دمعه ( الجزء ١ ، ٢ )

الجزء الثاني -- بارت ١١

دمعه

دمعه : اسامه
اسامه: كافي دمرتيني بعنادج الى ان خليتيني احجي
ناظم : شلون دمعه حامل جاوبوني
دمعه : اني السبب ضعفت ورحت لبيتنا وغريت اسامه
اسامه: دمعه
انجيلا : ناظم ساعة شيطان بينهم صار
فيحاء : حبهم خلاهم يخطأون
دمعه : اسامه ماخطأ اني خطاة اسامه معليه اني سبب

ماكدرت اگول اسامه حتى مايتاذه
بابا يزعل عليه ويتعارك
خليت السبب مني اني انضرب واتاذه ولااسامه
مااخلي بموقف الناس تلومه

اسامه: دمعه شتحجين
دمعه : اني تقربتلك ورخصت نفسي بس ماارجعلك ومااريدك اطلع اسامه ابنك وكع مات طرحته
ناظم : دمعه انتي بنتي الي افتخر بيها تروح لزوجها وترخص نفسها تسوي الحرام وتعرف هو طليقها مو زوجها

يحجي واني ابجي مستحيه من الكل
بالذات من بابا
ماما تبجي عليه مقهوره
موقف محرج ياريت اسامه ماحجه ولا فضحنا

اسامه: دمعه ابني شلون اطرحينه وهو خطر عليج ماخفتي جاوبيني
دمعه : بس كافي اطلع
ناظم : قبل ماتطلع اخذ مرتك وروح دمعه ماتبقى بيتي ولا اريدها ولا اعرفها
دمعه : بابا
انجيلا : انت ماتريد بنتي اني اريدها اخذها ونطلع من بيتك
ناظم : وروح امي وابوي وداعت بنتي دمعه ماتبقين على ذمتي دقيقه وحده بس اطلعين من هذا البيت ودمعه تولي ويه زوجها لاتشوفني وجها
دمعه: اني اطلع من بيتك بس ماارجع لاسامه ح اروح لبيت جدو اعيش هناك اني واطفالي
كاظم : ابو دمعه مو هيج الحجي دمعه كلنا نعرف تحب اسامه
اسامه: لحظه دمعه ماغلطت اني جبرتها على هذا شي وبنتك متربيه وبنت ناس واصول الغلط مني
دمعه : لاتكذب
اسامه : دمعه كافي اذا هيج تحبيني ودافعين عليه ليش معانده ماتريديني
دمعه: لان اكرهك مااريدك افهم تعبت من حبك ومذلته
ناظم  : امشي ولي ويه اسامه
انجيلا : طالعين اني وبنتي وماارجعها غصب ترجع لاسامه بس برضاتها معززه مكرمه شتريد تسوي سوي
دمعه : لا ماما ابقي اني طالعه وبرضاتي الي يريده بابا يصير

بابا طرد اسامه برا بقى عمي وخالتي يمنا
يقنعوا بابا يسامحنا

بالباب اسامه منتظرنا
ماما صعدت وياي للغرفه تبجي
لميت غراضي اني واطفالي
اباوعلهم مقهوره اهواي تبهذلنا اني وياهم
تعذبوا وتعذبت

انجيلا: اني اروح وياج
دمعه : اذا تحبيني ابقي هنا الله عليج ماما لاننكر اني خطاة ويه اسامه حقه من يزعل عليه ابقي بردي اعصابه وقنعي يسامحني اني ح اعوفه كم يوم وارجع احجي وياه ح اروح لبيت جدو هسه
انجيلا : باجر من صبح يمج وديربالج على الي بطنج ماما بعد مايحتاج اطرحين الكل عرف
دمعه : ماما بعدين نحجي

اخذت غراضي ونزلت ردت اسلم عليه واعتذر منا بس رفضني عفته براحته

فيحاء : دمعه خليها بعدين يايما هسه هو عصبي
انجيلا : ام اسامه دمعه امانه بنيتي طلعت مكسورة خاطر واهلها ماوكفوا وياها الله يسامحه لابوها