هذي اني ايمان جمال .... حِسْن....دلال
البكر لامي المدللة من سكنه بغداد بلمشتل بيتنه ٦٠٠م بنائه قليل بس الحديقه جانت كووولش جبيره مو حديقه عباره عن جنه تين وزيتون وعنب ونخيل ورد ثيل اشجار زينه متسلقات المتسلق يوصل لغرفتي بلطابق الثاني اكعد من الصبح اشتم ريحه الهوا ... الللللللللللله ولا اروع من هاي العيشه يمكن لو يخيروني بين الجنه وبيتنه اختار بيتنه ع كد ممرتاحه بي
جنت اكثر شي احبه من اروح اشتري واطلع واتونس والبس ارجع فرحانه الحياه جات كولش حلوه والي محليها اختي نواره لعبنه طلعتنه مشينه كووووله سوى
المكان الي جنه عايشين بي جان كووووله مسيح ناس متعرف الحقد شتو ناس متعرف الخبث يعني ابسط تعريف لحياتي سابقاً *ملكه مع جمال الحياة* كرينا كابور هواي شبهوني بيها بس اني جمال عراقي
.
.
.
طبعا البيت الي كاعدين بي داير مدايره كوووله مسيح حته المدراس للمسيح واصدقائي ولد اكثرهم عندي ٥ اصدقاء ولد و٢ بنات فعندي جرأه من احجي وي ولد ما استحي ..
بس لحد الان سنكل .🙈
هواياتي 👩💻👩💻🤳👄💋💅💄👖👗🛍👑👝👢👜👡👛👚👓
.
.
سنه ٢٠٠٧ وجان بلتحديد ١٠ /٦
جان اسوء ايام حياتي والدتي دزت اختي تجيب صمون وانضربت بلسياره وتأيدت القضيه ضد مجهول ومحد عرف منو ضاربها ونسدت القضيه وراح دم اختي هدر اختي الصغيره اصغر مني بسنتين طفله مواليد ٩٦
من هذا اليوم بدت الدنيا تجر عكس
خل انطيكم لمحه عن حياة اهلي بسيطه ...
ابويه لواء قديم بزمن صدام جان ضابط بلجيش واخويه محمد جبير واختي اسماء من ام محمد مرة ابويه الجبيره توفت الله يرحمها وره وفاة امه تزوج بأمي عن علاقه حب وامي دارتهم مع العلم
ابويه مواليد ٦١
امي مواليد ٧٠
اخويه مواليد ٨٠
اسماء مواليد ٨٥
انوب وره وفاة ام محمد سنه ٩٠ بلحصار اخذ ابويه سنتين تزوج بامي سنه ٩٢
وشرفت حظرتي مواليد ٩٤
ورايه نور سنه ٩٦
حاولت امي يصير ولد بعد مصار كل ما يصير يصير اسقاط وميضل لو تجيبه ويموت اخر شي كعدت وسكتت
...
بس خل انبه عن اسماء اختي تزوجت واحد.بلخارج وعدها ٤ جهال بحياتها طبعا تزوجت من هيه صغيره وما الها علاقه بقصتي هواي بس هيج طفيف بس حته تكونون ع بينه
..
.
.
خالتي ام محمد زوجه ابويه الاولى تصير اقرباء امي وره وفاة ام محمد ابويه شاف امي بلاربعين وهو يعرفها فصار حجي ما بيناتهم وتزوجو ... فمحمد تربطه علاقه بخالاتي ...
بحكم العشره وجان متربي على ايد امي تزوج بت خالتي اسراء وجابتله ٤ اولاد هاي قصصهم واذا جان اكو تفصيل حينذكر بلاجزاء القادمه
.
توفت اختي صغيره ما اخذت دور بلحياه صغيره بعدها علقبر و ع ضغطه القبر ومسألة منكر ونكير اااااه يا اخيتي اخذتي كووولشي وياج وراح وندفن بلنجف
بوكتها كمت اكره النجف كره مو طبيعي وبغداد لان مكان الوفاه ومكان الدفن
اصعب فتره مره عليه ٢٠٠٧ و٢٠٠٨
هذني دمار بحياتي والله ما يوم من الايام هدأت دموعي من البجي واكثر شي بلسنه الثانيه من دامت بلنجف بعد ما اصر بابا انو بغداد خطر ولازم ننقل وداومت جنت بمجتمع منبوذه بي لان البس صدريه وحجاب والبنات عبالهم جنت ادكَ دروب يباوعن اليه ميش ... حفافه... اضافر طوال
عشت ضيم وسكم
#يمكن_مو_صوج احد بس اكو اختلاف بلبيئات الي اني جنت عايشه بيهن يعني من بغداد كولشي مسموح اجيت للنجف كولشي مرفوض "
.
.
.
نهايه سنه ٢٠٠٨
قرر بابا انو ننتقل بلنجف وانتقلنا وهنا بدأت حياه جديده غير ذيج حياتي وبدأت تاخذ مجرى ثاني
.
.
.
.
سكنه بلكوفه قريب ع المزارات ٤٠٠م
طبعا البيت الي سكنه بي قديم وتعبان الى درجه بحكم فلوس والدي متكفي طبعا ميعرف يكعد أبيت صغير لان تعلمو ع بيوت بغداد ...
.
.
.
.
درسا رابع اعدادي ابغداد جنت هواي اغيب واهر شي استقريت بلنجف وي اهلي بلخامس علمي
صارت المدارس المركزيه انتقلت للمدرسه المركزيه بلسادس العلمي
.
.
