وره يومن صادف خميس اجه اخذ الجهال وشافني . رجعتله الفلوس كوتله ممحتاجتهن . كال خليهن يمج . شبيج ايمان ...
ما بيه شي ...
وجهج اصفر . جنج مواته ...
عساني انشاء الله ...
ههههه اني موجود شتحتاجين كوليلي ...
اريد اشوف الجهال يوميه ...
يجرالج ...
شلون ...
بكيفج ...
افكر وردلك جواب ...
ثاني يوم اجه بابا ومحمد . ما سولفنه الهم وحته نسوان اخويه ما كالن وصتهن امي .
شلونج بابا ..
زينه ...
اشو وجهج اصفر ...
تعبانه 😢😢😢 ...
ليش يا بابا . شبيج متكوليلي ...
جهالي ...
احسبيهم ماتو مثل نور ...
وليش احسبهم وهمه عايشين ...
وهسه شسويلج انتي تنازلتي عنهم وهذا الكلب جان مزوجج جان بيج خير منعت روحج تصرفين انتي وحدج . انسيهم وابدي حياتج . بلكي يجيج ابن حلال الي يريح بالج .
طبعا اني عرفت قصد ابويه انو هو مقابل على كعدتي . واني فعلا شعندي كاعده لان لا جهال ولا رجل شسوي بحياتي ومنو يقتنع اني احب احمد وكلبي ميهوه غيره . هلحجي ميوكل خبز بلاخص لرجال مثل ابويه . صح هو رجال علماني بس يضل تحكمه العادات والتقاليد ....
.
داومت بكوليه ضربت اخر محاظره وخابرت علي جيب الجهال .
اعتذر علي كال عندي شغل ما اكدر .
ثاني يوم . هم هيج . هم تحجج بلشغل
ثالق يوم ما شاله ويوميه اني ضاربه محاظره وكاعده متانيه الجهال ...
.
.
بس علي كطع والكطعه كطعه بعد حته ميسأل . مر على تنازلي عن الاطفال شهرين كامل اني صرت بي جلد وعظم .
بهذني الشهرين بس من راح لتركيا شفت جهالي . كأنو متعمد يبعدني عنهم ...
خابرته من رقم غريب اني ايمان . اول مسمع صوتي كلي اعرفج احجي اسمعج . كوتله راح اموت على الجهال . كلي حاولي تتعودين بدونهم اني عندي التزامات والجهال جوه عيني ...
همه وين ؟؟
ما عليج ؟؟؟
سد التلفون وحظرني وحظر كل ارقامي . صادف بيها الدنيا ضهر وحر يدك بلراس اخذت عباتي وركضت لبيت عمتي تفاجأت من طبيت كوتلها عمه لخاطر احمد اريد جهالي صارلي شهرين . كالت اهلج يدرون جايه كوتلها لا . كالت ارجعي مالنا خلك المشاكل .
بست ايدها مروتج راح اموت عليهم ...
كالت تعاي طبيت للصاله لكيت سريرين بيهن ومفروشات وحده بيها فرشه الاميره النائمه و وحده فرشه سبايدر مان . واكو زحليقه ومرجيحه وملاعيب ومكعبات مطشره بلصاله يعني مخليلهم اشكااال والوان . كوتلها بكلبي من جرمن نسوني اذا اني حته فراشات ما عندي الهم .. شفتهم بوستهم اجه علي شافني ...
شعندج هنا ...
حرام عليك الي دسوي كلب ام اني ليش هيج دسوي ...
شتردين صالنا سنتين نركض وراج بعد شيبتيني .
والله على المحاكم والقاضي خسرت فلوس يابه فلوس من وراج . كتلج الجهال اريدهم وهذا بيتهم ترجعين هنا ارجعي محد يلزمج حته بدون زواج بس المهم ترجعين . حته امي كبرت صعب عليها تربيهم وحدها ...
وره شويه كلي روحي لاهلج وبعد لطلعين . كوتله وخر الحظر عني . كال ماشي .
