ثاني يوم نزلت اني واكفه واحمد يحوص وبنات عماته وخالاته مقيمات همه طبعهم عدهم صلة رحم قويه وبنفس الوقت منافسات بيناتهم وكولها تزوج اقرباء وهوسه وجهال ...
اني واكفه حلوه ورشيقه جسمي مخصر واكفه يم الدرج اجه احمد شبكني وباسني..
مشتاقلج ..
يا بعد عمري شبسرعه ستونه كعدنه من النوم ...
هو لازمني وكاعد منزل راسه اليه لان هو طويل اني اطلع بصفه قزمه شبكني ويسولف اجتي امه😒😒😒 باعت صفح وراحت ....
.
.
.
كعدت على الكرسي وهم رجعو تصفيك وعرس طبعا العرس ضل سبوع على هاي الحاله والبنات بايتات يعني العشيره كولها بايته زلم ونسوان سالت احمد شلون تكفي الاغطيه كال عادي متعودين كال بأخويه الجبير ضلو سبوعين ... اني متعجبه شنو معقوله اكو هيج احنه ابيت اهلنا نروح نوجب ونطلع منضل نستحي يعني ... بس بيني ما بين نفسي اكول كل من عاده وتقاليده واني صرت منهم وبيهن لازم اصير مثلهم ....
خلال عشرتي وياهم ومعرفتي بيهم بمرور الايام صارلي تقريبا على زواجي ٥ ايام كمت اعرف منو هاي شنو هاي ليش هاي منو ذيج يعني تقريبا عرفت الاشكال ....
جانت البنات كوووولهن ممخلصات دراسه وره بس عيالي جانو الي واصلين بيهم ويعتبرون عيالي فد شي بيناتهم .. عمتي غريبه مو كرايب بس ماخذه تقاليدهن بس فاره العشيره فر بأسلوبها وشخصيتها قويه احس الها صيت بين النسوان مبينه بت خير مو مثل البقيه...
.
.
.
خل الاسبوع وبدت الناس تخف واحد وره واحد واني بديت اتعرف على نسوان حمويني
تعرفت على مره علي جانت حبابه فقيره خريجه كليه بس حسيتها لا تحل ولا تربط يعني من غير عالم حته جروها رادو يركصوها ما قبلت تركص تستحي كولش بس هيه احسن ام حنينه على اولادها كلش تحبهم وتركض وراهم وتوكل هذا وتغطي هذا وتلبس هذا وتساعد يعني متتملص يعني حبابه وشكلها زين اسمها علياء ....
.
.
.
مره ياسر .. سبورت الى درجه من هاي الي تريده تسوي لو على حساب الكل طبعا هيه شفتها بس حسيت اكو شي بيها كأنو جبر جايه مدري شبيها يعني مثلا تركص بدون وعي عبالك تريد اطلع ضوجه وعمتي بلمطبخ تخوزر بيها يعني ما اعرف شبيها اسمها بيداء ....
.
.
.
مره كرار ... هاي العاقله بيهن يعني طبيعيه تركص وتشتغل وتخلي مكياج بس بيها شغله جانت حامل وحسيت هيه حجايتها ماشيه على رجلها لان الوحيده الي ما باتت كولهم باتو بس هيه سلمت وراحت كالت لا ما اكدر اضل بيتي واني تعبانه اجي الصبح رجلها جان يتمنه يضل واخوته يردو يضل بس هيه كالت ما اعرف انام حسيته حاول يقنعها كلبت وجها وطبت هو دز عليها وراحو اسمها الاء
.
.
.
كلهن اشكالهن حلوه وكلهن بيهن ميزه تختلف على الثانيه بس ولا وحده مرتاحه الهن اني طبعي اخاف من الغريب مو بيدي مو بسهوله اتأقلم ...
كولت بيني مبين نفسي خل اتأقلم وي ساره وعمتي وزوجي ....
يوم السابع سوينه حفله وهم ركص وصالون ودبج تونست احلى من زواجي لان اني جنت تقريبا ارتاحيت مو مثل زواجي جان خوف بي .....
.
.
.
وره السابع كولت خل يصير عندي احساس واكوم اشتغل لا انهج حمويني راحو ضل بس باقر كولت لعمتي ...عمه قسمي شغلي شنو الي تردي اني اشتغله ...
