Tum ache lago na lago
Tumse baate karna acha lagta hai
Tumhari aawaaz pasand aye na aaye
Tumhari baate sun na acha lagta hai
Pyaar tumse ho na ho
Tumhari baaton pe dil marta hai
Pata nahi kyu magar
Tumhari baaton se dil darta hai
Tumhari aankhon me aasu ho na ho
Tumhari baaton pe dil rota hai
Tumhare hothon pe muskaan base na base
Tumhari baaton pe dil hasta hai
Mujhe pata chale na chale
Tumhari baatein mujhe samjhati hai
Raat me sapne dikhe na dikhe
Tumhari baatein mujhe sulati hai
Baatein vo tumhari bachon jaisi
Dil me ghar kar jati hai
Samajh me to aati nahi puri
Magar hume hairan kar jati hai
Na khwaabon me, na sapno me
Tumhari baaton me dil kho jata hai
Ummeedo k pul bandhte
Tumhari baaton me dil dubta hai
Dara dara sa, sehma sa ye man
Tumhari baaton se sukun milta hai
Tut te hue un hoslo ko humare
Tumhari baaton se junun milta hai
Tum jadugar ho na ho
Tumhari baaton me ek jaadu hai
Ahista sa bhagta ye mera dil
Tumhari baaton pe aaj bekaboo hai
Pata nahi kyu magar
Tumse baatein karna acha lagta hai
Pata nahi kyu magar
Tumhari baatein sun na acha lagta hai
A/N: A jamming session with the poetry king cchinu
आप पढ़ रहे हैं
Khayalon Ke Parindey
PoëzieChalte chalte in raahon pe Kai khayal yu hi aate hai Kuch dil me bas jaate hai To kuch parindey ban ud jate hai Kai khayal hasate hai Kai khayal rulate hai Kuch baarish ki tarah mehkate hai To kuch bhavandar jaga jaate hai Jo khayal hame bikherte ha...
