عند الاء
انا. "نضت من النوم فتحت تليفوني علي امل نلقى اتصال رساله تردلي الروح فتحت الفيس والصدمه شلت كل خلايا جسمي نقرا ونعاود والدموع تقطر علي شاشه التليفون كانت الصفحه كلها سبان وكلهم يتكلموا فسخان الخطوبه المشكله مافيش حد يعرف اننا بنفسخوا والا كاتبين اكيد حاضرين البنت التافهة متع الكليه حذفت التليفون وانهرت معاش عندي حيل خلاص..
ٌوفجأة فتحت عيوني في دار بيضه مركبينلي تغذيه وجهاز تنفس علي فمي اول مافتحت عيوني طا0وا في عيون كانوا معبيات دمووع وحمر يحكوا علي الف حاجه والا غالب عليهم الانكسار قعدنا فتره نشبحوا لبعض نزلت مني دمعه سااخنه حسيتها حرقتني حرق وحركه لااراديه منه مسحهالي وبصوت مبحوح وكأنه طفل صغير مش لاقي امان عيونه يلفوا في كل زاويه في المكان
امجد. علاش علاش هكي فهميني تعذبي فيا امس بس كان جونا حلو شن صار احكيلي اعطيني عذر واحد يخليك اديري هكي من الاول ماتبيش علاش املتيني وعطيتيني فرصه حرام عليك والله حرام
انا. "كنت جسد بلا روح دموعي بس الايتحكوا "
قولولي كيف بنكلم امي ونقوللها بنفسخ والله ماقدرت مانقدرش نتخللى عليك كيف هنت عليك سبب واحد عذر واحد مع اني متأكد انه مافيش ربي يسامحك يا الاء
انا. "كلامه يقطع وشكله اكتر والله شفت دموعه ينزلزا وهوا يتكلم اول مره في حياتي نشوفه يبكي من قبل حتى مانحبه كان جبروته طاغي وتوا يبكي زي الطفل بالزبط بلعت ريقي وجيت بنتكلم
"
انا. امج..
امجد. اششش خلاص انتي تبي هكي براحتك الحمد الله ع السلامه وماتشوفي شر حافظي علي روحك يا حبيبتي نحبك "وبحركه سريعه مسح دموعي ومسح دموعه وطلع
انا. "حاجه تكسرت داخلي عرفت انها هاذي نهايتنا خلاص معاش في امجد معاش في قصة حب معاش في خطوبه
امجد.
سمعت ان رفعوها المستشفى طلعت طيران زي المجنون مافقتش لولا حاجه لا لبسي ولا شكلي ولا تليفوني خشيت للمستشفى شفت عمي سألته قلبي كان يررف ويدقق بسرعهه ولا بطل ولا وقف ودايخ خشيت للغرفه لقيتها كان وجها شاحب واصفر وملامحها البريئه مخفيه قعمزت جنبها لساعات لين فتحت عيونها تردد للحظاات وفتحتت صدري حكيتلها الا في خاطري نشوف في دموعها تنزل وقلبي يقطع فيا هذا قرارها تتحمل طلعت قعمزت علي الكراسي حسيت روحي ضايع مش عارف ولا حاجه 💔...
بعد مرور يومين
انا. "اليوم روحت من المستشفى تعبااانه امجد من هذاكا اليوم ماشفتاش جتني مرت عمي ونور ..
اعميمه. الاء بنتي خيركم الولد لا ماكله ياكل ولا كلام زي الناس ولا يروح للحوش اصلا نكلم فيه مايردش عليا وانتي حالك مش احرف منه راقده ملوحه يومين في المستشفى شن فيكم خيركم
انا."قللبي ياناس والله خلاص معاش نتحمل "
امجد قاللك حاجه
عميمه. لا يا بنيتي اني مانشوف فيه
انا. عميمه حني فسخنا
عميمه. لاه عليك يا بنيتي شن فيكم خيرك دارلك حاجه والله نجيبه تحت رجلك توا
انا. لا يا عميمه امجد ماشاء الله عليه وربي يشهد عليا انه ماعمره قصر او غلط لكن مافيش نصيب سامحيني يا عميمه
عميمه. والله مسامحه لكن علاش يابنيتي تمنيتك لامجد وليدي وتكوني كنتي مش حنلقى احسن منك لكن حاجه ترجعلكم وشكلكم مقررين
انا. "شاده دموعي بالسيف خلاص الكل عرف اننا فسخنا نهاية حبنا نهاية سعادتنا ونهاية كل ذكرياتنا خلاص جت نضت "نستأذنكم تعبانه
نور. "لحقتني "
انا. "خشيت للدار قعمزت جت جنبي نور كانت مصدووومه "
نور. الاء حبيبتي قوليلي كذب
انا. "وهني انهرت ياربي يزيدوا فيا في الهم علاش"
نور. "اضبطتني "الاء خيرك شن صار قوليلي الاء بتبكيني معاك راه خيركم حتى امجد حاله مش احسن من حالك توقعتكم متعاركين لكن توصل بيكم تفسخوا
انا. نور نحببه يانور اني قولتله نبو نفسخوا هوا مكانش يبي قوليلي كيف حاله ياربي استاحشته حبيبي امجد
نور. "وجعتتتنييي مستحيله مقدرتش نصدق نعرف قداش يحبوا بعض قعدت مضبطتها لين هدت شويه دخلتها للحمام غسلتلها وجها خشت للدار رقدتها ع السرير قعدت نمسحلها علي شعرها لين غفت وطلعت لقيت ماما مروحه طلعت روحت خشيت للحوش نسمع في ماما تكلم في بابا في الصاله "
أنت تقرأ
حب بطعم النوتيلا
Randomرواية ليبية بقلمي الكاتبة الاء عبد الستار فتاة لا تؤمن بالحب وفجأة يظهر لها الهيام بذاته واسرها .. في كل مرة يهمس لها ب احبك يكاد قلبها ان يتوقف ظلت اسيرة عشقه .. حتى نهايتها ...
