شبيك احمد امك فتحت الموضوع وشتتوفعها بعد تسكت من اليوم ورايح راح تبدي تسألني على طفل ...
حبيبي باعي اني ما اريد جهال هسه بعدني متونس وياج ما اريد صياح وعياط ولج اني شاب والله ما دنت نفسي للحرام واريد اشبع من حلالي . حللي لكمتج دفعت بيج كومه فلوس 🤣🤣🤣 ..
😒😒 خلاص لعد كوم فهمك امك هلحجي ..
ماشي حب حب لا تاكلي هم ...
.
.
.
مرت الايام وليالي واني يوميه انسأل واذا مر شهر ودرت بيه مونضيفه . تكلب وجها وتسبيني سبايه واطورت بعد كامت شيخ تروحله وتجيب تمن وتربه شويه ومدري منو يسبحني وكل ساع جايبتلي فلم لان اني كايلتلها ما اروح الهم لو اموت فكامت تجيبلي للبيت وشكد حاول احمد يفهمها انو هو ميريد اخر شي كال الها الصوج مني اني ميصير عندي اطفال وصارت مشاحنات ويوميه تتعارك وكامو اهله واخوته يحجون عليه كلمن يكله
سوي طفل انته مو صغير .. وره فتره احمد قرر انو يسوي طفل ورحنه للدكتور جانت كل شهر تكولي مابيج شي وتنطي ادوي واخذ وماكو تمرمرت تمرمر مرت ايام واني قبطت سنه على زواجي سويت احتفال وسويت كيكه ومتنانيه حمودي يجي من الشغل لفيت شعري كيرلي ومكياج اوفر وبدله ماروني مكسمه الجسم مرت عمتي من يمي كالت عبالي هلسنه ادور عليج وعندج طفل تدرين احمد اعز ولدي واريدله بزر ..
عمه اني صغيره وهسه يصير والله حته علحسابج اذا صار ما اتوقف واحد وره الثاني وانتي ربيهم بكيفيج ...
انشاء الله بس خل يكون بعلمج اذا مصار ابني ازوجه ...
شنو ...
اي لا عبالج هيج تره اني اريد ارتاح من وره بزري واخلص اريد كلمن حاط بزره وكاعد ...
عمه شبيج قابل اني عاكر ...وهنا عليت صوتي
يجوز عاكر شمدريني لا سيد فاد وياج لا شيج لا دكتور شبيج كون عاكر ...
بلا عمه رجاءا تردين تزوجي روحي زوجي اني طك كلبي شتردين تسوين سوي ... صعدت لغرفتي احس جسمي يفووور حته فرحتي راحت واعصاب صايره جماله ع المكياج والكيك والشعر الي كومه اشتغلت عليهن . حسيت نفسي تفشلت وعندي عاهه ما اعرف اوصف احساسي ابد بذاك اليوم انقهرت كلش ... صعدت لغرفتي مسحت المكياج وطبيت سبحت وبجيت بجي بلحمام لمن انفخن عيوني و ورمن سمعت دكت الباب امونه الكبد..
ها ...
شبيج يروحي من زعلج ومنو وياج ليش يكلبي .. لتأذيني عليج ...
اول مسمعته هيج يحجي طفرت من مكاني شبكته وارجف احمد احبك اموت عليك اموت اذا صرت لوحده غيري والله ما اعيش بدونك انت كلبي ...
اششششش تعاي خل اكلج وين الحلو الي كلي محظر مفاجئه الك ...
اني ...
لعد وين مفاجئتي ...
امك طيرتها ...
شوفي راح اروح لبيت ايمن صديقي نص ساعه اجي الكاج عروسي اليوم....
اني ابتسم ودموعي يصبن اي ميخالف ....
راح واني كمت شكد ردت اجيب مثل مكياج اول مره وفرحته اول مره مصارت وصار شي بسيط لبست بدله سوده بطن تور وفتحات ثنين طوال وصلوخ نازكه جانت وذبيت شعري ومكياج بسيط . طب احمد 😍😍 كال راح اكفر بيج اليوم منين اكلج يبطه ...
هو يحجي واني بعدها حمست الصبح مراحت مني ..
