حسيت بنضال بدت تتغير وترتب بشكلهة وبروحهة وبدت تتقرب مني وتحجي وياية وطلبت مني موبايل بَـßÊـسّ فاطمة ابد مانطتهة مجال وراهة وراهة اني مرات احس انجذب لنضال بعدين اتعوذ الشيطان واتراجع لحد مافديوم راجع من الدوام الظهر دخلت للبيت نايمين وهدوء مشيت لغرفتي جان اشوف نضال طلعت من غرفتهة لابسة ثوب نوم احمر ومكياج وشعر اتفاجاءات من شفتهة طلعت هيج وصلت يمي
كتلهة انتي مخبلة شلون اطلعين هيجي متخافين كالتلي اااااش خليت ايدهة على حلكي وسحبتني لغرفتهة احس بداخلي ماريد اطاوعهة بَـßÊـسّ ماكدر احجي عبالك انربط لساني دخلتني وقفلت الباب باوعت الجهال ماكو كتلهة الجهال وين وليش جبتيني هنا كالت الجهال يم عمتي وجبتك هنا لان آرٌيـّےـَِدِّ حقي وبعد ماكدر اقاومك تعرف شنو ماكدر عصام ترة احــہــ😘ــبــہــك موبيدي هذا الشعور انبنة بداخلي من يوم الي كلت راح ازوجج كتلهة بَـßÊـسّ اني عمري ماشفتح زوجة الية لحد هاللحظة احسبج زوجت اخوية كالت شرعآ زوجتك انتة والعدل ابقى من الميت ظلت تتماوع علية بحركات وتصرفات نستني اسمي وروحي وماحس الا اني منطيهة التريدة صحيت على نفسي وصحت اسويتي انتي نسيت فاطمة لبست ملابسي على السريع ورحت لغرفة فاطمة لكيتهة نايمة اخذت ملابس وطلعت مريت على نضال كتلهة ويلج وياسواد ليلج تفكين حلكج وتحجين بالي صار ماهتمت ابد وخلصتهة ضحك وامبين عليهة الفرح دخلت اسبح واعاتب ابنفسي على السويتة وشلون كسرت الاتفاق بيني وبين فاطمة واذا تعرف شنو راح يكون مصيرنة اني وياهة سبحت وكملت وطلعت رحت لغرفة فاطمة بعدهة نايمة اتمددت يمة وخليت ايدي جوة راسهة صحت هية باستنب من خدي ورجعت نامت بحظني ذيج الساعة مكدرت اغفة ابد صافن بوجهة فاطمة واتخيل اذا عرفت شراح اسوي وشيكون موقفي يمهة
👇🏻👇🏻👇🏻👇🏻👇🏻👇🏻👇🏻
فاطمة
حسيت على عصام من نومني بحظنة بَـßÊـسّ جنت تعبانة حيل من الحمل فارجعت نمت كعدت للعصر لكيتة حاظني وصافن رفعت راسي كتلة بيمن صافن الحلو دار علية كالي صافن بيج كتلة امممم وشبية اني
كال اتخبلين واحبج واعشقج واموت عليج وداعت ابني البطنج
كتلة واني هم احــہــ😘ــبــہــك وداعت ابني
كمت بدلت وطلعت لكيتهم كاعدين بالاستقبال رحت كعدت يمهم عمتي ونضال لكيتهن فرحانات ويضحكن ومن شافني نضال طكتهة ضحكة كتلهة خييير ان شاءالله فرحينة وياج
كالت قريبآ ان شاءالله تفرحين وياية
كتلهة ألًلًـًـً☝️ـًـًه يسمع منج
بَـßÊـسّ احس كٓٓلٍٰــْـٍْـٍْـ♥ــبْْي نكزني شكو هيج فرحانات ويضحكن وقريبا افرح عفتهن ورحت للمطبخ اسويلي عصرية بعدني بالمطبخ سمعت اخوات عصام اجني طلعت اسلم عليهن سلمن على امهن بعدين بوسن نضال ويكللهة على الخير على الخير فرحنالج ويباوعن علية شكيت بامرهن ياربي شبيهن ذني سلمت عليهن وكعدت يمهن حتى بلكت اعرف شي بَـßÊـسّ كلامهن كلة الغاز ماعرفت شيحجن لليل وهنة الغاز بيناتهن واني صافنة ماعرف عن شنو
