ركبت للسياره كانت مقابله حوشهم حسيت روحي غلطت لازم نصلح لكن كيف بنكلمها ونشرحلها شويه وشفت ضو جنانهم ولع كان الباب الخارجي مفتوح نزلت من السياره شفتها سبحان الله كان ربي حاس بيا مشيت جيهة الجنان كانت واقفه جنب طاوله ...
انا. "طلعت للجنان بنصكره كنت واقفه جنب الطاوله حسيت بخطوات وراي خفت لفيت نصدمت لما لقيته امجد "
امجد. اسف
انا. "وقف قدامي كان يشوفلي عيونه كانوا مهمومات وجعني قلبي كان يسخف شكله "
امجد. هذا التليفون اني اسف اني خذيته لحظه غضب واتسرعت فيها
انا. عادي
امجد. شني !؟
انا. عادي خذيته خذيته
امجد. "من الفرحه مش مصدق ماتوقعتش انها تسكت لاني عارفه صعبه ومستحيل تسكت علي حاجتها كانت صدمتي اكبر من فرحتي "
انا. "مش عارفه شن صارلي كان مهموم وكئيب كان واضح من عيونه فما حبيتش نزيدها عليه عارفاته عصبي ومن حبه ليا دار هكي "
امجد. قصدك انتي توا ..
انا. يشوفنا حد منظرنا مش حلو بكلل
امجد. باهي غزالتي تصبحي علي خير
انا. "جي بيطلع مسلي خدي بصبعه وقاللي بصووت هادئ وحنوون "
امجد. نحبككك "وطلع "
__________"*""**"*"______
همس لها ب احبك وخرج ولا يعلم ماذا فعل بها لا يعلم بتلك العاصفة التي هبت داخلها ولا بقلبها الذي كاد ان يقف ..❤🎵
_________*'"__**"&_______
انا. "صكرت الجنان وخشيت قلبي بيطلع من مكانه خشيت للدار خشيت تحت بطانيتي وحضنتها كويس فرحاانه وقلبي يدق هذا هوا الحب شويه وغفيت .."
#ثاني_يوم_الصبح
انا."نضت بكل نشاط وحيويه مكانش عندي حلقه فطرت وطلعت للجنان كان جوو خياالي الشمس وصوت العصافير وورداتي ورائحة الفلة متع ماما يهبللل قعمزت في الدرجيحه فتحت تليفوني درت سماعاتي واتكيت علي االدرجيحه فجأة .
امجد. انتي احلى حاجه في حياتي فضل يعود علي النوتيلا
انا. الله قصتنا تجي روايه" حب من اول نوتيلا "
امجد. صح الفضل كله لفازو النوتيلا ومنها خذيت قلبك صح
انا. صح ربي يدوم لمتنا يارب
امجد. يارب
"فجأة طلعت مراة كبيره من هيا او من وين طعلت وعلاش مش عارفه جت جنبي "
المرأة . حتعيشوا نهاية توجع قلوبكم وضحكتكم هاذي حيجي يوم وتموت انتم مستحيل تكونوا لبعض حتصيرلكم حاجه تفرقكم اني شايفه الشي هذا في عينك ..
