بديت شويه شويه اتعلم ع حياتي ع وضعي واتقبل واقعي بعد اجينه للنجف ومترهم اضل اتعارك قررت اعيش حياتي.....
راحت ايام رجعت ايام درست بلسادس اعدادي اول ايام اجت جوارينه صديقتي اسمها ساره وكالت خل نروح سويه رحنه سويه للمدرسه
ثاني يوم اجتي هيه واخوها بلسياره
ايمان يلا تعاي اجه احمد يوصلنه
شنو احمد يوصلنه😕
احمد اخويه شبيج
حبي اني اهلي ميقبلون
شنو القصه ... ساره تصيح لامي .. باجي باجي تقبلين امونه تروح ويانه احمد يوصلنه
ماما .. خاف اخوها ميقبل ... يلا دروحي ومن ترجعين كولي لابوج
رحت للمدرسه احمد بلسياره مبطل يباوع عليه
رجعت للبيت .. شلونج ماما
هلو حبيبي ماما شلونج اليوم
زينه ..
ع العشه ... بابا... محمد.... اخو ساره يريد يوصلنه يوميه تقبلون
بابا اي عادي
محمد .. ياب شنو عادي فشله يزحم روحه
ضلو يحجون بلموضوع واخر شي توصلو انو اروح من همه يكولون ما اضغط عليهم
..
ثاني يوم ...
ساره اجه حمودي خل نروح ...
وج عيني والله استحي من الولد
ليش تستحين قابل هو علحسابج جاي هو اني وياج نروح ونرجع سويه قابل شايليج ع روسنه
اوك
طلعت من الباب .. صدريه تلث ارباع تنوره ام الشيالات وقيص ضيك كولش وحجاب فيكات والحذاء بيضه ام الاصبع وجواريب شفافه ...
احمد ضل صافن ...
احمد خريج هندسه موضف عمره ٣٣ سنه حلو كووولش جذاب يعني شخصيه قويه جان اذا مشه عطره نشتمه بلطرمه مال البيت تنترس البيت عطر ...ومؤدب مو من هذوله المراهقين لو ذوله اهل الشعر والخصل بلعكس جان ثكيل وابن خير مو ملطلط ....
صعدنه اني وساره للسياره وهو يباوع وعيونه تجدح نار من نزلنه من السياره سمعته حجه بصوت ناصي ...
ماكو اكصر منها صدريتج ..
كوتله بحديه ... عفوا ...
طبعا اني جنت اتميز بحديه بكلامي وي الكل ابد ما استخدم اي جمل حب او عطف ودائما احجيها برفعه حاجب ...
احمد... دار وجه ومحجه شي ..
اكولج ساره تره احمد مدري شحجه عفيه كوليه اذا استمر هلحجي اني بعد ما اصعد وياكم
طبعا خلص الدوام واني كولشي مفهمت منه مقهوره منه احس حجايته تفور بكلبي مدري ليش احس نفسي افرفح
بلرجعه ...
ساره روحو اني محرجع وياكم
ياااا ....
مثل مكوتلج
بلا ايمان بلا حجي زايد شكلج احمد سويتلج طلابه من ولا شي
مو طلابه ساره
جا شنو
شنو جا شنو .. جا شنو جا شنو *اقلد عليها اهز راسي واحجيها بنتر*
ساره 😔😕
ايمان يلا امشي خل نصعد *انقهرت عليها حسيتها ضاجت *
ساره 😊😊
ثاني يوم
نفس الشي ونفس اللبس
من نزلت كلي ايمان تره اني من حجيت وياج اول شي انت حالج حال ساره والولد زباله واخاف عليج
ايمان ..😏 ادري بس لتخاف عليه اني اخت رجال ..
احمد .. والنعم منج
مرت ايام نروح ونرجع وهلحجي يصير بيناتنه نسولف اشكال لو يكعد يراجعنه بللحظات الاخيره يسالنه بلسياره من تمشي ...