رحت لبيت اهلي شافتني مره اخويه ولج معزايه وين جنتي . ما عليج شو دروحي ..
شفت امي . يمه شوفيلي حل شسوي هسه اريد الجهال . شو دولي اني ضهري يوجعني . شبيج متخربطه هذا الشهر ما اجتني يمكن تريد تكطعني ...
هههه عجزتي ...
ما عجزت بس انتي عجزتيني . ومرمرتيني ...
تدرين اني ما اذكر شوكت اجتني ..
ليش ...
والله ما اذكر ...
ثاني يوم داومت ومن دوامي رحت اخذت تحليل كالتلي حامل ماما ...
اني ضليت صافنه . حامل من منو ؟؟؟
الممرضه سالتني . شنو من منو ؟؟!!!!!!!!
ها مووووووو ها ايي ها مووو زوووجي مسافر ووو صارله هووواي ايييي ها ها ..
شبيج ماما ٣ اشهر المره تحبل وره رجلها ...
يا ورطه الكشره . صخام الصخمني يربي المن احجي والمن اكووول يربي ..
خابرت علي لكيته حظر .
اخابره من امي ميشيله .
رحت لعمتي كوتلها خل يخابرني . كالت خير
كوتلها ماكو شي ؟
وره ربع ساعه خابرني شتردين ؟؟
كوتله اني حامل ؟؟
ع الخير والبركه !! منين جبتي ؟؟
شنو منين !!
ههههه . وين انتي ؟
ابيت اهلي ... جايج
وين جايني . ابويه هنا ما كدر اطلع ..
.
شو فهميني . شنو حامل ؟؟ ومنو يكول مني !!
انت صدوك متستحي . وما عندك ذره اخلاق ورجوله لو بيك خير متطعن بمره اخوك هيج .
يعني الطفل ابن اخويه هذا ؟؟
شنو ابن اخوك ؟ بسلا حظرتك فقدت الذاكره !
اي شمدريني منين جبتي اخويه شبع موت صارله سنه ونص انتي حامل منين ؟
شنو منين انت شنو متذكر ؟؟
احجي لتدوخيني !!
يعني هسه مصار بيناتنه شي ؟؟
ما اذكر شسويتلج ؟؟
لتذكر ماشي !!!
سديت التلفون يا الله شسوي بهاي الحاله يربي شلون بيه . رجع خابرني
شتريد ...
تذكرت ؟؟؟
صلوات ...
هههه . ليش هو اكدر انسه ! بس انتي تكولين مرة اخوك وانتي مرتي طليقتي اني...
مو صارلك ساعه تستغبي ...
ايمااااااان ايمااااان ايماااااان ايماااان يحجي واحسه صار عصبي لان تجاوزت عليه .
لسانج شوكت ينكص ....
شوفلي حل بهلمصيبه ...
يا مصيبه ...
الحمل شنو يا مصيبه ...
شعجب ما ضميتي للشهر التاسع يلا حجيتي ...
اوووووووف يا اللللللللله ....
هههههه . هسه شتردين ؟
اسقط ...
متسقطين . منو لازمج ...
الا انت توقع ...
وليش اوقع ....
ما اريده هلطفل ....
روحي سقطي ...
اي مو اكلك اله انت توقع ...
اني ما اوقع والطفل اريده ...
شسوي بي ...
اريد افتح معمل مال باله . لو اتاجر بأعضائهم الداخليه ...
شنو هلحجي ...
هسه انتي شترررردين ليش تلعبين نفسي . انطيني حل امشي عليه ...
اريد اسقط ...
روحي سقطي . وشيصير انتي تتحملين مسأوليته . وافرك حلكج وحلك الخلفج فرك ...
لعد شلون ...
الحل يمج . روحي كولي لابوج . بابا اني اريد ازوج علي ...
لا بله ...
اي روحي قنعي امج . اذا قنعت امج قنع ابوج ...
ماشي ...
كعدت سولفت وي امي . امي كامت تحجي وشعندج اله هذا ...
علحساب جهالي ماما ...
عوفيهم اله وابدي حياتج ...
