دمعه ( الجزء ١ ، ٢ )

الجزء الاول -- البارت 1

دمعه

دمعه مواليد 1994
حلوه بيضاء ناصعة البياض
عيوني كبار ورموش طوال
يشبهوني بعيون بابا واكيد احلى
صاحبة رصعات(غمازات)
ملامحي على بابا
لكن بياضي ونعومتي على ماما
الحمد لله احلى منهم اثنينهم 😊
شامات بركبتي باأماكن حلوه

بنوته محافظه على نفسي وخلوقه بنت عائله محترمه

دمعه اسمي دمعه بابا اختار هذا الاسم
لان 7سنين من زواجهم بابا وماما ماعدهم طفل ..

ماما اسمها انجيلا من حسنها وجمالها جدو بذاك الوكت اختار هذا الاسم على الموديل

كبرت ماما ودخلت جامعه أداب مذهبها سنيه

بابا اسمه ناظم.... اسمراني ضخم وحليوه
ايضا جامعة اداب مذهبه شيعي

ذكرت المذاهب بسبب اهلي عانوا من هل شي

بابا تعرف على ماما بالجامعه وصار حب بينهم
اهله رفضوا زواجه من ماما طبعا السبب المذاهب

بذاك الوكت وهذا عقلهم وتفكيرهم

جبرهم واخذها غصب عنهم خطبوها اله

تخرجوا....ماما واهلها وكفوا وياه الحمد لله
بعد سنتين بابا دخل جامعه عسكريه صار ضابط

5سنوات من زواجهم الله مارزقهم بطفل

سافروا للاردن لاجل الطفل وحاولوا رادوا ماكو فائده

سنتين ورجعوا للعراق تعبوا من العلاجات
بابا مايقبل يتخلى عن امي ولايقبل يزوج غيرها رغم منها السبب......
ماما قبل كانت من النوع شوي عنصريه
لكن ماتتجاوز وتحترم بابا..ابد مايدخلون الطائفه بينهم
بابا كذالك ولكن تركها براحتها
المهم بينهم الحب والاحترام

اهل والدي يتشمتون
والدتي عانت من كلامهم

6سنوات وماكو طفل .....

اشتروا بيت صغير 150متر
حلو مرتب

ماما تعرفت على جارتها ام ستار
صديقات تحجي وياه وتسولفلها عن قصتهم

ام ستار انسانه ملتزمه بدينها.. تحب ماما
بذاك الوقت ماكو طائفه وعنصريه كلنا عراقيين

ام ستار قصت قصتها لماما

ام ستار: لاتصدكين ربج ينسى عبده يجي يوم والله يرزقكم
انجيلا: اتمنى الله يرزقنا اخر صبرنا وافرح ناظم
ام ستار: اني مثلج ابجي على ولد ٥ بنات ويصيحولي ام البنات يقرون براسه ازوج ازوج يقنعون بي
انجيلا: اكو احلى من البنات
ام ستار: اخذت بناتي ورحت لابو الفضل العباس عليه السلام
انجيلا: عليه السلام
ام ستار: زرته وطلبت ستار دخلت عليه دخيله يتشفعلي ويدعيلي بالولد بجيت بواجي الى ان حسيت براحه
انجيلا: وتالي
ام ستار: حبلت بستوري
انجيلا: الله يخلي الج
ام ستار: مااوصفلج فرحتي سكتت حلوك العالم.. بفضل الله واهل البيت الله رزقني اخر تعبني
انجيلا: ونعمه بالله
ام ستار: ليش ماتروحين وتنخينهم مايردون احد انتي انسانه واعيه ومؤمنه... كلبي مرتاحلج احس بحضنج طفل
انجيلا: ان شاء الله امنيتي بهل حياة طفل واحد افرح بي....الوحده والفراغ موتني رغم ناظم قانع وراضي بس اني مامرتاحه
ام ستار: اسمعي مني وان شاء الله تنرزقين بس گون بقناعه تزورين
انجيلا: الله كريم