البارت الرابع
نزلت اني والبنات ورحنه سبحنه ونمنه لان هلكانين من التعب حتى ماتعشينه وحمدنه الله وشكرناه لان باجر دوامنه بال8 باليل حتى مانكعد من وكت
كعدنه ثاني يوم الساعه ب10 الصبح لكيت سماهر نايمه ورنا ماكو
بعدين طلعت رنا من الحمام تغني هلا بريحة هلي😂
"هلا بريحة هلي هلا بلي ألي"
"هلا هلا شو تغنين وفرحانه الله يدوم هالضحكه"
"هههههههه تسلميين حبيبتي اي والله كوولش فرحانه احس روحي اني حره حره من كلشي وهم شغلي بالملهى كلش عجبني واخيراً تخلصت هسه يلا حسيت روحي اني عايشه"
"واني هم احس روحي ملكه هنا صح الناس تاخذ علينه نظره مو زينه بسبب شغلنه بس والله هواي مرتاحه احسن من ابوي وضيمه بسس امي مشتاقتلها هواي هيه واختي ليلوه الله يعلم شنو حالهن هسه اكيد ابوي بعده يضربهن اني اعرفه كولش زين"
"يمعوده هيه كلها كم يوم وترجعين وتطمنين عليهم"
"تعرفين ماودي ارجع بس لخاطر امي واختي"
سماهر
"ااااففف هاي شكد تسولفن من الصباحيات خلنه انام عاد"
رنا
"خايبه ماتنطمرين لازمينج"
سماهر
"طمر الطمرج"
سهام
"سماهر شنو هاي كومي الساعه صارت ب10 شنو هل كسل"
سماهر
"والله هواي تعبانه ومنعسه اريييد اناام وافوخ راسي لان ورانه شغل وسهر بليل"
سهام
"دكومي يله كومي نمتي مابيه الكفايه "
كمت لفراش سماهر وسحبت البطانيه عنها وكفشت شعرها ورنا ميته ضحك علينه بعدين كامت سماهر سبحت واني حظرت هدومي حتى ادخل وراها ورنا تمشط بشعرها
"اكوولج سهام هاي البنيه بنت ست لينا شنو قصتهه شو ماسولفتيلي"
"امممم اني اكولج شنو.........."
سولفتله على قصتها وكالت خطيه والله بين ماطلعت سماهر من الحمام ودخلت اني سبحت وطلعت ومشطت شعري ورنا كالت خل ننزل جوه للمطعم حته ناكل لكمه كلنالها ماشي ونزلنه جوه ولكينه البنات الي تعرفنه عليهن بالملهى رضيه وغيداء
طبعا غيداء تلكتنه بطبيعتها سوالف وضحك ورضيه خطيه وجهه صاير اصفر كلش ابتسمت وكالت هلا بيجن رنا ندستني وتكلي اكلج شو هاي رضيه مبين عليها ماتاكل دشوفي وجهه شلون صاير ليمونه كلتلها سكتي لاتسمعج
كعدنه وكلينه سوه شقه وضحك واجت بنت ست لينا ساره وكالت الله محلاه هالجمعه وهم كعدت ويانه وسوالف وضحك بس رضيه خطيه احس بيها شي لو تعبانه بس تسمع سوالفنه وتبتسم واذا سألنها على شي تجاوب على كد السؤال بعدين كامت تكح ولزمت الكلينسه وحطتها على حلكها ومن وخرتها شفت بيها دم بس هيه ضمتها بسرعه واستأذنت من عدنه كالت اني تعبانه وصعدت لغرفتها اني هم استأذنت من البنات كلتلهن شويه واجي
