#قلب_قابل_للكسر💔
//////بقلم الكاتبه زينب ماجد//////
البارت_2
يسار - السياره جانت بلا رقم... صاح وين بيت حجي هيثم.. كمت اله اني.. كتله شرايد منهم..
كال لاا هيج اسئل.. كتله بذاك الفرع.. كال عدنه رساله اله نريدك توصلها اله... انته تعرفه..
سنان من يمه. صاح شلون ميعرفه هوه اصلا ابن حجي هيثم... كال انته ابنه..
كتله اي نعم تفضل.. كال عمي بالسياره عنده ضرف الوالدك.. انريدك توصله.. كتله جيبه..
كال تعال اخذه.. مشيت وياه.. سياره سوده.. انفتحت الباب الوره ..المقاعد فارغه ..درت وجهي للولد..
بمجرد ما انداريت.. الولد.. دفعني للسياره بحركه سريعه وصعد.. وشخطت السياره بسرعه..
عرفت بوقتها انخطفت وما سمعت كلمة ابوي.. بقيت اصرخ بكل صوتي
-هاي شنوووووو حراااااااااااااميه عووووفوني لك يااااااااابه الحكلي ياااااااااااابه.. يلزم بوجهي يريد يسكتني واني اصرخ واتزلك من اديه..
اباوع من الجام الورا سنان وصحباني يركضون وراي بقيت اصيح سناااااااااااااان صيح ابوووووي سنااااان..
سرعان ما السياره شخطت واني ابوع المنطقه مالتنه والبيوت عبروها خلال دقيقه من قوة السرعه.
واني اصرخ.. عوفوني ولد الكلب عوفووووني.. لزمني واحد منهم من راسي وخله المسدس عليه.. وكال اذا ما تسكت افرغه براسك
من شفت المسدس خلاه براسي خفت.. واول مره اتعرض لمثل هيج خوف ..بقت ادموعي تجري بدون صوت.. والوم بنفسي
لو ما طالع لو سامع كلمة ابوي وباقي وياهم .. ربي ما اريد اموت.. كمت ادعي واقره الايات الحافظها من القران بگلبي..
ابتعدنه من اهلي. وصلنه المنطقه اعرفها .. طبعا لحسن حظي هواي اطلع وي ابوي وقبل السقوط جنت اخذ سياره وامشي وين ما اريد..
حتى لشركات ابوي.. بس من صار السقوط.. واتأزم الوضع وصار القتل على الهويات.. الحجي منعني من التجول بوحدي بمناطق البصره..
لما دخلو المنطقه.. اتذكر هذي المنطقه شايفه وداخلها.. اسمها الامطيحه.. بقو يمشون الى ان وصلو لمكان عباره عن جاخور لتربية الابقار..
نزلوني والسلاح براسي.. دخلوني المكان جدا وصخ.. ورائحة مخلفات الابقار جدا كريهه وابد ممتعود على هيج جو..
بقت نفسي تلعب منها.. ما طقت الريحه وكمت اتقيء.. لما اتقيئت سمعت واحد كال اييييييه بزر العز عايش بقصور تلعب روحه من هلمكانات..
خل نشوف ابوك شكد يدفع بيك..
كتلهم ينطيكم شتردون ينطيكم بس رجعوني لأهلي.. امي تموت من القلق عليه هسه.. عمي الله يخليك رجعني والله ما اكول عنكم..