مررر اسبوع ونضال فرحتهة متنوصف ولحد هاللحظة ماعرفت السبب اني دخلت بشهر الثامن والتعب يوم عن يوم يكثر وحتى خلك مالي عصام كام من يجي يمي احسة يضوج لان مو نفس اول اتعامل وياة وكل ما اخابر امي واشكيلهة تكول اي وحدة تحبل اتصير هيجي وزوجهة يضوج وعادي من اجيب يرجع كولشي اطمئنيت شوية بَـßÊـسّ بعد سالفت نضال محيرتني يوم من الايام كعدت الصبح على وقت جان عصام اجازة ونايم طلعت آرٌيـّےـَِدِّ اروح للحمام دخلت وسديت الباب شوية واندكت دكة قوية خفت صحت منو نضال كالت ولج فاطمة فتحيلي الباب راح اموت خوفتني حييل لبست على السريع وفتحتلهة دخلت تكح ونفسهة تلعب وجهة احمر خفت حييل عليهة ونقهرت ظليت اصيح عليهة نضال شبيج فهميني شبيج اكعد عصام ياخذج للمستشفى كالت لا❌لا لا❌لا ماكو شي كتلهة شلون يمعودة ماكو شي ردت اطلع اكعد عصام حتى ياخذهة للمستشفى جان تلزمني من ايدي كالت شبيج لاتخافين ولاتكعدينة شغلة عادية هاي كل وحدة حامل تمر بيهة ماتذكرين انتي بداية حملج لونسيتي
ظليت صافنة عليهة 😳😳😳 واحس الكلام اختفى مني بالكوة كتلهة شنو شكلتي
كالت حاامل شبيج متسمعين
كتلهة منين حامل
كالت لافطومة احترمي نفسج شنو منين حامل يعني اني هم مزوجة حالي حالج لونسيتي
ماحسيت على روحي غيرضاربتهة راشدي فارتهة فر كامت اتصيح وتبجي على صوتهة طلع عصام واجتي عمتي تركض وصيحون شكو اني اتبسمرت بمكاني وصافنة عليهة هية مخلية ايد على بطنهة والثانية على خدهة واصيح وتبجي كالتلهم تريد اتوكع ابني المتخاف ألًلًـًـً☝️ـًـًه عمتي كالتلهة هااا نضال حامل كالتلهة اي شو هاي كامت تهلهل وفرحت وعصام مصدوم وصافن عليهة عفت كولشي ورحت للغرفة طلعت جنطة جبيرة وكعدت اطلع بملابسي واخلي بالجنطة اجة عصام يركض وراية لزم ايدي وكال بَـßÊـسّ افهمج باوعتلة كتلة نتفاهم بالمحكمة وجريت ايدي منة كملت غراضي لبست وطلعت اسحل بجنطتي وعصام يتوسل ويحجي ماهتميت ابد الة من طلعت شافتني عمتي جان تكول درب الصد مارد عساج بالموت الي يكرفج انتي والبطنج باوعت عليهة وظحكت باستهزاة نزلت جنطتي وتقربت يمهة كتلهة اولآ دعوائج واصل ان شاءالله وثانيآ اتهني بي هذا ابنج انتي وست نضال وشغلة ثانية هالكلمات لاتنسيهة ابد لحد اخر يوم بعمرج اذكريهة حسبي ألًلًـًـً☝️ـًـًه ونعم الوكيل عليج ليوم الدين
