ناظم: دمعه
شفت بابا جمدت بمكاني
مااعرف شافنا لا
اسامه ماخايف
دمعه: عزا بابا
اسامه : لاتخافين ويله انزلي بسرعه
نزل اسامه من السياره يسلم على بابا
اخذ مسواكي ألمهن
بابا عصبي فتح باب السياره
ناظم: انزلي دمعه
اسامه: السلام عليكم
نزلت خايفه
اسامه يتصرف طبيعي ويه بابا
ناظم: وعليكم السلام
اسامه: شلونك ابو دمعه
ناظم: اهلا اسامه
اسامه تقرب وباس بابا
رغم بابا بارد سلامه وعيونه عليه خازرني
بسرعه دخلت للبيت
انجيلا: شبيج وجهج اصفر
دمعه: اسامه بره يم بابا فدوه ماما روحي لايضربه
انجيلا: هههههه لاتخافين ابوج يعرف اسامه يوصلج
طلعت ماما سلمت على اسامه
انجيلا: شلونك خاله شلونهم الاهل
اسامه:اهلا ام دمعه شلونكم... الاهل بخير
انجيلا: تفضل لويش واكف بره
اسامه: لا والله وراي طريق
ناظم: اتفضل شويه اريد احجي وياك
كلبي مات من الخوف
واكفه ورا ماما اسمع كلامهم
خايفه على اسامه
الطلعه طلعت من خشمي
دخل اسامه بابا يباوعلي
ماما رادت تسوي غده
انجيلا: اسويلك غده
اسامه: تسلمين ام دمعه
دمعه، اسامه: تغدينا بره
بابا اعصاب نار
بعدها بابا دك تلفونه طلع بره يخابر
اسامه يباوعلي ويضحك
ماما كامت تقدم لاسامه
اسامه: شبيج وجهج اصفر
دمعه: خاف شافنا بس تطلع يموتني
اسامه: ماتنطيني بوسه
دمعه: هههه اكوم احسن بس المشاكل تجيني من بوساتك
اسامه: هههههههه احبج
شبك ايدي
اسامه: لاتخافين اني موجود مايسوي شي لان يعرف انتي مرتي بس فاجاني سلم ودخلني بيتكم
دمعه: يمكن ماما طلبت منا
اسامه: بيتكم حلو هاديء مبين بيت دمعه وجمال دمعه
دمعه: غرفتي هم حلوه واحلى من بيتنا
رجع بابا بعدت ايدي بسرعه من ايد اسامه
بصوت ناصي
اسامه : جبانه
ناظم: اسامه وين طلعتوا
دمعه : للكاظم
اسامه : سئلني الي ماسألج
عصب لان جاوبت قبله
دمعه: اعتذر
اسامه: مريت عليها للجامعه...رحنا للكاظم زرنا تغدينا ورجعنا
ناظم : زين بدون علمي تقبلها انت اسامه
اسامه: لا مااقبلها بس دمعه زوجتي مو خطيبتي ورحت للجامعه اكمل معاملتها
ناظم : شنو معامله
اسامه: ابو دمعه اني بلغتك مرتي خطار عندك وسويت الاصول وياكم.... ثبتتلك زوجتي مو فصليه ودخلت لبيتنا خطأ ومو احنا السبب عمامها السبب رغم هل شي مااعتبرناها فصليه ...دمعه من اول يوم واول ساعه سولفتلنا قصتها واحنه احترمناها اعتبرناها بتنا وعرضنا الله شاهد عليه دمعه زوجه الي مو فصليه والدليل رجعتها الك حتى ترد كرامتها وكرامتك واجي اخطبها واخذها منك على سنة الله ورسوله..اني رتبت اموري ومنتضر منكم حجايه دكولولي تعال اخذها
أنت تقرأ
دمعه ( الجزء ١ ، ٢ )
Romanceقصه حقيقيه للكاتبه رشا رعد الملقبه سابقا انو انو 💏 دمعه & اسامه 💏