الشغل كوله عليجن انتي وساره....
😨😨 بكلبي بيت ٤٠٠ متر علينه اني وساره وبعد جم يوم يجي الدوام .. كوتلها عمه ميخالف بس اني حددي عليه شي حته ما اقصر انشاء الله نسوي كل شي بس اريد فد شي معين جنت اكمل حجي .. قاطعتني ..
عمه الشغل كوووله عليج انتي وساره اني ما بيه حيل بس اطبخ الغده والبقيه عليج انتي وساره ...
ضليت صافنه من اسلوبها اني احاجيها بأسلوب زين وهيه تنتر ...
رحت لساره ساره ششتغل ...
كالت حبي كومي اني وياج نشتغل ...
شفت هلشي مو بلمخلص .. جبت المكناسه الكهربائه وبديت كنس ومسحت ونضفت غرفه وره غرفه ورتبت خلصت كولت اني عليه التنضيف لان احبه وهنه شيردن يسون خل يسون دخلت للمطبخ شفته كلت خل اسوي كيكه طلعت سويت كيكه اجتي عمتي ...
عمه شسوين بيهن 😓..
اشتهيتهن عمه 🙄..
احنه كوه مسوين رجيم بالبيت ....
ههههه...
ههههه...
سويت خلصت كملته طب احمد ..
احمد احمد احمد احمد ....
ها ها ها 😉
احبك....
لج اشتعلت عشيرتج اطفري فوك لاحكج ....
😒 صير حباب ...
حباب ... هههه حباااب ...هههههههههههه....
انتي لسه مشفتي شي مني مستخطيج اكول خطيه بعدها جديده ...
😶😶😶😶😶....
هههه فديت الخجلااااااااااااان يا الله يحجيها بصوت عالي...
ذبيت الكيكه بلنار وصعدت وصعد ورايه طب يغني حالف اله نتلاكه واضوك الماي ويغمزلي ....
😶😶😶😶😶....
بويه والعباس احبج وحق صاحب الزمان احبج ...
والله انته روحي من الدنيا احمد انته كووول شي بحياتي ....
اي كملي...
وروحي ..
ايييييي...
وعمري....
ايييي...
وبده شويه شويه يلزم جسمي اول ما لزم خصري احسيت نفسي صارت عندي رعشه بجسمي كمت بعد ما اعرف اجاوب غمضت عيوني ولزمني باسني من شفايفي وراها نزل على ركبتي عضها حيل اني جنت كلشي ما اكدر اسوي بس صوت الونين احس يضغط على كلبي شي من داخلي احساس مو طبيعي اغيب افقد من يخلي اديه عليه عبالك مخدر احس روحي اطير طفله وهو مستمر يبوس بيه ويكولي لخاطر الله اريد اشبع شنو هذا البياض وكمل كللللل شغلته وووووو....
.
.
.
سبحت وخلصت .. يااااا الكيكه راحت ..
رحت لكيت الكيكه مطلعتها عمتي اول مطبيت وجها مكلوب...
اي عمه عادي اسبحي اكعدي ساعه فوك وخلي الاكل ع النار لعد شلون تفتحين بيت ...
عمه والله نسيتهة واحمد لطشلي ....
ها احمد ....
بكلبي هسه هاي شكولها جنت بغير عالم 🤣🤣🤣
.
.
.
وزعنه الكيك ...
حمودي ضوك الكيكه حبيبي .. 😗😗
مو عبالك هاي مرتك سوتها حطتها ع النار وكرصت ....
😒😒 بكلبي اهووووو يا الله . اي والله عمتو تلاحكت الموقف ..
عمتو ... عشتووووو
.
.
.
احمد 🙄
اني 🤔🙁
عمتي:: ثاني شي انتي من نضفتي عليمن الطبخ داده اشو كعدتي ...
عمه اني منضفه البيت كوله ...
اكلج عمه اني عندي الجنه تذب حيلها هنا منا لمن تطلع ومن تطلع تصير هيه ام البيت وبعد براحتها وين تنام للضهاري تشتري من بره تجيب خدامه بمكانها هاي يخصها بس ابيتي اني بتي مدللة اوديها للرجال هيه وعيالها يتصافون يكربون عليها ميكربون بعد هيه وقسمتها الزود والباقي عليج انتي ام البيت ..