اشو نور لسه تبجين عليها وهي ميته . واني جهالي اعوفهم وهمه عايشين ...
اكلي خره من خطبج باقر ما قبلتي جان على الاقل يمنه وقريب علينه وشنريد صار ومامزوج او عرعشتي اله هذا . انجبي واكعدي . يمه افهميني ما اكدر الله يخليج قنعي بابا ...
لو تموتين ابوج ميقبل حته كال البارحه لو يموت ما يلزمها ...
يمه اني حامل ...
شنو ...
اني حامل ...
منين بت النعاله ...
منه ...
من منو يبت الساقطه يبت السايبه اجتي تركض احجي منين وتضرب بيه ...
منه والله منه ...
يا يممممممه صخام الصخمني وصخم وجهي . بتي تزني ...
ما زنيت والله اكولج من جان مزوجني ...
وليش ماكولتي لو عايفتي علونسه جنتي متونسه ها بت القندره وكعدت تضرب بيه حته حلكي طك دم ...
دره بيج هذا الكواد انتي حامل ...
اي ...
اي من جرمن يريد يصلح غلطته ...
هيه شنو وغلطته . انتي مو جنتي قابله ...
قابله بربوك خايسه جلبه ساقطه . عقدتي واجيتي وكلت راح تزوج اثاري نايم ومتونس . اهم شي راحتج تفكرين بيها ...
اسمعي لج ابوج قبل ما قبل هذا الطفل يوكع ميضل ...
ما يقبل ...
لااااا ويشرط بن الزفره ....
خابرته . ورزلته وانت متستحي وعبالي بيك خير ....
كللها اني ما ادنيت الها بلحرام والطفل ابني واي شي يصير عليه انتم تبتلون . واحسن للطرفين قنعي ابو محمد يقبل ...
.
امي طبت متحاجيني ....
يمه والله واني عبالي انتي توكفين وياي ...
جان ما طلكتي ورحتي من تقدملج الولد مره وثنين وعشره . ليش هسه بلذله اطلعين مصخمه وجهج . تذكرين عمتج من خطبتج لاحمد شلون كامت تعيرنه بتج عدها علاقه بأحمد . لو نسيتي مو هذا حبيب الروح الي ٨ ايام نايمه بلمستشفى من وراه شبسرعه نسيتي ورحتي نمتي وي غيره ...
يمه جبرني والله ...
اي يمه انتي بلكشي مجبوره . كضيتي عمرج فكر وين ما ترحين .ساعه عمتي مو زينه وياي وتكرب عليه . ساعه جهال ما يصير عندي وحتذا صارو اضم سرهم .ساعه رجلي عافني . ساعه حمويني يردون يفرقوني عن جهالي . ساعه اريد اداوم . ساعه كرهت الدوام . ساعه اتزوج . ساعه جبروني . اشو انتي تمضرطين ...
والله الدنيا جاره عكس ...
اكلي خره انتي اصلا جاره عكس وي الدنيا ..
هسه الحل شنو . لتنبرين كلبي ...
كالتلي راح اقنع ابوج . واذا تزوجتي ما اريد اشوف خلقتج بعد ...
.
.
.
وره يوم ابوبه كالب خلقته حته علة امي وامي ما تحاجي ..
طلع ابويه صاحني بابا انتي صدك تردين علي ...
بابا اني اريد جهالي ...
بابا صارلج شهرين ما نسيتيهم ...
ولا راح انساهم ...
ولج والله هذا مخبل يشلع كلبج . عصبي وانتي مدللة . اسمعي نصيحتي ...
طفرت امي من مكانها ليش تلح زايد زوجها اجيب النا مكسور وتشرد ويااا ...
لا امونه متسوي هيج . هاي حبيبه ابوها . تجيب العيبه لابوها صدوك بابا ...
لا بابا ما اشرد والله لو اموت بس تعبت واريد جهالي ...
كلي بابا ميخالف بس خلصي هاي المرحله بكيفج اني ضليت صافنه خاف تبين بطني انوب . ها باوعت لامي انقذيني ...