اجاني جايب كلاده بيها فراشه وبحلكها ورده جانت نازكه كلش حلوه لبسنياها وباس صدري كعدني بحظنه وكلي انتي وبس حبي انتي وبس مرتي متحل عليه غيرج مره ايمااااان احبج وحق ربج احبج . ايمان مشتهي تركصين ..
هههه اركص....
اي اريد اشوف الي عندي شتبدع ...
صار ... يلا طلعلي اغنيه اركص عليها...
طلعلي اغنيه وركصتله بعدني بلحماس انجرت ايدي ما حسيت على روحي هو فوكايه اني تعبانه من الركص نفسي سريع قرب وجها على وجهي كلي اريد اسمع انفاسج اني عبالك انفاسي تطلع من روحي هو يباوع لصدري يصعد وينزل كلي هاي شنو هلاغرائات اريد اعض هاي الجماره عضني من صدري اني فقدت بعد ما عندي سلطه ع روحي وستمر هو بوس بركبتي وترس ركبتي ترس اثار وووووووو
.
.
طبعا بيومها نسيت حجي عمتي لان جنت بعالم خاااص بس اني وهو وبس سعادتنه بس احنه كعدت من النوم متكسره وامشي اعوج ..
الله يطيح حظك احمد كسرتني ...
ههههه ... غير مشتاق وعندي لوعة ...
ههه اني هم مشتاقه وعندي لوعة ...
طلعت الوعه البارحه لو اطلعهة مره ثانيه ...
لا حته ليله عرسي مو مثل ليله البارحه ...
هههه... كومي سويلي ريوك ...
صار من هاي العين قبل هاي العين ...
يا عين علمرتاح يابه .. صاح بعالي صوته ..
احمد شبيك شنو مرتاح فضحتنه شنو هاي ...
اووووووي شبيك فضحتج . يابه الليل كله ايمان تركص تره ...
احمدددددددد ...
عيونه وكلبه وعقله ونفسه ...
😒😒...
نزلت سويت الريوك الوجوه مكلبه.
صباح الخير ..
اي هسه هم يا ريت فايد هلسوالف .
شنو ..
ركبتج وضحكج واغاني البارحه متستحون متكولون اكو بلبيت طفله ...
عمه شنو طفله ... تره اني وساره نفس العمر وتزوجت واني بكدها ..
عمه انتي كاتله روحج على رجل جنتي بتي ما عدها هلسوالف ...
اوووووووووف يا صبر ايوب صحت بصوت عالي ودكيت ع رجلي وكمت ...
كالت ابيتي لتنفخين روحي ابت اهلج انفخي بت شوارع شنو ركاصه جايبه اني تصيح بعلاه صوتها ...
طب احمد هاي يمه خير ...
منين يجي الخير مرتك زعطوطه انته هم زعطوط متستحي متكول اختي صغيره ودراسه عدها ...
يا قرايه ساره الي مترضه تخلص هاي اول شي ثاني شي احنه جناح خاص شسمعكم صوت الاغاني وشي الثاني رجال ومرته يمه شنو هلحجي يعني وين انطي وجهي ...
اي يمه هسه هلشي من وراه فايده تركص وتتمايل وتبدل من وراه شي ..
اي يمه اله من وراه طفل شنو اني ما الي حق ...
اني اريد جهالك لو تشوف جاره اليه موتوني واخلصو مني بلكي ترتاحون ...
اللهم طولج يا روحي ...
ثاني شي انت حاط ساجده عبيد يمه ولك احنه كاوليه ...
يممممممه لخاطر مكه لخاطر الله اذا تعرفين شنو الله حياتي واني حر بيها اريدها تركص اريدها تزحف اريدها تضحك هاي مرتي شكلها تسوي اني هيج اريد ...
ميخالف اخذ وحده وخل تسويلك هم نفس الي تسوي ايمان بس بي نتيجه ...
لا اله الا الله . هسه شحاجيج ...
لا تحاجيني اصلا اني كلت لمها بت مشرفه تخبل يمه يا ايمان يا دنيا عبالك لعابه ...
يمه تانيني هلسنه اذا مصار طفل انوب اتزوج ....
طلعت عمتي لكتني كاعده بلدرج اسمع الحجي ..
عفيه .. تصنتين اليه ولبني ...
ما اصنت بس اريد اشوف نهايه هلحجي شنو ...