وعفتهة ورحت وعصا وراية ابد ماحاجيتهة لكيت عمي واكف كتلة عمو طالبتك كال كولي بنيتي كتلة اتوديني لاهلي كال متاكدة بوية هذا قرارج نهائي كتلة عمو اذا عندي خاطر يمك توديني كال يلة بوية امشي خليت وطلعت وية عمي وعفت كولشي وراية كٓٓلٍٰــْـٍْـٍْـ♥ــبْْي وروحي ودنيتي وكولشي الطريق صار اصعب شي بحياتي الحمل مأذيني حيل واني روحي مكسورة ومقهورة وصلني عمي وكال ماكدر ادخل اني رايح ورجع هوة واني دخلت ابجي واصيح اجتي امي ومرت حميد يركضن علية يهدن بية واني احس حتى النفس انكطع مني شوية ووكعت بالكاع اسمع امي كامت اتصيح ومرت حميد هم بَـßÊـسّ ماكدر احجي وياهن ولا اكدر اتنفس هم طلعت امي تصيح بالشارع تلمو علينة الجوارين شالوني كبل للمستشفى دخلوني الطوارئ جان الضغط حيييل مرتفع مغذيات وابر والدكتورة واكفة فوك راسي تنتظر الضغط ينزل حتى ادخلني عمليات لان صاير عندي ولادة مبكرة بنفس الوقت ظليت تحت المراقبة لساعة 12 بليل ونزل شوية الضغط ودخلوني عمليات رائسآ ماحسيت ورة ساعة تقريبآ حسيت على وجع فضيع ومايطاق راحت ماما صاحت الدكتورة انطتني مسكنات ومغذي والوجع بعدة لحد ما شوية وخف سئلت ماما على طفلي كالت بالخدج مخلينة لان بعدة مكامل ظليت اندب حضي وابجي على نفسي وعلى طفلي شوية ودخلي بابا وحميد حظنتهم وابجي واشهك بعالي صوتي اباوع بابا دمعن عيونة وياية وحميد هم بعدين بابا كالي وعيونج اخذ حقج لومن عين السبع وكافي شدي حيلج وصيري قوية وكومي لطفلج كتلة ان شاءالله
بقيت بالمستشفى عشرة ايام لحد ماشلو خيط العملية وابني لحد هالحظة ماشايفتة لان مايكدرون يطلعونة من الخدج وحالتة موتمام رادو يطلعوني مقبلت كمت ابجي لان آرٌيـّےـَِدِّ ابني وياية اطلعة وصدري ورم عليه فدمرة والدكاترة مايقبلون يخافون عليهة اخر شي كتلهم اوقع على مسئوليتي وانطوني ابني وقعت وجابولي ابني عبارة عن لعابة صغيررة وجهة صغير الى درجة وادين ورجلين اصغار وناعمات ولافيهن بكطن شبعت بجي من شفته واخذتة وياية وطلعت
👇🏻👇🏻👇🏻👇🏻👇🏻👇🏻👇🏻
عصام
من يوم لتقربت النضال واني حيل خايف لاتفضح الامور وتوصل لفاطمة كل هالمدك واني ايد مامرتاح لاباكلتي لانومتي وضايج ونفسيتي حيل تعبانة مامتقبل كولشي احس بتانيب ضمير موطبيعي من ناحية فاطمة ومناحية اخوية ألًلًـًـً☝️ـًـًه يرحمة
نايم الصبح واسمع صوت نضال اصرخ وتبجي طلعت والكاهة واكعة بالكاع ولازمة بطنهة وخدهة وتبجي وتكول تريد اتوكع ابني انصدمت صدمت عمري هاي الي ماحسبتلهة حساب ومجنت متوقعهة فاطمة انسانة ثانية صايرة واكفة والشرار يطاير منه راحت للغرفة تلم بملابسه ورحت وراهة بَـßÊـسّ ماقبلت تفهم مني ولاتسمع مني اي شي اخذت ملابسهة وكالت لابوية يوديهة لاهلهة اخذهة ابوية وطلعو بقيت اني بداخلي بركان مشتعل رحت لنضال لزمتهة موتتهة كتل فقدت عليهة كامت امي تصيح وتدفع بية بلكوة فكتني منهة رحت للغرفة قفلتهة علية وكعدت ونار تسعر بداخلي
يتبع
