بارت 9
جاي امشي وافكر واحس ايد سحبتني حييل
توجعت كلش ومن رفعت راسي تلاكت عيوني بعيون الكلب الخذه شرفي وشمرني همست بصوت ممزوج بالخوف والحقد
"سعدوون"
"اي سعدون يافارتي الصغيره ههههههه"
نترت
"انته شتريد مني"
"مارايد منج شي الي اريده منج خذيته من زمان بس هسه اريد فلوسي"
عرفت شنو جان يقصد من كال الاريده منج خذيته من زمان ماتحملت وتفلت بوجهه💧💧
"تفووو عليك ياكلب ربع دينار مالك عندي انته واحد خسيس ونذل وعديم شرف مستحيييل ارجعلك شي فوك مامغتصبني وسالب شرفي منه جاي بكل عين وقحه تطالب بفلوسك ولي منا ياسافل ياعديم الشرف"
"انا سافل وعديم شرف ياساقطه يابنت النوادي"
لزمني حييل من شعري وكمت اصيح
"اتررركنييي ووولي عني "
"اناا اعلمج اذا ماطيح حضج"
جرني من شعري ويريد يطلعني بره الفندق وانا اصررخ وادفع بي
"ولك اتركني اتركني الله لاينطيك ولايرضى عليك ابن الكلللب"
وماحس الى سعدون وكع بالكاع غارك بدمه التفتت لكيت ساره وفضه شامراته بالمزهريه على راسه
التم كل الفندق على سعدون حسبالهم مات ومن وصل الخبر لست لينا اجت تركض وتصيح
"ولجن شسويتن لييش هيج لييش كطعتن رزقي الله يموتجن ويخلصني منجن"
ساره
"ماما منو هذا الحقير الكاتله روحج علي"
"ولج هذااا استااذ سعدون تعرفين منو انتي استاذ سعدوووون ياويلي وياسواد ويلي وين انطي وجهي اذا صار بالزلمه شي"
فضه
"ست لينا هسه نصيح الحرس ونشيله للمستشفى"
"ولج جا شمتانيه صيحيهم بسرعه خل يجووون"
اجو الحرس وشالو سعدون وست لينا وفضه راحت وياهم وانا بقيت بس اباوع واتمتى بكلبي سعدون يموت واخلص منه
ماحس الا ساره جرت ايدي وكالت يلا خل نصعد فوك
صعدت لغرفتي لكيتها تغص وتبلع البنات جاي يبدلن وشامرات هدومهن وسماهر جوه جاي تسبح
من شافن شعري منفوش وشفتي بيها دم وساره صايره اعصاب
رنا
"خيير ساره شكو"
ساره
'يعني كل هالصياح وماسمعتن شي"
غيداء
"لاوالله غير انتي وفضه نزلتن كلتن راح تسبحن بالحمامات الجوه وبعد مارجعتن"
كعدت ساره وحجتلهن السالفه وبهاي الاثناء سماهر طلعت من الحمام وكامت تنشف بشعرها وتسمع