كالتله والله اروح لبيت اختي اذا ضلت ايمان هيج . امي عدها قلب ضلت لازمه كلبها وتعصر بي راح تموتوني . ابويه كلش يحب امي .. شبيج يا مرة انتي انوب شلج دخل بلبنيه ...
بويه انطيها وخلصني عمتها كلت كلبي ...
هسه اني اخابرها تكولها ام محمد مريضه لتخابريها ..
مالك شغله لا تخابر ولا ابد وما مرتاحه على بتي خل تولي لبيت عيالها وتخلصني وتضل يم بزرها ....
ابويه كلي بكيفكم سوي الي تردي بلكي باجر مترجعين تبجين ...
.
اني خابرت علي كوتله ابويه قبل ...
كلي ايييي افكر شوكت اجيج بعد شهر شهرين ما محضر اموري ...
شنو شهر شهرين بطني راح تكبر ...
وشسويلج يعني ...
بكيفك ...
رحت بس اني كلبي شااايط نااار وره ساعه اجه علي جايب الشيخ ...
ابويه شافه مو مستعجل ...
ابو محمد اريد اسافر اني ورايه شغل . حته امهم تضل يم الجهال ...
عقدنه بس اني مفرحانه احس نفسي شي روتيني جاي امشي عليه ...
اول ما خلص العقد طبعا اني عقدت واني لابسه دشداشه ماكو مقارنه بين عقدي وي احمد وبين علي . بس بعد كلمن بطريقته .
طب .
كلي صدكتي اعوفج شهرين . منتظر هسه اخذج . اني نزلت راسي شكله هذا ...
كل لابويه ٣ ايام اخذهم واطلع لتركيا ...
خلصنه الاجراءات . وطلعنا لتركيا . طبعا طووول تركيا هو ممدني عليه ولا لزمني ابد يجي بلليل اني اكعد اني والجهال بلغرفه محبوسه لو اتمشه شويه واجي بدون ميدري وخلص الاسبوع ورجعنه .
اول ما طبيت سلمت عليه عمتي فرحانه و وياي مرة باقر . تباوعلي صفح ..
كالتلي هو انتي مرة احمد . كاللها علي لا مرة علي . طفرت من مكانها خافت ما جانت متوقعته وراها .
باعي اسيا لسانج ميدور على لسان ايمان والحجي نفس لايمان ميدور على لسان اسيا . صعدت لجناحي لكيت كووولشي مبدل حته البردات مبدله اخشابي ماكو واني تعبانه حيل . كلي شوفي يا بت الناااس تدرين صاراي سنه ونص جهالي ما شايفهم لو لشغلي لو يم شهاب لو يم امي بس بلليل اروح انام واطلع من الصبح . على كد ما قلقتيني وتعبتيني .عندي حجي وياج باجر . بس اريد ارجع لبيتي هسه ... هسسسه يلا دماغي ارتااااح . الله وياج
.
.
.
.
راح واني كعدت على جربايتي مو مثل الاول مو مثل فرحتي اول مره . وهذا الطفل الي ابطني شنو مصيره . كمت اشك بروحي خاف اني فكر وكل الي داير مدايري يرحون عني . حته امي متحاجيني وزعلانه عليه .
نيمت جهالي ونمت ثاني يوم دريت مره علي داريه بزواجي وزعلانه وتبجي . كسرت خاطري هسه هاي شكول الها . عمتي تصيح يطبها طوب يطبها مرض ...
اسيا :عمه هم الها حق رجلها وتحبه ...
ولج يمه احسن يعوف جهال اخووو...
يمه دخيل الله الله ليخليني بمكانها 🙍♀️..
اجيت اني . سكتت هيه ما حجت ..
اجه علي ضايج .
كوتله اخابرها احاجيها ...
شعليج انتي ...
مو خطيه ...
لتحشرين نفسج ...
بكيفك ....
كومي صبيلي غده ....
اي ...
صبيتله غده .
باوعلي متكعدين شبيج ..
ما اريد ...
اكل خلص وصعد لغرفتي نام علجربايه .كلي متجين تنامين ...