وفجأة نضت علي صوت جرس الجنان مخلوعه حسيت بنخصه في قلبي وخفت حسيت الدنيا كلها ضاقت بيا حاجه غمت علي قلبي نضت فتحت الباب
ايه. شن راقده ساعه باش تفتحي
انا. اهلا كيف حالك عميمه
اعميمه. الحمد لله كويسه امك وين
انا. الداخل خشو يا عميمه
ايلاف. شن جوك
انا. الحمد لله جهاد اهلا شن الجو
جهاد. مليح تي وينك يا شينه مغيبه
انا. اهوو ماشيه
جهاد. هيا اني ماشي تو نجي بعدين
انا. "خشو للحوش قعمزو طلعوا مكلمتهم ماما عازمتهم علي الغذي هما وحوش عمي يعني ايه وايلاف ونور وعمتي ومرت عمي خشينا للكوجينا لقينا ماما موتيه حاجات وماقالتليش "
ايه. قولي
انا. نعم
ايه . نحس في جوك مش تمام
انا. لا لا عادي
ايه. باهي شن بديري
انا. غير كلمي نور قبل
ايه . باهي تو نمشيلها
ايه . "هااي اني ايه نكون بنت عمة الاء نعرفها الاء جوها حلو وديما تضحك لكن اليوم وجها كان اصفر وجوها مش حلو بكل مشيت لحوش خالي لقيت مرت خالي *
مرت خالي . اهلا جيتو ا
ايه . اهلين خويلة شن حالك
خويله . الحمد لله امك جت
ايه . اي جت
خويله . باهي شويه ونمشيلهم
ايه . خويله نور وين
خويله . شوفيها في المطبخ
ايه . "مشيت للمطبخ لقيتها مقعمزه علي الطاوله وتفطر "
ايه . من صبح ربي ترصي العفو
نور. صباح يا فتاح من وين طلعتي انتي
ايه . كللبا شن جوك
نور. مليح
ايه . هيا نوضي الاء وايلاف يستنوا فينا
نور. قصدك بنتغذوا في حوش عمي
ايه . اي هيا اسمعي الاء خيرها
نور. خيرها
ايه . مش عارفه جوها مش هوا وتتكلم بالسيف ماعرفتش
نور. اكيده كيف نايضه
ايه. مانعرفش غير هيا نوضي
نور. اليوم جمعه وخوتي كلهم قعدين راقدين يبو فطور اكيده
ايه. تي فوتيهم هيا
امجد. نور
نور. ها شفتي
امجد. "ماشافش ايه "ديريلي حاجه ناكلها
ايه. غير صبح قبل
امجد. اوو ايه شن الجو
ايه . باهي بعد شني
امجد. وين عمتي
ايه. مش جايينكم جايه لالولتي حبيبتي
نور . وخيره اني يا كللبه
ايه . فرق يا حبيبتي مع انها اليوم مش عاجبتني لكن في فرق
نور. "وهذا كله وامجد واقف يسمع فينا واضح تغير وجهها علي طول وطلع درتله فطور ورفعتهوله في داره طقطقت .."
نور. امجد فطورك
امجد. فوتي مانبيش
نور. في الكوجينا "ماحبيتش نضغط عليه "
امجد. "نتصل بيها ماتردش عليا بتجنني البنت هاذي .."
انا. "كنت في المطبخ مع ايلاف وماما وعمتي خلاص قلبي غام عليا ومضايقه بنمووت استأذنت منهم وخشيت لداري بنرتاح شويه امتديت علي السرير تليفوني مديت يدي خذيته من علي الطاوله لقيته "مجودتي" توا خفت حق رديت عادي
انا. الو صباح الخيرات
امجد. صباح النور "لما سمعت صوته ارتحت "
ليا ساعه نتصل خيرك مارديتيش
انا. اسفه ماكانش جنبي
امجد. صوتك مش عاجبني فيك حاجه
انا. لا لا عادي ماادورش
امجد. الاء ماتخوفنيش عليك شن في
انا. مافي شي صدقني
ايه . نور "خشوا "في من تكلميي
انا. باهي سلام توا نكلمك بعدين
ايه . بسرعه اعترفي في من كنتي تكلمي
انا. وحده صاحبتي
ايه . صاحبتك ؟!مش قادره نصدقك لكن بما اني بايته عندك اليوم فعندي وقت
نور. هيا نطلعوا وقت علي الغذي
انا. "وطلعنا وفات يوم مش زي اي يوم بالرغم من جو العيله واللمه والضحكه والفرحه كان عقلي في مكان تاني وقلبي مهموم اني انسانه كنت عايشه بالبركه من ناحية الحب لانعرفه ولا يعرفني اهم حاجه مستقلبي قرايتي ماكنتش مؤمنه بالحب وفجإة حبيت وكل يوم نزيد نتعلق ب امجد اكثر ونشوف في حبه وخوفه عليا في عيونه لكن في حاجه مانعتني من اني نعترفله خايفه يجي يوم ويسيبني ويجرحني خاايفه واليوم كأنه المراة الافي الحلمه اكدتلي انه النهاية جرح كبييير .."
يتبع 💋🎼
كاتبة الروايه لوليانا 💜🎵
أنت تقرأ
حب بطعم النوتيلا
عشوائيرواية ليبية بقلمي الكاتبة الاء عبد الستار فتاة لا تؤمن بالحب وفجأة يظهر لها الهيام بذاته واسرها .. في كل مرة يهمس لها ب احبك يكاد قلبها ان يتوقف ظلت اسيرة عشقه .. حتى نهايتها ...
