بارت 16
.
قيس:على كيفك يابه على كيفك بس فهمني شنو الموضوع
ابو قيس:تريد تفهم شنو الموضوع مو على اساس ماتعرف
قيس:يابه والله العظيم ماعرف شتقصد
ابو قيس:ولك الصورة الي اجتني البارحه انا وامك
قيس:ياصوره يابه ياصوره بس فهمني
ابو قيس: ياصوره مو روح شوفها بعينك بس من هالحظه بعد مالك اي ضله بالعراق تحجز طياره وتجي لهنا فووووراً فهمت وغلق الجهاز بوجهه
قيس:الوووو الووو يابه ياالهي قفل الخط بس اريد اعرف شجاي يصير راح فتح الرسائل وتفاجأ سهام مصوره صورة يمه ودازتها لوالده ولوالدته وهوه نايم ومايعرف ضرب الجهاز بالكاع وصاح
بنتتت الكلب اله احرك الملهى على راسها وراس ست لينا طلع من غرفته يتوعد ويشتم ولكه نور نايم على الكرويته
انطاه دفره خلاه يفز يكوم على حيله
نور:خيير خيير شصاير منو هنا
قيس:منين يجي الخير ماتكلييي منيين
نور:خير قيس شبيك تصيح شصاير
قيس: ولك بنت الكلب بنت الملاهي الحقيره
نور: ولك منو هيه فهمني
قيس:الساقطه سهام الي البارحه جبتها من الملهى هيه وصاحبتها مصورتني وانا نايم يمها ودازه لصوره لامي وابوي
نور:شنووو شلوون صار هيج وانته بعدين شوكت نمت
قيس:ماعرف نور ماعرف اكيد الحقيرات مخلياتنه منوم
نور:بس شراح يستفادن
قيس: اكيد سون هيج علمود صديقتهن الي حضرتك اعتديت عليها البارحه
نور:بس انا الي اعتديت عليها مو انته
قيس:ايي وهيه من كعدت لكتني يمها حسبالها انا هم معتدي عليها بس انا اعلمهن ماخليهن ينجن بجلدهن الا اطيح حضهن الا اسافر
نور:يمعود تسافر وين تروح
قيس:ابوي كال اريدك تجي وراي للخارج مالك مكان بعد بالعراق
نور:شنووو تريد تعوفني وتمشي ابو الغيره قيس كول غيرها اذا انته سافرت انا اسافر وياك مابقى هنا
قيس:الله كريم خل اروح اصفي احسابي وي ست لينا هسه وارجعلك
محد من البنات نامت ليلة البارحه الكل ضل كاعد للصبح من الحزن والقهر اول ماصار الصبح كامت سهام سبحت وحضرت روحها وجنطه واجت ست لينا كالتلها
يلا عيني ابوج جوه منتظرج بالسياره
نزلت هيه وصديقاتها ولكت اكو سياره بيضه حديثه واكفه يم باب الفندق التفتت لصديقاتها وحضنتهن وحده وحده والدموع تسبقها
