حب بطعم النوتيلا

الاخيره❤الجزء الثاني

في مكانها ومكانه الاغلب يتمنوا يكونوا فيه
كانت تشوفله وهوا خاش والابتسامه ماليه وجها وفرحه تبان في عيونه وصل لعندها قاملها طرححتها
وباس علي راسها
امجد . مبروك عليك اني غاليتي
الاء. ههههه ومبروك عليك اني غاليا
قعمزوا وفجأة نطفأ ضي الصاله والكل نخلع نفتحت شاشه كبيييره
الكل تلفتلها ..
كان بروجكتر عرسهم كل مرحله في حياتهم معروضه لما كانوا صغار ولما كبروا صور السلفيات ايام علاقتهم صور الهدايا ..
حاجه وحده استغربوا منها كل الهدايا نوتيلا شن السر الاّ بطلنا وبطلتنا شافوا لبعض نظره هما فهموها كوووويس كان في تعليقاات حلوه ع الصور
انتهى البروجكتر بخاطره

الحظ حالفكم والنصيب جمعكم و في قدركم مكتوبين لبعض  ..
الطيبون للطيبااات ..
احلى عرسان حب بطعم النوتيلا #مبروك

كان شغل نور ونغم ومساعده من باقي اطراف العائله خلاص بغادروا وبيبدوا صفحه جديده داخل القفص الذهبي الخاص بيهم مسكوا ايدين بعض بطلتنا راسها مرفوع وشعور الفرحه مسيطر عليها وثقتها فيه ماضاعتش كانت تمشي بكل هيبه وفخر ومبتسمه  ومع فستانها الا مطلعها تحفه الكل انبهر بيها وبجاملها تمشي وماسكه فيه وكأنها تقول اني جنبه مش حيصيرلي شي وهني هيا سعادتي ..
وبطلنا كذلك يفرفش وخاش بعضه من فرحته اكيده كيف عاد هاذي الاء واليوم صارت حلاله وملكه وليه هوا كان شكلهم تحفه صح مش اول وحدين يتزوجوا لكن كان لزواجهم طعم خاص طعم النوتيلا.. بطلنا كان لابس طقم على الاسود وزايده حلاوه مع سواد لحيته وشعره الناعم   ركبوا واتجهوا الى عش الزوجيه وبيت السعاده متعهم كانت في انتظارهم مفاجأة
كيكة عرسهم على شكل نوتيلا
امجد"شافلها وابتسم"مافيش مهرب منها
انا. ابدا ماتنساش بفضلها
امجد. ههههه سبحان الله
انا. هيا هيا سهفتني النوتيلا
امجد. الله المستعان
انا. ههههههه
امجد. مهبووله  ...

للكاتبه لوليانا ..

النهايه ...
في الحقيقه لا يوجد نهايه فلكل نهايه بدايه جديده

حب بطعم النوتيلا
اول حاجه تخطر علي بالك لما تسمع قصة ابطالنا
حبهم الا بطعم النوتيلا
بنت ابسط من البساطه طموحها كبرها وهيا صغيره في العمر بدت مذيعه وان شاء الله مستقبلا دكتوره
غريبه في عالم الحب اهتمامها واولاوياتها كانت لطموحاتها ودراستها فجأة انقلبت كل الموازين وملك قلبها ولد عمها اسرها بحبه وحنيته وكونه سند ليها قبل صارت اشياء ممكن حني ماحسنهاش مهمه لكن اثرت علي علاقته وبعد فتره اجتازوها ببساطه قلوب نخلقوا لبعض والقدر جمعهم
الثقه ماتنعطاش بسهووله .. والاولاد مش كلهم كيف امجد او احمد او حتى ليث ومحمد حبوا وطلبوا الحلال  لا بالعكس نادروا وين تلقي حد هكي في وقتنا الحالي .. نصيحه ليك ماادخلييش حد في قلبك الا لما يكون يستحقه .. انتي الا حتنجرحي وتتعذبي وتنكسري وتنخدعي وتخسري ...

امجد . شخص عصبي وانطوائي وجديات قرايه وبعدين خدمه وبس والكل يهابه ويديرله في حساب الى ان جي اليوم الا دق فيه قلبه ليها هيا كبريائه منعه انه يعترفلها لكن الحب والظروف كانت اقوا .. امجد كان سند وحبيب وزوج واكتر ليها ..

احمد &نغم
من صداقه الى حب الى زواج ..دليل علي اخلاصهم ووفائهم لبعض .. اليوم متزوجين وعايشين حياة حلوه ماتخلوش من هبال نغم وعفويتها في التصرف واكيد روح احمد الحلوه

ليث ...
اااه من ليث . الكل انصدم من الا صار لسما وليث مايقلش علي حد .. لما تحب بجدياات وبأخلاص حتنصدم زي ليث .. بعد كل الاحلام الا بناها ومخطط يعيش معاها .. ضاعت ..ليث شخصيه مرحه ولطيفه وطيبه لابعد الحدود وحتى هوا روحه الحلوه مخلياته محبوب والدليل حب سما بعد ماكان كره اعمى ليه ..ليث عايش في صدمه  لليوم وعايش على امل انه ترجع او ترد عليه ..

حب بطعم النوتيلا
روايه خياللليه منسوجه من خيالي رتبت احداثها ونسجت كلماتها والان وصلت لاخر حروف فيها .. حققت نجاح اني راضيه فيه علي نفسي وخاصة اني درتها في وقت الدراسه ووفقت بينهم ...
شخصية بطلتنا قريبه من شخصبتي وحقيقه حطيت نفسي مكانها وخليت خيالي يشتغل ..
وبالنسبه لامجد كنت مانبيش يكون عنده توأم لكن درتله باش نبين الفرق في الشخصيات وان مش كل الناس زي بعض واقوى دليل التوأم ..

اكثر حاجه حبيت نوضحها "النصيب"صراحة اني مؤمنه ب النصيب ايمان قووي وواثقه في ربي
(وعسى ان تكرهوا شيئا وهو خير لكم )
النصيب اقوى مني ومنك ومن العالم  كله لو لفيتي ودرتي حتاخذي الا كاتبهولك ربي ماتجري ورا شي غير اخرتك والباقي الا مقدرهولك ربي حتاخذيه ..

ياريت تكونوا استمتعتوا وعشتوا احداثهم بخيالكم
ونتمنى لكل حد دعمني ونورني بكمنتات حلوه
ان شاء الله ربي يوفقكم ..ديرولي فولو علي ايميلي ع الواتباد انتظروا روايتي الجديده ..

استودعكم الله الذي لاتضيع ودائعه
دمتكم بخير عزيزاتي ..
الكاتبه :الاء عبد الستار "لوليانا "