#قلب_قابل_للكسر
//////بقلم الكاتبه زينب ماجد//////
البارت_18
كاعد ارتل قران... باوعت لابوي.. يباوعلي.. ابتسم بوجهي... ابتسمتله..
صاح.. عفيه هيج اريدك تضحك وما تهتم سبع.. شنو ذوله المناعيل وتنقهر عليهم.. هزيتله راسي.. ان شاءالله يابه..
كملنه الصلاة.. وطلعنه للامام العباس نمشي بين الحرمين.. واكف كيم وبيده علك..
اخذت منه قطعه صغيره.. وكملت مشي للامام... دخلنه جان الامام هادئ وقليل الزوار لان مو وقت زياره وساعه 1 بليل..
دخلت دنكت على اعتاب الامام.. سجدة لله كرامة للامام العباس.. وكمت بست الباب ودخلت..
رفعت ايدي وسلمت.. وكتله ها يا ابو فاضل.. منك حاجتي وما اريدها من الناس.. اريد حوبتي من سنان..
مالي عتب وي مهى.. المره ما تتعاتب.. العتب على الاكل ووشرب ونام وطلع وياي تالي طعني بضهري وما غزر بعينه كلشي..
منك يلعباس اريد سنان ذليل وجوه رجليه.. اشفي صدري بيه اقسم عليك بصدر الحسين..
اخذت العلك من جيبي.. مزقته شوي بسنوني.. وشكيته نصين.. نص شديته بالشباك.. ونص شديته بأيدي.. وكتله ما انزعه الا تنطيني مرادي..
زرت وكمت طفت الشباك.. وطلعت لكيت ابوي هم كاعد يقره الزياره.. وكفت صليت زياره وكملت..
الحجي... تقبل الله وليدي
يسار... منا ومنك حجي.. صفنت بالامام.. وحجيت.. تدري يابه صار 3 سنين ونص تارك الصلاة شكد متندم..
-اتذكرك تصلي ليش تاركها..
-اي جنت اصلي بس من رحت اللبنان ما اعرف كمت انساها لو اصليها قضاء بليل لحد ما نسيتها تماما
من جنت عايش ويه عمار.. جنت اشوفه يسعى بصلاته وبأوقاتها واسعى وياه.. بس اوف اخذت نفس وزفرت.
شسوي لسنان.. صدك مو ثوبي... من اول اسبوع اخذني للملاهي وورطني بسالفه شكبرها.. بس هوه مو صوجه الصوج مني اني الجنت اثق بين وامشي وياه وحاسبه اخ بس اخخخ
-لا تلوم نفسك يابه. مو اكلك عسى ان تكرهو شيئا وهوه خيرا لكم.. هذا ابليس والله لان يحبك بعده من طريقك..
ودعواتنا انه وامك الله يبعد عنك اولاد الحرام هلبعده عنك..
توب وارجع لربك وليدي ولا تفوت صلاتك وشوف الله شلون يوفقك.. من كان مع الله كان الله معه.. والتائب عن الذنب كمن لا ذنب له..
توب والله يسامحك ويوفقك باباتي..
-ان شاءالله يابه.. مشكور الله يحفظك
-نروح هسه لو بعد تريد تضل بالامام..
-لا نروح شعدنه بعد ..
