لكيت عمتي مسويه قصه شكبرها ومسولفتلهم عن كل شي نزلت كولها سلمت عليه بس اني صعدت فوك ما نزلت يمهن كلت خل يكصن بيه براحتهن اني عاكر ما احبل شيردن يسون خل يسون يطبهن طوب وافور واتبده وكلبي يطحن ويسحن زين اذا صدوك قنعنه وتزوج اخر شي كلت خل امسح هلافكار من راسي واكعد حمودي كام من الضوجه يطبك الليل بلنهار .. كعدته كتله اصبلك غده كال لا حظريلي هدومي اريد اسبح. سبح ونزل اصلا ما حجه وي اخوته سلم عليهم وطلع . واني حبست روحي منا لمن صعد احمد للشقه عرفته كاعد يمهم واظاهر محاجي هواي على موضوع الطفل وسايس امك خطيه ولتسكت راجع دكتور .. صعد احمد فاير بس ما بين شي بس يكول شنو هلتخلف كل الي صار سنه وحده شنو شدعوه هيج مكبرين السالفه ليش هيج . واني كل ساع اريد اكله على اطفال الانابيب واسكت خاف يصير عصبي ...
مرت ايام واشهر واحنه يوميه مشكله اداوم كليه اخلص من الهم صرت مرحله ثانيه كمت اشوف اشكااال والوان واكو زلم يتمنون الكلمه مني بس اني ما جان بكلبي غير احمد . حب حقيقي نابع من كل كلبي ما اريد غيره ولا افكر انسان ثالث يشارك كلوبنه سواء من طرفي او طرفه ...
.
.
.
كام احمد اصلا ميجي للبيت حته غده ميتغده يجي كبل يصعد فوك واصعدله العشه وينام صرت اشوفه قليل حتى كمت مثل المراهقه ادزله رسائل غراميه وهو جان ساعه الي فارغ يجاوب عليه وساعه الي مفارغ يشوفهن ويغلس ...
.
.
.
هاي اني تخرجت من الكليه خلص دوامي واني طفل ماكو . صار ٤ سنوات على زواجنه ..
اول مخلصت رحنه زياره للسيده زينب وهناك دعيت كوتلها يا سيدتي يا مولاتي ما عندي غيرج تشوفيلي صورة حل لان راح انتحر لو تهدي يسوي طفل انابيب طبعا احمد جان متمني هلشي كلش بس ميحجي علحسابي رجعنه زرنه السيده رقيه اجت مريه عجميه شمرت لعابه شكبرها على ضريح السيده رقيه وكعت بحظني اجتي مره اخذتها جريتها كوتلها هاي اليه ما انطيها باوعن اليه العجميات ضحكن وراحن ضليت اني فرحانه ودموعي شلالات اكول بلكي الله صدوك بترس حظني بطفل وادعي وماكو ...
.
.
رجعنه من السفره اني تعبانه كلش واباوع على اللعابه اطب واطلع ابوس بيها شكد رادوها ماكو ما انطيتها وعمتي شكد قلدت عليها بس اني مدري ليش متباركه بيها ...
.
.
.
فد يوم كعدنه كالت عمتي نضفي المطبخ وصخ صاير . جلفته ونضفته صعدت علكاونتر اجلف وكعت من الكاونتر بلكاع حسيت ضهري طك والم فضيييع كمت اصيح صياح اخذني احمد كوه شالني شيول وداني للمستشفى انطوني مسكنات هواي وضربوني ابره بس كالو مبيها شي ضليت يومين نايمه للضهر حلمت بطفله شايله نفس اللعابه طلعت صيخ من ضهري واني اصيح من الالم كالتلي حتصيرين زينه بعد فزيت من الحلم كمت بعده ضهري يوجعني بس اريد اكوم للعابه مشيت شويه لزمتها بستها حظنتها طب احمد كال ها ....
طبعا جان عباله تخبلت ...
حمودي اليوم حلمت حلم هيج وهيج حلمت ...
اي خير انشاء الله عندج العافيه ...
