قلب قابل للكسر

البارت الخامس

#قلب_قابل_للكسر💔

//////بقلم الكاتبه زينب ماجد//////

البارت_5

يسار.. كملت دراسه ونزلت.. لكيت بيت عمتي شهلاء وزوجها ونورا واخوانها.. بگلبي كلت يا ستار.. شكو..

نزلت سلمت ونورا تباوعلي.. كعدت يمهم.. حجي طبيعي ماكو شي.. كمت  طلعت للصالن شفت بيت اختي طبو ..

سلمت عليها وعلى زوجها.. ورحت للمطبخ.. لكيت حمديه..

-اكلج خاله شكو شو القبائل تتوافد..

-لا خاله جايين يسلمون على ابوك مو جان بالأمارات .. هااا هنا الحجي.. اي زين.. بس شنو تذكرو..

-انتو  امس اجيتو ووصلتولنه العصر.. واليوم اجو يشوفون الحجي..

-هاا اي هلا بيهم..  دخلت امي تتفق ويه حمديه على الاكل.. وعمتي شهلاء طبت.  اني رجعت صعدت فوك. 

لكيت نورا طالعه من غرفتي... تعجبت.. وضحكت بوجها..

-هلوو

-هلو .. حجتها مدنكه.. خليتلك شي بكتاب الرياضيات.. عود شوفه

-رادت تمشي.. كضيت ايدها.. قريتي شكتبتلج بالورقه..

-يي

-جاوبت وشردت مني  نزلت جوه.. رحت اركض على كتاب الرياضيات اكلب بي لكيت ورقه.. فتحتها وقريتها..

💬 انته كتبتلي احبج.. صراحه انته حلو وكل البنات يتمنونك وانه افكر بيك ليل ونهار وحيل اشتاقيتلك من سافرت انه هم احبك💬

ههههههههههه ضحكت.. شعوور حلو .. هي هم تحبني .. رحت للمرايا اباوع واضحك.. والله وتحب يا يسار هههههه نزلت وراها.. هي كاعده يم امها.. تباوعلي بطرف عيونها 

عفتها ومشيت طلعت للشارع.. لكيت سياره صفت ابيت باب سنان.. رحت يمها..  نزل هوه من السياره مال خاله..

اول ما نزل اجاني تسالمنه..

مبروك نجحت .. صاح والله ..

-اي والله..

-شمدريك

-شنو شمدريني غير انه جبتلك الشهاده وخليتها يم امك..

ركض جوه واني وراه .  طب لامه.. كالها يمه وين الشهاده.. كالتله معلكتها بالجام مبروك وليدي ركض جابها ويباوعلها وهو يضحك..

انوب رفع راسه عليه.. وانته.. اني هم نجحت. 

-ايييييي مبروووك..

-الله يبارك بيك..

-اي عيني شيجيبلك الوالد هديه هلمره..

-اصلا مكتله بالنتيجه لحد الان..

-اي بلكت شي بي خير..

-ششتري ما محتاج شي..

-لك غبي اشتري موبايل هسه هذا الجديد.. كلها جاي تشتري منه.