الحجي بيناتنه تجاوز مرحله انو جوارينه وكلامي ويا قليل لا .. جنت اتشاقه ويا واحجي بس ما مفكره بي كحب ابد ولا مخليته ابالي
فد يوم شفت فلم اميره حبي انا ... وجانت ملابس سعاد حسني كولها نفش .. فاني عجبني هيج اسوي وطلعنه نزور اني وامي الامام علي طبعا اني من ازور البس جادر ابيض اخذه اخط بي ...
من طلعنه من الامام اشتريت قماش تركال خيطتليا مره عمي خوش خياط سويته صدريه دبل كلوش وتلث ارباع بس اقصر من ملاتي تقريبا جوه الركبه بشويه
ولبست قميص ابيض وردانه جانت كلوشه والياخه مقبطه وفتحه بلصدر بس مغطيتها بلحجاب *ع اساس انو كان لبسي مستور *
اول مطلعت ساره ضلت صافنه وج هاي شلابسه
شافني احمد...بسرعه صاح ساره روحي جيبي محفظتي نسيتها كبل لنطلع ركضت ساره طبت لبيتهم
هو طفرلي
ايمان من كل عقلج هيج اوديج اني
وشكو بيها مو يوميه هيج طالعه
لا مو هيج متستحين انتي ما عندج حياء ما كو واحد ماشبع بيج
رجاءا بلا تجاوز وانت شنو وتدخل بحياتي ..
اجتي ساره .. ها شكو .. حمودي محفظتك ماكو
هاي وياها بجيبي
صعدنه وصلنه للمدرسه وطلع كدام كال ما اوديج للمدرسه هيج ..
ايمان: بصوت عالي ... احمد وديني للمدرسه بسرعه رجاءا لتدخل بحياتي اني مو مرتك وتحاسبني عندك ساره وحاسبها ...
باوع احمد من المرايه وجان ناااار شابه بكلبه
وصلنه كالت ساره: .. شبيج ايمان هاي اخلاقج اكبر منج هوه وشراد منج عجيبه انتي شلون الج نفس هيج اطلعين كدام الولد
ايمان ... شو دروحي
من رجعنه مردت ارجع وياهم طلعت وحدي اجه احمد كلي اصعدي لتخليني افشل نفسي اكثر مدام وديتج اني ارجعج انتي امانتي بيدي ودوج اهللللج *داس ع كلمه اهلج عود الي ربوج بأنتقاصه منهم هيج يخلوني اطلع *
من وصلت للبيت نزلت بس دمعتي تريد اطيح احس نفسي مستحيه من روحي ومن لبسي ...
طبعا احمد نضراته وكلامه واهتمامه حركت مشاعر جوايه بس مو مشاعر عشق لا مجرد اهتمام هيج احبه من يخاف عليه من يغار
بلليل اجاني مسج
ايمان انت بنيه جميله وحرامات يطمع بيج اليسوه والميسوه
اني رديت عليه ... وانت ياهو منهم
شنو تقصدين ؟؟
مو كولت اليسوه والميسوه .. يا هو انت
اها اشكرج ... رحم الله والديج خوش تربيه
ايمان .. الما يتحمل البسمار ليجفصله بحجايه 👉
احمد ما رد بعد ... جانت هاي اول مسج ما بيناتنه .
.
.
.
يوم الاحد ... صعدنه سلمت مرد .. بس ساره ردت
كل لساره حجي عليج ب ٤ مو تتأخرين ..
اني تفاجأت بلمدرسه سالتها
ساره لعد شعجب حيجي عليج احمد ب٣
ساره : جا مو امي شايفتله مره وكالت خل يشوفها تكول ماما تخبل اني كوتلهم اذا ما رحت اشوفها اموت كلي حمودي اخيي والله ما اشوفها اذا متشوفيها انتي
ايمان ...😲😲
هيه تحجي واني صافنه ... راح يشوفها شنو لعد اني شنو معقوله اخوه هاي لو شنو معناها بس هلحجي بكلبي كوتلها اطلع وياكم
صارت ب ٣ واني احس روحي صرت اعصاااب كمت اتعارك وي الورقه والقلم طلعت ساره اجه احمد عليها بس اني مقبلت المديره اطلع لان مو ولي امري ...
