للكاتبه لوليانا ❤دعم ❤
"شكرا لكل حد دعمني بكلماته الحلوات والبسيطات وشكرا للحلوات المتفاعلات ربي مايحرمني من طلتكم بجد لولا تفاعلكم وكلامكم العسل ماوصلت للحلقه هاذي والمستوى هذا وطبعا بالنسبه للتوقعات عجبتني هللبا لكن للاسف شفتها بعد ماكتبت اما بالنسبه للناس الا مش عارفه شن بنسميها هيا ماتنتقدش بالعكس النقد حاجه حلوه لكن هيا لما تشوف حد افضل منها ولو حتى بدرجه ماتبيشي وتسعى للافشاله للاسف مش عارفه شن بنرد عليهم اصلا
كل وحد فينا عنده طموحه وموهبته وهوايته ومع هذا كله كلنا بشر الفرق في اعمالنا قدام ربي ياريت تكون وصلت وشكررا للمره الالف ليكم ❤🎶😊"
الحلقه تسعـه وثـلا ثـون 🎻💋
انا"لفيت بنخش واني قعده نضحك علي هبال سما وتجي عيني في عين امجد الله ياربي شكللله متغيييررر وحالته توجع القلب نظراته كانت مكسووووره وكأنه يقوللي علاش درتي هكي علي طول اختفت ضحكتي قعدت واقفه متنحه معاش حسيت بشي كانوا عيونا يحكوا في الف قصه وقصه واطيت عيوني وهوا جاني "
<<عندَما ينكَسر شــي لايرَجـع كمـَا كان فمـابالك بـِٰقلب عاشق انكسر💔 . فقد معــٰٰشوقته وبكى دما لفرآقها . فقد اغلَـى مايـَملك. فقد سـَنده .فقَد املهُ. فَقد حياتَهُـ_ 🎻>>
امجد. الحمد الله ع السلامه
انا. "دقات قلبي زي اول مره قاللي نحبك "الله يسلمك
امجد. كيف حالك توا
انا. الحمد لله وانت
امجد. قتلتيني واني حي عذبتيني
انا . ..
امجد. نتكلموا وكااننا غرباء مش ولاد عم وحدين مايعرفوش بعض مش زوز كانوا مخطوبين وعاشوا احلى قصة حب
انا. قدر الله وماشاء فعل
امجد. "تنهد "ونعم بالله سلامتك
انا. امجد
امجد. "كان عاطي بظهره تلفتلي "
انا. انا اسفه مكانش بايدي مستحيل نتخلى علي حب حياتي بس الحياة اجبرتني
امجد. مافيش حاجه تقدر تجبرك "ومشي وخلاني "
_____________//_____//____________///___/_
رساله من (( اللـيث العــاشـق ))
<<عنـدمـا تعشـقها حيـنها ستيقُن ان للعشق وجـود حينها سيتـغير ايقـاع دقـات قلبـك العاشق الولهـان
وحينـها ستــصبح فجأة الليــث العـاشق ❤ >>
سما. "قعدت مصدومه تقرا وتاعود من هذا الاتجرأ ويبعت كلام زي هذا هل هوا يعرفها اول لا او ربما يكون غالط بعد صراع طويل قررت انها ترد "
سما . ؟!
ليث. اهلا
سما. اهلين
ليث . كيف حالك
سما تمام
ليث . واني تمام
سما. مافهمتش
ليث . شن مافهمتيش
سما. قصدي خاش وباعث خاطره هكي كبرها قصدي من انت وعلاش باعتها
ليث."يدير في العبط خونا ليث " اول حاجه حاب نتعرف صفحتك راقيه وحلوه
سما. هذا من ذوقك وتاني حاجه
ليث. اي تاني حاجه حبيت نخش ببصمه حلوه تعبر علي مشاعري اما بالنسبه لاسمي فهوا الليث العاشق زي ماتشوفي
سما. هههه قصدي مافهمتش اسمك هكي في كتيب العائله الليث العاشق
ليث. هههه دمك عسل لا اسمي ليث بكن بعدين بديت عاشق
سما. تشرفنا
ليث . ماعرفتينيش
سما. زي ماتشوف سما
ليث. تشرفت
سما. نستأذنك توا
ليث. سلام
ليث. "من الفرحه بيطير شاد التليفون وقريب يرقص ردت عليه "
أنت تقرأ
حب بطعم النوتيلا
Randomرواية ليبية بقلمي الكاتبة الاء عبد الستار فتاة لا تؤمن بالحب وفجأة يظهر لها الهيام بذاته واسرها .. في كل مرة يهمس لها ب احبك يكاد قلبها ان يتوقف ظلت اسيرة عشقه .. حتى نهايتها ...
