بارت 21 والأخيررر
.
.
سهام:اي عيني سهام لعد شبيه مايلوگلي اصلاً انا من زمااان حلوه
-ادري لج فديت الحلوه هاي شمسويه بروحج اقسم بالله ماعرفتج
-اي شسوي هاي سوالف امي
-جا شبيها سوالف امج عسل
اجت ليلوه ركض شبكتني
-سهام طالعه تخبلين
-حبيبتي هاي عيونج التخبل
صادفت الدنيا العصر فتت سبحت وجنت هواي مرتاحه لان خذيت مساج ورخيت اعصابي باوعت على روحي بالمرايه وكمت اسولف وي روحي
-والله ياسهام وطلعتي من عقدتج الصارلج سنين بيها وقررتي تهتمين لروحج هواي تغيرتي خلال هاي الساعات لعد بالايام الجايه شكد راح تتغيرين
رحت شمرت روحي على الجربايه ونمت وكعدت على صوت المنبه لأذان المغرب طفيته ومن كمت من الجربايه اتفاجأت برياض واكف يم الباب ومبتسم استغربت صارله اكثر من ست اشهر ماشايفه خلقته شيسوي هذا هنا...
اتقرب وصار وجه بوجهي
-كالو تردين تسافرين مدام سهام
-ههههه شنو حاط جواسيس عليه باشا رياض
-هههههه لعد شلون غير زوجتي
ضحكت بصوت عالي وصفكت أديه
-والله ياباشا رياض ماعرف شكلك فاجأتني بهالكلام جنت مفكره بروحي عازبه نسيت انا متزوجه
اتقرب يمي وابتسم ولزم ايدي
-صايره هواي حلوه
سحبت ايدي منه بقوه وابتعدت عنه
-انته شتريد مني رياض شوكت ماتريد تجيني وشوكت ماتريد تتركني شنو عندك خدامه شو وخر عني واتركني لحالي الله يخليك لو طلكني وخليني ارتاح عاد لان كلش تعبت منك
-ههههه طلاك ماراح اطلك راح تبقين طول عمرج على ذمتي لان المرأه الي يلمسها رياض الباشا مايلمسها غيره لحد مماتج راح تبقين زوجتي ياسهام فهمتي لو لا....
تركني وطلع وانا انهاريت بالبجي يارب هذا شيريد مني تعبت والله تعبت كمت صليت بس مانزلت على العشه انسدت نفسي من وره رياض وكلامه..
تفاجأت ثاني يوم وره صلاة الفجر امي وسلوى وليلوه محضرات ارواحتهن للسفر ومحضرات جنطي هم وانطلقنا لأربيل والسواق هالمره جان اخو سلوى خوش ولد ومؤدب اول ماوصلنه نزلنه للفندق ارتاحينه واتغدينه وصلينه بعدين رحنه لمطعم على الجبل كلينه بي مشويات كان طعمه يجنن وتزلجنه على الثلج انا وسلوى وليلوه وحتى ميسم اخو سلوى هم ويانه وتونسنه من اول يوم بس الونسه ماتمت لان امي مو ويانه بقت بالفندق لان هواي تعبانه من الطريق
رحنه نرتاح شويه ونباوع للشلالات هواي ناس وهواي سياح يصعب عدهم موجودين غاد وصايره هوسه سلوى وليلوه يصورن يم الشلالات وانا وياهن لحد ماسمعت صوت مو غريب عليه ابد صوت سامعته من قبل التفتت مالكيت احد وسلوى وراي