ستوني كعدت ..
😒 بكيفج . بلاربعه كعديني ..
ميخالف ...
صارت الساعه بلسته ونص واني يم عمتي بلمطبخ ...
كالت علي اشو ماشفته من طلع ...
علي لسه نايم ...
عمه كعدي تأخر وراه شغل ...
اي عمه .
ابو محمد ..
امم ....
ابو محمد عمتي تكول كوم ...
اي هسه . ودار وجها للصفحه الثانيه .ابيش الساعه هسه ..
ب ٦ ونص ..
صدك ..
اي هسه شفتها راح يصير الاذان ...
ليش اني ابس الساعه كتلج كعديني ...
ما كتلي ...
اها ما كاتلج . كتلج كعديني بلاربعه 😠 ...
والله ما سمعت ...
انتي وتالي وياج .شوكت تصحين على روحج لو تردين اكومج بكتله واكعدج بكتله ...
والله ما سمعت والله ما سمعت ...
هاي ااااخر مره مره ثانيه راسج ينكسر حظري الحمام بسرعه يلا .
طب سبح وجر الميز كأنما يندل مكان المشط والفرجه مشط وطلع لليل اجه . اني سويت روحي نايمه . كعدني كومي سويلي جاي ..
اي ...
طبعا الخوف الي اخافه من علي رهيب كلش خايفه وهلمره بعد حته ما اكدر ارجع لاهلي لان اني على سالفة امي دمار وقهر ...
.
نزلت سويت الجاي كلي كعدي الجهال .. كوتله ستوهم نامو تعبوني يلا نامو عوفهم .
كلي كعديهم امشي شهاب كعدته بس عليا ما كعدت لان حركه من الصبح لليل كله تتحرك بلليل تذب روحها .
كعد شهاب يفرك بعيونه . شبكه شهاب يبوس بي ويبوس بدي شلونك بابا حبيبي ...
اببببه ابه ابببه ...
يا بعد كلب الابه . يا روح الابه ...
ايي ام شهاب سولفيلي ولد بنيه ...
شنو ...
حامل ولد بنيه ...
لسه ماخذت سونر ...
كاملي وبيده شهاب . جر ايدي ولواها لوي شاورني اذا اخذتي سونر تكولين مو ؟؟
اي اي اكول والله اكول ...
خو معندج بعد مقالب ...
لا لا ابد ...
ماشي هد ايدي وشرب جايه وصعد وشهاب كاعد على جليه وهو يكلب بلموبايل هذا اول يوم ينام يمنه اني خايفه لا يتقربلي ضليت كاعده على الطابويه . كلي متجين تنامين . ..
هااا اي نام انت ..
ههههه يعني شنو اطيرين مني اذا اريدج ...
رجاءا بلا هلحجي ...
تعاي يمي ...
ابو محمد لخاطر...
اشششششش تعاي بدون حجي لتلغثين بنص الليل ...
نامي يلا ...
اي . بلعت ريك واني نايمه ع حافه الجربايه ...
هو نايم . صاح عذبتني بت بغداد ..
اني ادري بي يقصد عليه غلست .
.
الساعه ب ٣ بلليل ..
.
مرفوعه دشداشتها اباوع لرجليها خبلتني اشايله من بياض بت الكلب .
خليت ايدي على رجليها صعدتها على بطنها صعدت لصدرها اباوع هلطراوه وهلنعومه الي شايلتها هيه طفرت . اني كوتلها لا بله بعد وكت يمكن لمن واحد يغتصبج يلا تحسين ....
وخرررر عني ...
خزرتها حيل . شنووو ...
كافي . وخر عني ....
كومي انزعي دشادشتج ....
ما اكوووم عوفني ما اريدك ....
نصه صوته وهز بأيده يأشرلي يتوعدلي اسمعي لج تجرين عدل لو لا ...
روح لمرتك رجعها اني ما اريدك تجيني ...
ليش ...
ما اريدك وبس ...
اسويلك كولش اله تنام وياي . لا ما اكدر ...
