البارت الخامس
رحت للسوك ودخلتله لان بيته جان قريب على السوك واول مادخلت كمت اباوع للناس وللمحلات والبسطيات هواي مشتاقه لمدينتي واهلي وناسي واخيرا وصلت للقصر .
لكيت ولد اثنين معضلين ولابسين بدل رسميه سوده ومناضر شكلهم يخوف كالو شتردين كلتلهم اريد اقابل مالك القصر كالولي ماموجود بالشركه كلتلهم نيمت يرجع كالو بعد ربع ساعه ويجي
اكو مسطبه صايره يم البيت رحت كعدت عليها وحطيت ايدي على راسي كلت خل انتظره بعد ماعندي حل غيره والشمس تكتل واني على لحم بطني من الصبح حتى مي ماشاربه راسي كام يدور ونفسي يصعد وينزل من وره الشمس تمددت على المسطبه وغطيت روحي بالعبايه ونمت
بعد ربع ساعه اجن سيارات ثلاثه ووكفن يم القصر نزل من عدهن الاستاذ سعدون والتفت لكه بنيه نايمه على مسطبه سأل الحراس عليها كالوله هيه منتظرته يجي وتريد اتقابله ابتسم وكلهم روحو كعدوها وجيبوها وراي للقصر
الشمس كتلتني كتل قررت انام توني غفيت واجو حراس كعدوني كالو يلا كومي الاستاذ اجه ويريد يشوفج اني فرحت على السريع حطيت عباتي على راسي وكمت وياهم ودخلت للقصر بس من صدك قصر الحديقه كوولش جبيره وريحه الورد ترد الروح وبعدين دخلوني لغرفه الضيوف كوولش حلوه واثاثه كله من هذا الراقي وكرويتات وكعده عربيه فد شي يعني عجبني الديكور كعدت على الكرويته ولكيت ماي بارد على الطاوله ماصدكت روحي كضيت الدولكه وشربته كله وزاد منه شويه غسلت وجهي ومسحته بعباتي جني عجوز😂 بس والله جنت تعبانه وعطشانه وجوعانه واريد انام وجان اكو بالغرفه مكيف واني تعبانه كبل غفيت على الكرويته وماحسيت الا ايد تمشي على وجهي فزيت بسرعه ووكفت لكيته نفسه الرجال الي اجيت اقابله كلتله انته
"اي اني سهام شلونج وشجابج لهنا اني الفهمته ابوج باعج بالموصل وكمتي تشتغلين بمجموعه الملاهي مال ست لينا شرجعج لبغداد"
كمت فاكه حلكي بفهاوه ياربي هذا شعرفه بأسمي وشعرفه بست لينا
"هههههههه ادري بيج مستغربه بس انا اعرف كولشي عنج وعن حياتج وحتى انا الي انطيت فلوس لابوج. وسفرته للخارج هوه وامج واختج"
"شنووووو انته تعرف وين همه فدوه كلي اهلي وين"
"لاتخافين لاتخافين اهلج بخير بس اختج ابوج ضاربها على راسها حييل وصار عدها ضمور بالدماغ ووصلت الموت اني بيومها جنت رايح اخطبج بس من شافتني امج كامت تتوسل بيه اساعدهم فسفرتهم للخارج حتى يعالجون اختج"
.
.خنكتني العبرة دنكت راسي نزلت دموعي بشهكة عمت عيني عليج ليلوه الله ينتقم منك بابا شسويت بينه رفعت راسي جان صافن عليه كلتله
"ماعرف شلون اشكرك استاذ وشلون ارد معروفك هذا"
"لالا تكدرين تردينه"
