انا. ماعنديش غير مصعب
نور. باهي اتصلي بيه
انا"طلعت تليفوني و اتصلت ب مصعب "
انا. الو السلام
مصعب . وعليك السلام
انا. شن جوك توا
مصعب . ماشي وانتي
انا. تمام مصعب نبي نطلب منك طلب لو تقدر
مصعب. انتي غير اطلبي بس
انا. "و اني نكلم في مصعب يطلع امجد من الدار من الصدمه معاش عرفت شن يدير كان يشوفلي بنظرات غريبه خذي كرسي وقعمز مقابلني "
انا. نبي الرقم الا اتصل بكري اخر اتصال في الحلقه
مصعب. قصدك متع البنت الا كانت تبكي
انا. ايوا بالزبط هوا هاذه
مصعب. تمام اني توا مش في الاذاعه تبيه اليوم انتي
انا. لو تقدر عادي "وهني شافلي بنظرة تتطاير منها شراره مع رفعة حاجب "
مصعب . تمام اني قريب منها تو نبعتهولك في مسج
انا. شكرا تعبتك معاي
مصعب. ولا يهمك تعبك راحه
انا. "صكرت من مصعب ماقدرتش نرفع راسي من التليفون شعور الخوف اول مره نحس بيه لهدرجه "
نور. "كنت نشوف ل الاء وهيا تتكلم ونشوف لامجد وهوا يشوفلها عيونه بيطلعوا مع انه كان هادي بس عيونه توقد نار حبيت نلطف الجو شويه .."
نور. حصلتي الرقم
انا. شويه ويوصل
نور. باهي ميه ميه اهي فرجت
نور. عجباتك القهوه
انا. اي حق عجباتك القهوه
انا."خلاص من الارتباك معاش عرفت شن نقول هوا كانت ساكت يشوفلنا وخلاص "
امجد . يعني لوين بتوصلوا انتو الزوز
انا. شن يعني
امجد. يعني المفيد والمختصر مع من كنتي تتكلمي
انا. شن مع مني من امتى تسأل
امجد. قعد شاد روحي ومسيطر عليها بسرعه مع من
انا. "بجد كنت خايفه لا نظراته تبشر بالخير ولا حتى شكله "
انا. كنت نبي رقم اتصل بيا بكري في الاذاعه واتصلت بيهم نبي ناخذه
امجد. بمن اتصلتي سؤالي واضح
انا. اتصلت بمنفد الحلقه
امجد. شفتي الصراحه حلوه اني طالع
انا. "هوا طلع واني قلبي كان بيوقف شفت لنور كانت مصدومه ووجها اصفر "
انا. نووور
نور. اسكتي ماتتكلميش قلبي واقف
انا. واني شن .."رجع تاني "
امجد. التليفون
انا. شني
امجد. تليفونك هاتيه
انا. بلا جو الاتبيه خذيته ومع ذلك مش من حقك تسأل لكن جاوبت عليك تفادي للمشاكل
امجد. كلمه مش من حقك ومخلكش والجو هذا معاش تتعاود هاتي التليفون
انا. ولا تحلم
امجد. هاتي ولا نقولك بلاش "طبس ع الطاوله وخذاه وطلع بسرعه "
انا. نور حيه عليا حي شن بندير خذي التليفون وتو بيبعت الرساله
نور. ماتعرفيش مجنون لما يكسر الحوش فوقنا
انا. التليفون بدون باسورد
نور. اااه احلفييييي
انا. والله
نور. حماره انتي فهميني
انا. اسمعي اني مش دايره غلط يمشي يملح
نور. عارفه لكن فهميه
