفتها وطلعت.. لكيته يشرب جكاير بالحديقه.. انته ليش متصير ادمي..

- بالعافيه كالو راح تتزوجها هه

-لا انته لازم تتأدب... ضربته حيل ولزمته... من ركبته كلب لو حاولت تتقرب الها لو تتعرضلها اكص راسك والله.. مفهوووم..

لزم ايدي وراد يدفعني... ضربته بوكس على وجهه.. لك لا تخليني اذبحك والله علي اتأدب ولا اطلعني من طوري البنيه دخيله عدنه ولو مسيتها اذبحك والعباس

-انته محد مكبر راسك غير جدي وعمامي.. نزل ايدك و احترم لا وعلي اشوفك وجهي الثاني لا عبالك عمي انته..

-جاي ارده جان يصيح من وراي الحجي عليوووي..

صاح نعم جدي

-تعال ولك..

اتقرب على ابويه ووكف كباله سطره راشدي لف وجه.. ابن الكلب شنو هاي التربيه وتجاوب عمك هيج

-جدي ضربني

-وتجاااااااوب ولك.. انعل ساسك والله لو اطاولت على عمك بچلمه ... بتيزاب ونفط احركك فاهم. بوس راس عمك بساااع..

-جدي بس..

-لا ترد ووووووولك... نفذ لا تعصبني..

تقرب راد يبوس راسي.. بعدته ما يحتاج ولي.. خله وطب جوه ما حجه... باوعت لابوي... صاح هاذ من شوكت يتلاسن وياك..

-هوه من يومه هذا سگط

-وانه السگط علاجه يمي اخلي يمشي علبيض وما يكسره والله.. الكلب..

طب جوه وحظر نفسك ما ضل شي ويجي الولد..

-ان شاءالله يابه... طبينه جوه لكيت بشار واكف ويرزل بعلي.. حاجاه ابوي بشار هذا اخر انذار لابنك..

لو شفته تجاوز على عمه اصلخ جلده والله..

بشار... جوه رجلك يابه... لا تهتم انه حاجيته وما يعيدها ..

يسار... درت وجهي لابوي حتى اهدي... يابه الذبيحه هناك اشتريها لو شلون..

-اي يابه من كربلاء اخذها.. قابل منا ناخذه ماع ما ماع

-ههه ان شاءالله صاعد ابدل.. لا تتأخرون نصلي ونطلع.. حجيت لاختي

صعدت.. لغرفتي بدلت وصليت ونزلت.. ابوي كامل وكاعد.. وبشار وازواج خواتي هم كاملين.. باقيات بس النسوان تلبس بهاذ وتصيح بذاك..