دمعه ( الجزء ١ ، ٢ )

الجزء الثاني -- بارت ٦

دمعه

ادم: دمعه بيج شي
دمعه : اسفه ادم اعتذر على كل الي صار بسببي
ادم : اني مااتصرفت بخبال لان ابو اطفالج ولاجل انتي ماتتأذين بسببي
دمعه : اسفه والله هو طيب بس من توصل السالفه الي يصير مجنون
ادم : بربج احجي على النجف اموت وياخذوني وانتي من اجه تكليله خطيبي شلون هيج فكرتي
دمعه : هههه اسفه ماتوقعت يضرب توقعت يتركني ويروح مجرد ردت انرفزه شويه
ادم : بس عجبتني سالفة خطيبج وشنو رأيج دمعه

سكتت من لمح الي بكلامه
ووصلنا للبيت دخلت للبيت

دمعه : ماما وين بابا
انجيلا  : بلغرفه يصلي

دخلت للغرفه

دمعه : بابا اريد احجي وياك
ناظم : سلمي بوسي وبعدين احجي
دمعه : بابا اني شفته
ناظم : منو

كعدت اسولفله المشكله صارت بالمطعم
بابا استغرب وصفن عليه بعدها اخذ موبايله وطلع

انجيلا : ماتتغده
ناظم : شويه وارجع مااتأخر
انجيلا  : وين رايح
ناظم : لو بس تبطلين تسألين

طلع بابا ...ماما تباوعلي

انجيلا: شكو دمعه
دمعه : شفت اسامه
انجيلا : وين شفتي رحتي لبيته دمعه
دمعه : قصدج بيتي ماما
انجيلا : لا بيته
دمعه : ماما اسامه طلكني وماانطاني حقوقي هسه اريد كل حقوقي ونفقه لاطفالي
انجيلا : دمعه اسامه يدز مصرف لاطفاله واكثر من اللازم
دمعه : اشو ماتگلولي
انجيلا : لان بابا رجعهن اله بس هو ماقبل دز ب ايد خالج كل شهر وابوج ياخذهن ويخليهن بالمصرف الهم واحنه دنصرف عليهم
دمعه : اوك بس اني اسويها قانونيه وياه
انجيلا: دمعه لا تسوين مشاكل وتهيجين الرجال عليج
دمعه : ماما طلكني غيابي وماانطاني حقوقي اني اريد حقوقي اريد بيته اخذه منا 3سنوات الي حق اخذه منا
انجيلا : ومنو يسكن بي
دمعه : اني واطفالي نسكن بي انتوا ترتبولي الامر المهم احرك گلبه واخذ البيت منا واخذ كل حقوقي منا
انجيلا : لاتتخبلين وتهدي ماصدكنا انتي تحسنتي
دمعه : كافي اني ضعيفه حجيت وتوسلت بي ... اجه الوكت اخذ حقي من كل واحد اذاني واولهم اسامه
انجيلا : بس عيب من اهل اسامه عيب من خالتج وعمج وكفوا وياج لاتصيرين مو خوش ...دمعه احنه ماربيناج هيج
دمعه : ياعيب هو اسامه خله بيها عيب لويش ماكال عيب اسوي هيج بمرتي ام اطفالي

صعدت لغرفتي وافكر شلون ارتب حياتي
شلون أدب اسامه شلون أبريء نفسي

فكرت فيس اسامه عندي الباسبورد
اكدر ادخل وابحث عن اصدقائه
بقيت ابحث واسامه افندي فوك 500 صديق
تعبت ابحث على صديق صديق
اول مره اشوف اصدقائه وبقيت ابحث لليل ب8 لكيته واخيرا

سويت فيس جديد بس بقيت افكر
بهذه الحاله يكتشفني
محتاجه وحده تساعدني
فكرت ولكيت منو الي يساعدني