دمعه ( الجزء ١ ، ٢ )

الجزء الاول ---- البارت 8

اسامه: احبج

ردت بوسه وحضنه

صحيت ودفعته
مااكدر مجروحه منا
اكو حاجز بينا مااكدر ياربي اسامح

دمعه: لا اسامه ابعد
اسامه: كافي ارحميني ليش تعاقبيني تحرميني منج ومن ابني
دمعه : اني مااعاقبك ... افهم اني تركتك ...عيش حياتك انساني اني طلعتك من حياتي ونسيتك... انت هم  كافي عوفني .. مو اول واخر اثنين ينفصلون وطفل بينهم ... اطمأن الك الحق بأبنك مااحرمك منا بس وياي يعيش و
... وماتمنعني اعيش حياتي تجربتي الاولى فشلت مو معناها الحياة انتهت..... حياتي بدت تخلصت من خطأ صار بحياتي هو انت
اسامه: لهل درجه حاقده ماتقبلين تسامحيني
دمعه: شلون تريد اسامحك لو اني انت تسامحني .... بعدك ماتعرفني عبالك لان حامل لازم اسامحك لازم اتحمل اخطأك وارجعلك لان اكو طفل بينا اوك زين ونفسي اني الله يحاسبني على نفسي اعيش ويه شخص مجبوره لاجل طفل اسامه مااريدك خلاص قصتنا انتهت

هو صافن عليه
دخلت صحت ماما
اخذت جنطتي وطلعت
كلهم صاحوني وماقبلت ارجع

دمعه : ماما اختنكت ح اوكع بسرعه خلي نطلع فدوه

طلعنا مختنكه
أبن خالي وصلنا
بالطريق نزلت دموعي

وصلنا للبيت نزلت من السياره اغمى عليه
ماما وابن خالي لگيتهم يكعدون بيه

طبعا حالات الخنكه تكثر
يغمى عليه دوم

بابا تخبل من عرف اغمى عليه

مايعرف التقيت ب اسامه
راد ياخذني نراجع على قصة الاغماء بس ماقبلت

مااهتميت عادي اعرف يغمى عليه لاجل اشوف اسامه
حب اسامه مضعفني ومتعبني

خالو عمر سولفلنا بعد طلعتنا اسامه مباشرتا طلع ورانا

يحاول خالو يقنعني اكثر من مره سولف وياي
رفضت
اريد اسامحه والله اريد اسامحه بس شي مخليني ارفضه

بديت اتفوق بدراستي الاساتذه والدكاتره بدوا يحبوني

انعجبوا بشخصيتي وذكائي وطموحي

ابن خالتي زيدون مهندس معماري مثلي
اقترح عليه اشتغل
نفتح مشروع شركه صغيره
هو وصديقه
يصير اقاربه من طرف ابوه هم مهندس

بابا قبل اشتغل بس مو شريكه رفض الشراكه
مجرد  لاجل استفاد معلومات وخبره
لاجل انشغل عن حزني لأسامه
بابا يعتقد بسهوله انساه مايعرف مو باايد
مشتاقتله كومه كمت اشتاقله اكثر واكثر
اريده احتاجه لكن معانده حتى ويه نفسي

بطني بدت تكبر
اني ومجودي وحدنا نعيش لحظات الحمل و

اسامه مو ويانا
بديت افكر ارجعله مااعرف احس حنيت
اريده مشتاقتله حياتي بدونه عدم