بارت 14
.
اخذهن قيس وصعدهن بسيارته وقلب سهام ورنا يدك بسرعه من الخوف التوتر الغضب كلهن اجتمعن حاولن يبعدن التوتر عنهن ويسولفن ويضحكن بيناتهن حتى قيس ميحس بشي
التفتلهن قيس وابتسم عرفهن هنه نفسهن الي طلبن منه فلوس من التقى بيهن بالمطعم هوه ونور واستفزوهن بكلامهم سئلهن بسذاجه
لكيتن احد ينطيجن فلوس
جاوبته رنا بغنج خلت سهام حاسرتها الضحكه من طريقه كلامها
رنا:لا والله منتسريك انته تنتينه يعني(لا والله منتظريك انته تنطينه)
ضحك قيس بصوت عالي
قيس:اموووت على التدلع انا
ندستها سهام وهيه كاتمه ضحكتها بصعوبه
رجعتي طفل عمره سنتين وانا ماعرف ولج
جاوبتها رنا بهمس
رنا :شنسوي من افلاسنه
هنا ضحكت سهام بصوت عالي وماكدرت تكتمها
قيس:ضحكنه وياجن عيوني تره كلش ضايجين
سهام:ماكو شي عيني وعلى شنو ضايج احنه ضوجناك بشي
قيس:لالا دمجن عسل والله العظيم
رنا:انته العسل ياعسل فديتك انا
قيس:ههههههه امووت عليج من تدلعين
ندستها سهام مره ثانيه
ولج كافي راح تموتيني كالوها نقشمرهم بس مو هيج
رنا: لعد شلون يافهيمه
سهام:داسكتي سكتي
قيس:بنات اليله انا هواي فرحان اريدجن ترتبلي حفله محترمه نسهر للصبح ماشي
رنا: ولايهمك استاذ خليها علينه
سهام: مساع جنت ضايج وهسه طاير من الفرح حتى الطفل ماسوه سوايتك
ضربتها رنا بخفه على كتفها
هههههه نزوول عليج سهام شكد تحبين تشاقين
قيس:ههههه اي والله صح كلامج بس الحقيقه انا هواي فرحان
سكتن البنات لمن وصلن للعماره الي بيها الشقه نزلن بهدوء وقيس وياهن صف السياره واجاهن صعدو سويه لاخر طابق للشقه مالتهم طلع المفتاح وفتح الشقه صاح نور وينك تعال
اجه نور لابس روب النوم ومتعطر وسابح
ياهلا ياهلا ياهلا تفضلن عيني تفضلن البيت بيتجن
قيس:هاي شنو ولك من هسه حضرت روحك تره بعدها اليله بأولها ههههه
نور:جا شنسوي ماتكلي محروميين
قيس:لككك انته محرووم شو تعال يمي صدك ذكرتني شلون تسوي بيه هيج اليوم ولك
نور:هاي شنو قيس يمعود منا البنات خلي وقت الحساب بعدين