_________@#@___@#@_____@#@_____
امجد. "طلعت من الدار لقيتهم مقعمزات في وسط الحوش كانت الاء تتكلم في التليفون واول ماشافتني تغير وجها طول كان واضح شفت لنور حتى هي نفس الشي استنيتها تكمل بدوا يتكلموا وبصراحه مافهمت شي كنت معصب حاولت نهدى سألتها وجاوبتني والصراحه صدقتها وعارفها مسنحيل تكذب عليا لكن حنشوف بروحي خذيت تليفونها وطلعت وقفت بالسياره واني طول الطريق ندعي يكون التليفون بدون رمز فتحته كان بدون رمز فتحت سجل المكالمات اخر مكالمه كانت "مصعب" هني شعلت فيا نار حسين اني نبي نكسر التليفون فتحت برنامج كان مسجل مكالمات سمعت كل مكالماتها مع هذا الا اسمه مصعب كانوا عاديات كله ع الحلقات وشغل هني ارتحت عرفتها قد ثقتي فتحت الاستديو لقيت صورها هيا وصاحباتها مابيتش نفتحهم فتحت البوم كان مكتوب عليا "صوري "
شفت صورها كان تضحك كانت ملك نازل من السمي كانت تهبللل تحفه اني عكي نحس فيها طلعت من الاستديو رجعت للسجلات لقيتها مسجلتني "مجودتي" كذبت عيوني فرحت فرحه لا توصف صكرت التليفون ركبت السياره وروحت للحوش
ركبت لنور
امجد. نور
نور. ها خيرك
امجد.روحت
نور. اي استناتك ماجيتش مش لقطه درتها هيا صارحاتك علاش واخذه التليفون
امجد. خلاص صكري ع الموضوع
نور. امتى مقرر تردهولها
امجد. قولنا خلاص
❤💋❤💋❤💋🙈🙈🙈❤❤😍💋💜💙💙💙💜😂🐢👍🎼🎵💋❤
انا.روحت للحوش كساد للمليون وزياده تليفون مهناش وخايفه والتغكير في امجد بيقتلني اتصلت نور بتليفون ماما
نور. الو عميمه
انا. هاذي اني روح امجد
نور. اي كيف روح
انا. شن قالك
نور.سألني عليك قولتله روحت
انا. باهي شن قال
نور. مش عارفه علاش خايفه دايره حاجه غلط
انا. لا مش دايره خوك مهبول انتي عارفاته
نور. حسسني انه راجلك هوا يمشي يملح فوتيه تو يردلك التليفون وخلاص اصلا مكانش معصب هوا
ان. باهي كيف بيرده
نور. تو نمشي اني ناخذه منه
انا. باهي ماتعطليش
نور. نزلت لدارهم طقيت ع الباب
امجد. خش
نور. البنت تبي تليفوناها
امجد. مش توا
انا. اسمع تبي كلام الحق انت مش خطيبها ولا راجلها ولا بوها ولاةخوها ماليكش الحق تاخذه احمد ربك انها سكتتلك ماشي فردلها التليفون بلا جو
امجد.((صح اني مالياش الحق لكن اني نحبببببها ونموووت فيها ونغااار عليها وقريبا حتبدا خطيبتي وحلالي وكل شي طلعت ركبت للسياره ركبت للسياره كانت مقابله حوشهم حسيت روحي غلطت لازم نصلح .
ركبت للسياره كانت مقابله حوشهم حسيت روحي غلطت لازم نصلح لكن كيف بنكلمها ونشرحلها شويه وشفت ضو جنانهم ولع كان الباب الخارجي مفتوح نزلت من السياره شفتها سبحان الله كان ربي حاس بيا مشيت جيهة الجنان كانت واقفه جنب طاوله ...
انا. "طلعت للجنان بنصكره كنت واقفه جنب الطاوله حسيت بخطوات وراي خفت لفيت نصدمت لما لقيته امجد "
يتبع كاتية الروايه ((لوليانا ))❤💋
اعطوني رايكم نحبكككممم 🎶💜
أنت تقرأ
حب بطعم النوتيلا
Randomرواية ليبية بقلمي الكاتبة الاء عبد الستار فتاة لا تؤمن بالحب وفجأة يظهر لها الهيام بذاته واسرها .. في كل مرة يهمس لها ب احبك يكاد قلبها ان يتوقف ظلت اسيرة عشقه .. حتى نهايتها ...