اي ميخالف عمه اني اشتغل معندي شي بس عمه اني هلسنه دوام وعندي كليه وطلعت معدل زين خو اكيد ورايه دراسه ..
الي عليه كولته بعد بكيفج احسبي نفسج ابيت ويجي رجلج من الدوام متصبيله غده ...
لا ليش عمه اسويله ..
اي هو نفسه فرق التمن بدل الكلاص كلاصين
لو بدل نص دجاجه دجاجه كامله بس كبري الكدر ... وعشه رجلج ميتعشه هم نفس الشي شوربه كباب منا منا وهم ساره تساعدج خو مو عروس بس اني ما اوصج تنتكلين عليها لان ساره عاده السادس وتريد معدل
.
ماشي عمه يصير خير . بكلبي اصبري ايمان اجاج الي ما يرحم ...
احمد حبيبي عجبك هلحجي ...
اي شنو شبي . مكالت شي غلط ...
اني مكلت غلط بس مو هواي مسؤليه ٤٠٠ متر ع حسابي ...
ايمان انتي مره مزوجه حجي زايد لتحجين كووووولهن مثلج حته مره كرار هم فوصه وشايله خشمها وكربت لمن طاحت بك واسالي بيداء عن العيشه ...
.
.
.
ودوامي ..
الكليه خرط .. لا قرايه ولا دراسه واذا صار عندج طفل تعوفيها .
بلا شووووو...
ايمااااااان بعصبيه ...
شو سد الموضوع ....
نزلت جوه يا ربي خلص شهر العسل راح يبدي شهر البصل انوب دخيلك ربي ..
استلمت البيت شغل تنضيف بس بدون تلميع بس كنس وترتيب واطبخ حته جلف ما اجلف لان بده دوامي وكون لازم استعد
بلليل اطبخ ويضل بس التهدير لثاني يوم كووووله اسوي شغل متعب والدوام وبدت حياتي تصير خنكه لااااا تطاااق ...
اما بلنسبه لساره كاعده بلطابق الثاني من اول يوم الدوام وساره قفلت الغؤفه وكتبت على باب الغرفه ممنوع الدخول والموبايل صامت والحاسبه ضمتها يعني دخلت بلملجئ
هووووواي حاولت اوفق بشغلي بس دائما يطلع عندي تقصير وعمتي من نوع النقناقيه بلشغل اني صح نضيفه وشغلي كوووله تلميع بس ما الحك شوكت اقره شوكت ادرس شوكت كمت بلشهر اروح مره لبيت اهلي وهذا المره اسوي بيها جسمي واحف وجهي لان ما الحك احك راسي وكامت امي كل ما تشوفني تقرالي العديله ليش هيج ممهتمه بروحج وين اناقتج وين نزاكتج اديج خشنات شبيج وستمرت الايام والاشهر
مر على زواجي ٦ اشهر ... جان يوميه واحد من الولد هنا بس علي جان قليله جياته وحتذا اجه يجي بس هوه يعيب هوااااي وينتقد هوووواي كووولشي ميعجبه هاي ليش وذيج ليش بس ميحجي بيها طك بطك يذبها بسمار ...
احمد منزل من حبه اليه ابد بلعكس كام من يشوفني تعبانه يبوسني ويعيشني بعالم ثااااني ويصبرني جان كلششش حباب ...
.
.
.
.
صباح الخير عمه ..
صباح النور ... اكلج اشو حبالتج طولت ...
ها والله عمه ما ادري .. عمه عندي دوام ممستعجله ...
عمه حمودي جبير جيبيله واحد ..
عمه اذا ميصير منين اجيبله ابوكه ...
روحي للدكتور ...
ماشي ...
رحت للدوام ورجعت طبخت كملت رجع احمد .
احمد عندي موضع خاص اريد احجي بي وياك ...
يا ستار اي اماني كولي شعندج ؟؟
احمد امك تكول خل ياخذج تراجعين على طفل ...
شنووو ....
.
.
يا ترى شنو حيكون جوابه لاحمد وشلون حتعيش وشتتوقعون يصير عدها لو لا واذا صار شنو نوع الجنين ؟؟؟؟كل هاي اساله حجاوب عليها يلبارت القادم ...
.
.
لتنسون التصويت احبكم زينب علي 😗😗😗
