بارت 13
.
سهام:الحقراء الكلاب صدكيني سماهر حبيبتي شرفج ماراح اخلي يروح هيج هدر مثل ماراح شرفي وراح تشوفين
سماهر: فدوه بنات انقذني انطني حل ماريد ابقى هنا تعبت والله
رنا:كل احنه مثل حالج تعبانات ونريد نخلص من هالمستنقع القذر بس شلون مانعرف واذا خلصنه وين نروح متكليلي
فضه:بناتي كلشي بالدنيا قضاء وقدر وهوه هذا بعد قدرجن كلجن عدجن ظروف وصلتجن لهاي الحاله ومو من كيفجن اجيتن لهنا واشتغلتن سلمنها بيد رب العالمين
غيداء:ونعم بالله والله حتى اني مو بيدي بعد خلص صبري هواي مشتاقه لرضيه الله يرحمها اريد اروح اكعد يمها واشم عطر كبرها والله هواي مشتاقتلها وطاك كلبي عليها
كل البنات تذكرن رضيه وخنكتهن العبره عليها وكامن يترحملها
ساره:الله يرحمها صدك ذكرتيني البارحه سمعت امي تكول اخت رضيه الي بيها سل رجعت من السفر بعد ماتعالجت بصعوبه وراح تجي لهنا تشتغل ويانه
سماهر:صدووك ساره وانتي شايفتها من قبل اخت رضيه
ساره:لا والله ابد اعرف بس اسمها اسمها تماره
رنا:امممم مبينه من اسمها حلوه
سهام:يابنات هسه حلوه مو حلوه المهم اول ماتجي لزوم نخليها تصير بصفنه ونحذرها ومانخليها تغتر بالفلوس وتتوسخ بهلمستنقع القذر شتكولن
فضه:عفيه عليج سهام تعجبيني بهذا كلامج على العلم بعدج ماعابره ال18 سنه وياج حق ساره اول ماتجي لهنا جيبيها النه حتى نعرف شلون نتصرف وياها
ساره: من عيوني
رنا:اكلجن عوفنه من اخت رضيه هسه وخل نرجع لموضوعنه موضوع سماهر
سماهر :بنات فدوه سدن هالموضوع تره كل مااتذكر شلون هالانجاس اخذو شرفي وانا نايمه ومادري احس بالقرف من روحي
رنا: حبيبتي ولايهمج اله ننتقملج منهم بس خليهم علينه
سهام :بنات اول شي لزوم نجيب حبوب منوم اوك حتى يصير شغلنه مضبوط
رنا:شتسوين بشريط المنوم
سهام:راح نحتاجه بهواي شغلات خل اكلجن على الخطه الي راح انفذها انا ورنا رنا جاهزه تكونين وياي اعرفج اجرأ وحده بينه
رنا: اي طبعاً انا جاهزه حبي كولي
سهام:احممم اوكي اول شي المنوم كلش ضروري ............
.
.
اصفر وجه قيس وكام يشتم بنور على هاي الدكه الناقصه الي سواها بي وكام يتوعدله وخاف يرجع للبيت يواجه ابو لذالك كام يفتر بالسياره مالته وهوه يدورله كذبه حتى يكذب بيها على ابو لو حجه حتى يبيض وجه لان ابو قيس رجال ستيني ضخم اله هيبته ورزين جداً ويحجي مالت الله ومايقبل بالزله ومتدين ويحب فعل الخير ومتواضع على الرغم عنده فلوس هواي لكن بسيط جداً ويحب الفقراء ويساعدهم وبنفس الوقت كلش شديد علة اولاده لان يعتبرهم خلفاء على امواله بعد موته ولزوم يكونون مثله بأخلاقه وبحكمته وبرزانته وبعلمه وتصرفاته وكلشي مايريدهم يصيرون ملطلطين ومايعرفون راسهم من رجليهم