ماشي يبنت الناس . وانتي تدرين اكدر اخذها غصب عنج بس ماشي ...
نام كمل نومته ...
كعدني من الصبح كلي كومي سوي جاي ..
كمت سويت .
باوعلي كدام اسيا وعمتي طلعه ماكو ودوام ماكو . يوم اذا طلعت خابريني ...
اني عندي امتحان وهلامتحان ضروري ...
طزززززز بيج وبمتحاناتج . يلا ولي ...
اسيا لزمتها الضحكه . شبيج قرقوز كدامج ..
لا شنو اول وحده تصير مشكله وي رجلها قابل ...
لا مو عبالي اشوفج فرحانه ...
كافي عمه شبيجن انكلبتن ...
عمه كولي لابنج دوامي شلون بي ...
شسويلج اني ذاك رجلج وروحي حاجي ...
خابرته ...
نعم ...
بس هلامتحان اروح وبعد ما اداوم ..
شنو الفرق ...
مهم ولازم امتحنه وهوايه قريتله ...
الزمي كتبج وذبيهن بلتنور يفيدن حطب ...
علي اني طالعه بس امتحن وارجع بداعه شهاب لتعارض ...
والله اطلعي بيج خير وبت ابوج روحي اذا ما اجيج للكليه اكسر رجلج كسر هنا ... اذا ما كسرتج تكسير فلا اطلع اسمي علي ...
.
والله ضروري لازم احظر . ميخالف شتريد اسوي . بس خليني اروح ...
.
روحي . اني اليوم مو يمج يم علياء ...
ماشي ...
رحت اركض صارت ب ٨ ونص . امتحنت وخلصت رجعت ...
اوووف ...
اجه الضهر . كلي ها شلونج بلامتحان ...
اني كمت ابلع ريكي . كوتله زينه . كلي عااااال . انام نص ساعه نص ساعه نص ساااعه كعديني .
اي ...
سمعتي لو اعيد ...
سمعت ...
لا خاف ما سمعتي ...
صدك صارت نص ساعه كعدته غسل وشرب جاي وطلع ...
راح كبل للبيته . ما اجه ....
اني نمت مرتاحه ...
ثاني يوم الصبح اجه تريك . وطلع حته ما حاجاني بس كلي حظري شهاب .
حظرته وكملته وانطيته اله اخذه وراح للضهر اجه . كلي تعاي نامي . كتله منعسانه . كلي تعاي مرغيلي ايدي احس جسمي مبند ..
تقربتله ..
كلي تعاي مراح اكلج . اسويج تجواعه لليل . ويبتسم ...
اجيت مرغتله كلي من اغفه وخري ...
ربع ساعه مرغتله حسيته غفه وخرت عنه . جرني من ايدي كلي وين رايحه ...
كوتله اييي هسه ارجع امرغ ...
تعاي بحظني يا تمريغ يا دنيا ...
شبكني ونام ..
اول مره يشبكني بس اعصابي متشنجه كوولش اسمعه نايم . وباله يمي اذا اتحرك يفز . مدري جذب منايم ما ادري .
ابو محمد عفيه كوم . موتتني ...
شبي كلبي ...
صارت بلاربعه ...
ما اطلع للشغل ...
ليش ...
اريد اشوفج ...
بس هذا رزقك . حرام اطيره ...
الله يرزق ما عليج بيه . اي سولفيلي شلونج . شخبارج ...
زينه ...
جيبي الجهال وتعاي نزلي ...
اجو كعدو بحظنه يبوس بيهم . ..
اخر شي كلي يلا حظري روحج جم يوم وتجين وياي بعد ...
شنووو وين ..
لبيتي ...
ما اروح ..
ها ...
اي هذا بيتي ...
بعت البيتين الي عندي واخذت بيت جبير انتي وعليا تعيشن سوه ...
ما اعيش هذاك بيتها ...
اشو انتي تاكلين خره هواي . شو دولي . هو من طالب رأيج تردين تضلين ضلي هنا هيطبج طوب ميت عليج .
جهالي واخذهم وياي ...
