'Kitni mohobbat karti ho mujhse?'
Sawaal sunkar tumse ye,
Halka se main muskura deti hu
Kitni mohobbat krti hu tumse,
Bin bole hi jata deti hu.
Zor dekar phir se tum,
Vahi sawaal jab dohraate ho
Jawaab dene ki main,
Phir ek bar nakaam koshish karti hu
Kitni mohobbat karti hu tumse,
Isko shabdo mein piroun kaise.
Ek pal dekhti hu tumhari taraf,
Dusre hi pal nazrein jhuka leti hu.
Laakho ki bheed mein bhi jab
Khayaal tumhara aata hai
Noor dikhe chehre par jitna
Utni mohobbat tumse karti hu
Kaam mein doobe huye tum,
Ghadi ghadi tang jab karti hu
Khanak hoti h aawaz mein jitni,
Utni mohobbat tumse karti hu
Gussa hoti hu jab tumse,
Tumhe dekhte hi bhool jati hu.
Meri muskaan mein hi dekhlo tum,
Kitni mohobbat tumse karti hu
Karte ho jab baatein mann ki,
Dil thaam ke main sunti hu.
Har pal dun main saath tumhara,
Utni mohobbat tumse karti hu.
'Itni mohobbat karti ho mujhse?'
Kareeb aakar jab tum puchte ho
Kitni mohobbat karti hu tumse,
Khud-b-khud bhool jaati hu.
आप पढ़ रहे हैं
Khayalon Ke Parindey
PoetryChalte chalte in raahon pe Kai khayal yu hi aate hai Kuch dil me bas jaate hai To kuch parindey ban ud jate hai Kai khayal hasate hai Kai khayal rulate hai Kuch baarish ki tarah mehkate hai To kuch bhavandar jaga jaate hai Jo khayal hame bikherte ha...
