امجد . امتى نجيكم
نور. تو نتصل بيك
امجد. تمام
انا. "نزلت نور حبيت نكلمه حسيت بتأنيب ضمييير كبير هوا شن ذنبه اني الا كل مره نصد فيه صح هوا غلط وحتى اني غلطت في ردة فعلي هوا يحاول يقرب واني نبعد .."
انا. امجد اني اسفه
امجد. عادي ولا يهمك
انا. عارفه انك زعلت مني لكن والله ماقصدي اني غلطت وانت غلطت
امجد. انتي ماتبيش تفهمي اني نحبك ونبيك وكل مانتقرب انتي تبعدي فيا وتتفادي فيا فهميني شن اسمه هذا
انا. اني اسفه "وهني دموعي خانوني نزلت دمعه طول وواضح في خنقه في صوتي "
امجد. "تلفتلي"تبكي !؟
انا. اسفه
امجد."نزل من السياره وفتح عليا الباب وركب جنبي شدي وجهي ومسحلي دموعي "لا لا لا خلاص اني مازعلتش والله مانزعل منك اني بس نحبك ونموووت فيك ومانشوفش في غيرك نبيك تكوني ليا نبيك تحبيني زي مانحبك نبيك حلالي نبيك دنيتي كلها
انا."وهني عاود عاود نفس كلامه الايسحر فيا قلبي .." امجد مانحبش اي حد يزعل مني اسفه
امجد. وووك بكايه مازعلتش هيا انزلي نور قريب تهد علينا
انا. هههههههه اديرها "نزلت وهوا نزل ركب من القدام "
انا. امجد
امجد. عيونه
انا. دير بالك على روحك
امجد. هيا عندك ديري بالك عليها
________________________
((لماذا لا تفهم ايها الادمي لقد اوقعتني في شباك عيناك الساحرتين وهمساتك الدائفة ب احبك لقد اوقفت قلبي كف عن ذلك ))
________________________
انا."خشيت مكان غريب وناس غريبه لقيت نور واقفه تستنى فيا وبتتفجر في وجهي .."
نور. والله باهي الا شرفتي مقعمزه تترمنسي انتي وياه واني واقفه هني
انا. بالهداوه لوو سمحتي
نور. هيا خشي بلا مهتكه
انا."سويت روحي علي المرايه وخشيت اني نور الصراحه كنا ححلوووات وملفتتات للنظر حسيت العيون كلها علينا قعمزنا جنب بعض سلموا علينا صاحبات نور وقعمزوا معانا '
صاحبتها. نور عرفينا
نور. هاذي الاء اختي
صاحبتها. اهلين تشرفت بيك
انا. الشرف ليا
صاحبتها. في شن تقري
انا. سنه تانيه ثانوي خاشه ان شاء الله
صاحبتها. موفقه تهبلللي صوتك مألوف وكأني سامعاته
نور . ههههه عندك الحق مذيعتنا الحلوه
صاحبتها. "عيطت "اسمك الاء قصدك انتي الاء نفسها هذيكا وااو مش مصدقه "ناضت حضنتني "
انا. ههههههه اي نفسها
صاحبتها. اللله قداش نحبك نسمع فيك ديما كلامك يهبللل يفتح النفس ومواضيعك حلووه
انا. صحيتي والله نفرح لما نسمع كلام زي هذا
صاحبتها. اني نستأذن شويه
نور. اذنك معاك
انا. قعدنا بروحنا
نور . عادي الله كلهم يعرفوك قوليلي خيره امجد
انا. خيره
نور. بلا جو شن درتيله
انا. الله يانووور خوك بهبللني بكلامه شدلي نحبك نحبك واني نقعد زي البلهاء نتفرج وخلاص
نور. تي انتي اصلا بلهاء انتي تحبيه قوليله وفكينا
انا. واللهي تبيني نقوللله نحبك مصح وجهي
نور. بالله اسكتي وصكريلي فمك تو نقوللله اني
انا. والله اديريها انسيني
نور. ههههه تخايلي والله من الفرحه يموت
انا. بعيد السو
نور. تي غير لا خفي علينا
انا."وهكي فات الوقت الا هاذي تجي تسألني انتي نفسها المذيعه ههه لين جي وقت بنروحوا ..""
نور. الاء تليفوني مهناش
انا. احلفي
نور. والله ماهناك مرات ماجبتاش
انا. اصبري نتصل بيه ...
انا. الو
عميمه. الو الاء خيرك بنتي
انا. لا غير نور ادور في هاتفها
عميمه. باهي بنيتي انتو مازال
انا. لا خلاص مروحين
عميمه. باهي سلامتك هي
نور. ماما ردت عليك
انا. اي زي الحماره ناسياته
نور. كلمي امجد
انا. اني واللهي
نور. بلا جو هيا
________________________
في مكان تاني عند امجد
امجد."كنت في القهوه اني واولاد صحابي شويه ورن تليفوني شفت الاسم ومش مصدق سعادتي في اللحظه هاذي ماتوصفش "غاليتي❤"
امجد. "نضت من جنبهم ". .....
انا. الو
امجد. اهلا شن صاير في الدنيا
انا. عادي ماصاير شي
امجد. مستحيل انتي متصله بيا
انا. عادي غير نور ناسيه تليفونها وحني نبوا نروحوا
امجد. قولي هكي من الاول
انا. باهي بتقعد تهدرز والا بتجي تروح بينا
امجد. حاضر من عيوني مسافة الطريق
انا. والله مهبوول
امجد. الله غالب منك
انا.""صكرت من امجد لبسنا عبايتنا ...""
___"*:٥'$--______+٩٪&++___
امجد. *صكرت منها مش عارف علاش فرحان لما نسمع صوتها نحس بفرحه كبييره خشيت للقهوه خذيت حاجاتي من ع الطاوله *
فراس . وين بكري
امجد. لا هوا هذاكا عندي مشوار
الياس . توكل في حفظ الله
امجد. هيا تصبحوا
امجد. "طلعت بسرعه ومافاتتش 10 دقايق وكنت عندهم اتصل ب (غاليتي❤) "
انا. وصلت
امجد. اي هيا اني البرا
انا. اوكي .. نور امجد البرا
نور. هيا
انا. ""طلعت البرا كان في زحمه كان في مجموعة اولاد واقفين كان يشوفولي اني ونور وامجد كان يشوف تحسي انه شراره نار تطلع من عيونه نزل من السياره وجي وقف قدامنا ""
انا. امجد علي خاطري فوتهم ماتكلمهمش
انا."معدلش عليا ولا كأني كلمته مشالهم "
امجد. تفضل في حاجه
الولد. لا سامحنا خوي
امجد. باهي عيونك لوطا هي
انا. {جي امجد ركبنا السياره وطول الطريق كنا ساكتين .
.
.
.
غواليا ياريت استمتعتوا 😍
كعادتنا يطبع🙈💋 ووو كاتبة الروايه لوليانا🎶
أنت تقرأ
حب بطعم النوتيلا
Randomرواية ليبية بقلمي الكاتبة الاء عبد الستار فتاة لا تؤمن بالحب وفجأة يظهر لها الهيام بذاته واسرها .. في كل مرة يهمس لها ب احبك يكاد قلبها ان يتوقف ظلت اسيرة عشقه .. حتى نهايتها ...