جهالي الي متاخذهم ..
شو دتعاي . وركض ورايه . اني صعدت اركض للغرفه كلبي يرجف قفلت الغرفه ..
ايمان فتحي الباب .
ما افتحه ..
بس احاجيج ...
تضربني ..
افتحي جاي اكلج ..
تضربني ...
افتحييي ...
لزمت شهاب ورحت فتحت الباب اول ما طب خليت شهاب بوجهي ..
لزمني من شعري . ذبي الطفل ذبي ذبي ذبي ذبي ذبي بسرعه ...
شعري شعري اااي شعري .
شوفي لج ذوله جهالي والي ابطنج ابني عوفيهم و ولي محد سائل عليج اطلعي من حياتنه خبلتينه اريدج تجرين عدل ماكو ...
ما اكدر افتهم ..
منو شنو متكدرين ...
خطيه مرتك . خطيه جهالك . جهالك يحبوني هسه اكيد يكرهوني ...
انت لا اول وحده ولا اخر وحده تزوج . بعد بكيفج هاي حياتج وانتي يحتاجلج واحد عنده طوله بال واني صبر ما عندي البيتين مفتوحات الج . بس جهالي ما اخليهم ...
.
لليل اجه لكاني ابجي . شبيج جنج بومه ...
ما بيه شي ...
اني كم مره كوتلج لتزمخين . طبعا مشايف مثلج مره . عباره عن رجال بس الله منطيج جمال . الله يرحمك يا احمد اكول عافج واطوع اثار مكابله رجال ...
اني رجال . اني احلى شي بحياة احمد احمد احلى شي بحياتي احنه ثنينه روحين بس الموت فرقنه وخلاني بيد الي ميرحم . جنت مدللة بجاله محد يكدر يحاجيني ...
وهسه منو محاجيج يابه ...
احمد عمره ما ضربني ...
احمد مو رجال ...
احمد ارجل منك ومن ١٠ مثلك ...
تدرين ليش مو رجال ....
٠🤰🤰🤰🤰🤰🤰🤰🤰🤰🤰🤰🤰🤰🤰🤰
لان عايف هذا الحسن ورايح للجيش . اني من ليله وحده ودماغي وكف وياج حته حجي بعد ما اعرف احجي . تدرين الليله شلون اكضيها بدونج . بلموت . شهرين حاظرج على اعصابي ...
لزم شعري حيل . شكد ما احبج بس احس هذا ويأشر على كلبي مو اليه .
ارجع واكول تتعلم وتتعود وتنسه تالي ترجعين لنفس الفلم الي انتي بي ...
جر شعري حييييل . دفعني على الجربايه . كافي تعبتيني راح اموت بدونج لزم شفايفي حييييل .
حسيتها كطعت الهوه عنها عفتها . اخذت نفس حيل
لزمني من خصري ودارني على وجهي ثبت رجلين بين رجليه حسيته تقرب اليه بعنف . اخر شي باسني من ضهري وعافني واني بس هدني نمت على وجهي بلجربايه احس رجليه يرجف ...
التفتت اله كوتله شنو قصتك دائما تأذيني ...
كلي اووووي اسف اعذريني ...
كلي كعدي عندي حجي وياج ...
ها شرايد ...
شوفي ايمان اني رجلج اني احب المريه من اكولها شي تكول صار . وعليه ادللي شتردين جاريلج بس لتكولين لا اليه ...
ماشي ...
صاااار ....
صار ....
اي عفيه . هسه شنو ترحين وياي لو لا
بكيفك ...
شكلنه ...
صار ...
اي عفيه هيج اريدج
.
.
*انا اكثر ما اكرهه بك . هو سؤالك هل احبك .
احبك او لا احبك ! الا تعرف وحدك ؟؟!
انت تستطيع ان تقرأ رسالتي وحدك
(انا احبك انت ) *
من الاصعب العيش مع العمه الضالمه لو الضره ؟؟
والضره مره ولو كانت جره ..
مخلص البارت القادم ... تحياتي لكم زينب علي . لتنسون التصويت والتعليق