طلعت وحدي رجعت اسحل بروحي مثل الميته وكفت سياره دك هورن .. باوع هذا احمد
هلا بلعريس .... بصوت مال وحده مقهوره
احمد 😑😑
اصعدي
وشكو عفت عرسك واجتني بسلا جابتك الاخوه
شبيج والقران حته السكران مو مثلج
صعدت ..
اول شي هو مو عرسي حته عفته واجيتج ثاني شي انتي ليش مقهوره ..
مقهوره .. مقهوره ..ههههه والله يا ربي وعشنو انقهر شنو عبالك احبك ..
وليش متحبيني عايز شي
لعد واني ... عايزه شي
عايزه شويه ادب
احمد .. رجاءا بلا هلحجي
هسه شنو شتردين انتي
ما اريد شي وبعد لتحاسبني منا وجاي
ومنو محاسبج
ابد .. حته صدريتي ما البسها من وراك اكول خطيه خاف ينقهر ..
وليش انقهر ... تعنيلي شي
اذا ما اعنيلك شكو اجيت عليه ... بصياح
احمد يخزره وصوت عالي نصي صوتج لج تره اشك حلكج
لااااااااا شكه يلا شكه
استغفر الللللللله .. احمد صاح
وصلنه ربع الطريق
احمد .. بس العروس تشبهج
ماكو وحده تشبهني
تشبهج بلشكل بس بغير شي احسن منج
شنوووو ؟؟؟ والله يا ربي .. الله يخليها الك ويجمعكم سويه *احجي باستهزاء *
اي ... بيضه وحلوه وشكره ولابسه عبايه وكوتلها شكولج تكولين صار كالت صار
اني هزيت ايدي ... والله يا ربي
لزم ايدي رأستا ولزم الابهام ...حكسر ايدج ولج واذا كررتيها اكسره لراسج وعوج اصبعي بس حيل اني كمت ابجي .. بس مو مقهوره من اصبعي هو صدوك يوجعني بس مدري ليش احس من الضهر لسه اني محصوره بجيه فطكيتها بجي ...
وكف السياره ..
ايمان شبيج
مابيه شي عفيه تأخرنه رجعني للبيت
من تبجين تخبلين
هههههه
هاي شبسرعه شنو تبجين وتضحكين بنفس الوقت
هاي اني ما اكدر اتغير
التفت اليه بس هلمره جانت كلماته طالعه من كلبه
ايمان .. صدوك متتغيرين
شنو
سألتج متتغيرين
وليش اتغير ...
معقوله متحسين كلبي يهواج
معقوله متشوفين عيوني من تمشين شيصير بيه
ايمان احبج بس ما اكدر ارتبط بيج
ليش *طبعا جنت باهته من هيج حجه لان احس حجيه جان يجي لكلبي ميدخل لاذاني ...
ايمان .. احبج بس انتي حياتج تختلف عن حياتي
اريد مره ملتزمه بحجابها بدينها اريدها ام لاولادي
اله عبايه يعني
اي اله عبايه .. امج مو تلبس عبايه متلبسين
ما ادري افكر
شنو تفكرين شنو هلحجي لو اي لو لا
شوفي ايمان ترديني كولي اي
مترديني كولي لا وخلصيني ولشلعين كلبي
.
.
.
.❤❤❤❤
يا ترى شنو حيكون رد ايمان ... وشلون حتكون حياتهم ... بقلمي .. زينب علي ❤❤❤
حكمل لمن اشوف التعليقات ع هذا البارت هواي والتصويت ... احبكم