مرت ايام واني ما احس على روحي كمت اكل اكل مو طبيعي بس شهريتي منتضمه مبيها شي بس كمت اطك . اكل وماكو اتفقنه نراجع الدكتور اول ما اخذت سونر كالت انتي حامل عليج ٣ اشهر . كتلها شنو . كالت ماما شبيج حامل حاااامل عليج ٣ اشهر وكتلها بس اني ممتخربطه العاده مالتي كالت اي عادي ماما واذا شنو يعني هي تسولف بلحمل واني ما مصدكه اخر شي كوتلها تعاي لزمي بطني . كوتله يعني جوه اكو طفل .. كامت تضحك كالت اي . كوتلها وراح يكبر . كالت اي . وكتلها وحصير ام . كالت ام لثنين مو واحد . اني اضحك شنو ثنين . اني اتحسر على واحد يجي ثنين. طلعت من الدكتوره واحمد ميدري بهلخبر صادف بيومها وفاه النبي وكوولها رايحه مشي وازدحام هواي رجعنه مرينه على اهلي دكينه الباب ماكو . كال امشي خل نرجع كتله خل نفتحه من جوه بلسرقي كال امشي عيب هسه شيكولون . كوتله لا محتاجه شي كلش ضروري دنك فتحه وطبينه كعدت بلاستقبال صرت مقابيله لزمت . خليت ايدي بأيده كوتله احمد..
روحه لاحمد . كاعد ويكلب بلموبايل ...
اخذته موبايله ...
حمودي باوعلي ...
التفت عليه كتله خلي ايدك على بطني ..
شبيج ايمان ...
اي احمد اي ...
شنو اي ...
اي حتصير ابو . واني حصير ام ...
شنوووووو. ليش مكولتيلي ...
اني ممصدكه شحجي وشكول ...
كل الي اذكره من هذا اليوم جان اسعد يوم حياتي احلى من زواجي وخطوبتي واحلى من تخرجي وكل فرحه بعمري عدت عليها هاي الفرحه رجعو اهلي من الزياره سولفتلهم طارو من الفرح خو امي كامت تبجي وتصيح لحد يا رسول الله ما خيبتني وبشرتني اليوم هلبشاره وتكل لاحمد والله صارلي ٤ سنوات شكو امام ادعيله على ايمان نسيت صحتي وعافيتي وبيتي ردت الله يبرد كلبي عنها اخذ نور من بين ايدي وكلت الله يعوضني بأيمان خطيه تحجي وتبجي واحمد كوه لازم روحه دموعه بطرف عينه ومن شاف ماما هيج كاتله روحها كام باس راسها وابويه خطيه من الفرحه ميعرف شيحجي بس كام يبوسني البيت كله فرح . بس اني ما كلت عندي توم حته لاحمد ما كلت لان كلت ميحسد المال الا صحابو . واني اخاف من الناس اريد الله يكمل فرحتي . رجعنه للبيت واني كمت اخاف على روحي اصلا اني ابيت اهلي كمت اعرج من مشيتي من الخوف على الاطفال كوه امشي مو ثكل ولا شي بس قلق احس روحي راح يصير عندي اسقاط ما اعرف ليش شعور الخوف سيطر عليه . اول ما فتنه لبيت عيالي سلمت اجيت يم عمتي كال احمد يمه واخير راح اصير ابو ...
عمتي . شنو....
يمه قررت ازوج وبموافقت ايمان ...
اني 😡😡..
احمد😅😅😅...
عمتي اي والله عبالي حامل ...
احمد . باس راس عمتي يمه ايمااان حامل ...
يااااا. صدك .. اللهم صل على محمد وال محمد . يا ربي جبرت بخاطر ابنيي الف الحمد لله والشكر ونزلت سجدت سجده الشكر اني بهذا الوقت انكسر خاطري عليها اباوعها تبجي وتشهك وتصيح والله جان كلبي يعلم حلمت بيها ...
كلت بكلبي صلوات كامن انوب بلاحلام يعرفن المره من تحبل ..
اني صارت بيه حاله نفسيه كمت ما اصعد فوك للجناح مالتي حته هدوم اوصي ساره تنزلهن وعمتي تصيح ما عليج شي شبيج خايفه واني ارجف اذا تقرب عليه احمد اكوم ارجف حته السونر كمت اخذه يم ثنين خاف الاول ميعرف صارت عندي وسواس من الصغيره والجبيره وعمتي تحس بيه عندي قلق تكعد تسولف ويايه عمه ميصير هيج زوجج عليه حق عليج خو ما تضلين هيج ..
عمه لخاطر الله والله اخاف على الطفل لخاطري تحملوني علما اجيب وذاك الوقت عود بيج خير ودللي بس هسه ما اكدر...
احمد كام يطب ويطلع عيونه براسه كل ما احاجي مطنكر ويصيح يطب ويطلع اول مره بلعالم ايمان تحبل واخر مره خايفه على روحها ....
كام يطب ويطلع يضربني بسامير اني ساكته لان اعرف السبب والصوج مني بس شسوي ما مستعده اسوي اي شي اخسر بي الطفل حته كمت من اطلع حذاء فلات ناصيه وي الكاع ومن الباب للباب اذا اسمع اكو قطع ابطل وارجع سودنت روحي . وصلت للشهر الخامس