نهايه هلحجي ابني ميضل بدون بزر ...
احمد مياخذ غيري واذا اخذ جنازتي وجنازته تطلع سويه ...
يمممممه ابني تريد تموته بت الجلاب بت الشوارع ...
ما اسمحلج هيج تغلطين ع اهلي ومحترمتج لخاطر احمد ....
طلع احمد من المطبخ . ايمان اصعدي واكلي خره بسرعه ...
صعدت واني اصيح الله لا يطي كلمن يخرب بيتي ..
احمد صاح .. اجيج . بصوت عالي
اني صعدت وسكتت وسديت الباب وبديت الطم . طب احمد شافني ضحك كال اي هي هاي الدنيا دواره يوم تركصك ويوم تبجيك ...
احمد اني بيا حال وانت بيا حال جاي تتمقلس عليه تره اني كلبي خلصان ...
شبي كلبك حبيبي ...
احمد شو وخر والله ساع وشمرت روحي من الطابق الثاني ...
خو اشمري روحج ع صدري هم بيها ثواب وهم اطبين للجنه ...
احمد خل نسوي طفل انابيب ...
هلكلمه بعد لتعيديها ...
ليش . شبيها ...
شوفي خل انطيجياها من الاخير حته هلموضوع ينسد ثنين ميصيرن بحياتي اول واحد طفل انابيب ثاني واحد ازوج عليج . نقطه راس سطر هلشي لتغثيني بي واتعبيني وبلاخص مال اطفال الانابيب ما اسويها لو اعرف اموت ....
واني شنو ذنبي ...
مالج ذنب .. الله ما مقدر هسه . شلج دخل انتي ف بما انو الله ممقدر حجايه وحده بهلموضوع ما اريد ..
واذا اتزوجت ..
جاي اكلج ما ازوج ...
افرض تزوجت ...
عايزج شي واتزوج عليج ...
اي عايزني اطفال ....
والله صحيح ما جنت مفكر بهل شي اذا لازم ازوج ...
احمد اني روحي طافره...
ايمان اني روحي طفرت وكوه لازم اعصابي فتصيرين ادميه وتجرين عدل حالج حال الاوادم لو اتصرف غير تصرف وياج...
هو يحجي واني ابجي بس من كال الجمله الاخيره حسيته صار عصبي وخاف يضربني لو شو شيسوي خل اسكت محجيت شي بس دموعي يهلن ...
شال راسي من حنجي وكلي لج كافي ارحمي عاشق . ارحميني بهواج وسكتي عيونج الحلوه . انتي بتي ربيتج ع اديه من جنتي دايحه لمن لبستج عبا على ايدي واخذتج رغمن عن الكل وبس انتي هنا . واشر على صدره . كافي لتبجين تموتيني وراج ...
بس خايفه اخسرك . والله احبك ...
اصلا اني خايف منج خاف تموتيني. خاف اطلعين جنازتي . غمزلي وكلي متستحين تحجين هلحجي ..
اسم الله عليك من عمري على عمررك . بس هيج مدري شلون طلعت من حلكي وحجيتها لامك ...
تعالي نامي بصفي شبكته شويه وهو نايم واني متعجبه ستوه كعد من النوم خطيه تريك بعركه . هو صح نايم غافي بس كل ساع باسني عبالك يحلم بيه لو اذا طخت رجلي برجلي يضل يتحارش بيه من وحده جنت اتعجب اكول معقوله هيج وهو غافي . واني اخاف انزل اخاف اشوف عمتي طبعا عمتي من اول ما خطبتي كرهتها ولحد هسه بس ماكو غير هذا *بالي بيك* الي مصبرني عليها احبه اموت عليه يمكن وراه ما اعيش صعب اتخيل غيري تنام ويا لان احمد شي نادر ....
نزلت لكيت عمتي مخابره الولد وكووولهم جايين عبالهم مريضه
.
.
.
انتضروني ابارت جديد بس توقعاتكم للقصه اريدها شتتوقعون شحيصير .. ايمان حيصير عدها اطفال لو لا واحمد حيستمر وياها بهلموقف وهلسؤال اليوم بس بعد سنتين زواج شنو حيكون موقفه !!!
لو انتي جنت بمكانها شتسوين ؟؟؟
لتنسون التصويت والتعليق احبكم زينب علي
