Selene Montezor

Thirteen

Kierra Rodriguez

"MUKHANG may masaya 'ata ngayon," nakangising wiki ni Mercury. "Road to forever na ba?" tudyo niya pa.

Napakagatlabi ako sinabi niya. True, I'm really happy. Selene and I made a decision na bigyan ng chance ang marriage namin. After that breathtaking confession, we talked about our feelings and boom! Sa hinaba-haba man ng bangayan namin, hindi ko aakalaing mauuwi din pala kami sa unawaan.

I looked at the girl beside me. She's sleeping peacefully inside my arms. Pagkatapos kasi naming magkaaminan sa tree house, bumalik na agad kami dito sa tent. Nagkwentuhan pa nga muna kami bago siya dinalaw ng antok.

"What did I tell you?" I raised a brow at Chrome. "The Fates are real."

"Yep, pero kayo ni Lux, ano na?" asar naman ni Mercury sa kaniya. "Ang hina, my gosh!"

"Shut up, Mercurio. Wala ka talagang ibang bukang-bibig kundi ang Romualdez na 'iyon! Baka naman ikaw ang may gusto sa kaniya!?" ganting asar naman ni Chrome.

"Sauce, selos ka lang, eh!" dagdag pa ni Mercury.

"Kung mag-aaway lang din naman kayo, doon na sa labas. Ang ingay niyo! Magigising itong prinsesa ko." Saway ko naman sa kanila.

They exchanged knowing glances. Tinapunan ko sila ng unan. Mabuti lang at nakailag agad silang dalawa.

"Duh, ang sabihin mo, you just want to have a moment with your wife, 'di ba Mercurio?"

Mercury agreed, "sinabi mo pa, B1." Napatawa ako sa itinawag niya kay Chrome. "nagka-love life lang tapos pinapalabas na tayo."

Sinipa ko ng mahina si Mercury. "Tumigil na nga kayo riyan."

"Tapos ngayon naninipa na. Nasaan ang hustisya, B1?" kunwa'y nagtatampong pahiwatig niya.

Pinalabas ko nalang ulit silang dalawa. Kung hindi ko lang yakap ngayon si Selene, baka binigyan ko na sila pareho ng flying kick. Napabuntonghininga ako. I glanced at her again. Sobrang tulog na tulog talaga ang koryana.

I kissed her forehead and hugged her tight. Naisip kong hindi na rin mahalaga kung maalala ko pa o hindi na ang dahilan kung bakit kami ikinasal. What's important is that we feel the same way. Hindi ko rin naman lubos maisip na magkakagusto ako sa babaeng katabi ko.

Hindi siya ang type ko since I prefer guys. Yes, I'm straight but with this girl, nababaluktot ako ng hindi ko man lang namamalayan. This girl really knows the way to my heart. Sana lang totoo din 'yong nararamdaman niya para sa'kin.

Natatakot din naman akong maiwan sa ere. I mean, who wouldn't 'di ba? Everyone is entitled to be afraid. I sighed. I hope that what we have will sail smoothly. I kissed her forehead again and drifted to sleep.

KINABUKASAN ay maaga kaming gumising para magligpit. Ito na kasi ang araw na uuwi na kami sa kabihasnan. Kasalukuyan naming itinutupi ang tent nang lumapit si Prof sa'kin.

"Anj," mahinang tawag niya sa'kin, "can I talk to you for a minute?"

Tumingin ako kay Selene para humingi ng saklolo. Ang siste, tinaasan lang niya ako ng kilay sabay irap. Napakamot tuloy ako sa ulo. I sighed and nodded at him.

"Ano po 'yon, Prof?"

"Uh," napahawak siya sa batok niya, "Anj, uh, nothing..."

Nagsalubong naman ang kilay ko sa inaakto niya. "Is there a problem, Sir?"

"Ha? N-no, uh...well, you know that t-this will be m-my last day at JSU, right?" tumang ako. "Well, I-I was j-just wondering i-if...if w-would you l-like to have a d-date with me?"