البارت الأول
.
بيت صغير بي غرفه وحده وبس
كاعده بأحد زوايا الغرفه بنوته بعمر الورد متكوره على نفسها وجاي تبجي بحركه وهي تباوع على ابوها شلون يضرب بكل قسوه ووحشيه بأمها واختها
امها ماكدرت تتحمل الضرب وانغمى عليها اما سهام هربت وطلعت بالشارع شعرها مكشوف وجهه كل دم من الضرب وملابسها ممزقه تركض بالشارع وتبجي
طلع ابوها وراها وهوه يغلط ويشتم ويفشر ولا كأنما بنته والناس الرايح والجاي يهز بأيده
ابو سهام:- ياكلبه يابنت الكلب تشردين من عندي مو مصيرج ترجعيلي مثل الكلب الجربان ياعار انتي عار علينه بري منج ليوم الدين تفوووو تفووو
جان ابو سهام واكف بالشارع وكرشه طالع متر ليكدام لابس دشداشه بيضه بس من الوصخ صايره سوده وريحة الشرب تفووح من عنده ولازم بيده الصونده ويصيح
مر من يمه جوارينهم ابو تبارك الرجال الصالح الكضه عمره وحياته يخدم بالجيش
ابو تبارك:- خويه شالقصه هوه هيج كالوها داشوف الناس شلون تأشر عليك
ابو سهام:- وانته شنو يابه ابوي اخوي درووح منا روووح
ابو تبارك هز ايده ومشه الرجال
جان هالموقف قبل أشهر من شردة سهام من البيت ورجعت بنفس الساعه وانبسطت مره ثانيه من ابوها
عوده الى الوراء قبل ست اشهر
كاعده سهام على المرايه تمشط بشعرها الطويل واختها الصغيره واكفه وراها وتلعب بشعرها
وماحست الا ايد اجت وجرت شعرها وسحلته بالكاع
ابو سهام:-ولج بنت الكلب متونسه وجاي تمشطين واحنه كاتلنه الجوع
سهام:-بابا فدوه اروحلك يعني شسوي
ابو سهام:-شتسوين يعني بنت الكلب امشي فوتي شوفيلج شغله نعيش منها بدل ماكاعدتلي كدام المرايه تتدلعين
هد شعرها وطلع من الغرفه ولكه مرته كاعده اباب المطبخ تبجي لاحول ولاقوة عدها
ابو سهام:-وانتي عليمن تتبكبكين يابه هسه لو جايبه ولد جا عايني على ضيم الدنيا بس ملتهيه تجيبين بهل بنات الگشر وتذبين عليه
ام سهام:-حسبي الله ونعم الوكيل حسبي الله ونعم الوكيل
كامت ام سهام ودخلت يم بناتها بالغرفه وكابلتهن وكامت تبجي
ابو سهام:-حسبي الله عليج وعلى بناتج
اسمعن ولجن اني طالع هسه ارجع اريد فلوس مشكلتجن هاي تدبرلي فلوس
خله وطلع وعاف وراه ام سهام تدك على راسها
سهام:-يمه كافي هاي شبيج
