دمعه ( الجزء ١ ، ٢ )

🌹 البارت الاخير من الجزء الاول 🌹

دمعه

انصدمت بوجود بسمه

باوعت لأسامه

بسمه: شلونج دمعه

رادت تبوسني بس منعتها خليت ايدي على جسمها

جاوبتها

دمعه : مايحتاج

تفشلت وكعدت
طلعت موبايلي ايدي ترجف
خابرت زيدون

دمعه : ها زيدون وينك بعدك قريب
زيدون: ليش
دمعه : حباب ارجعلي
زيدون : اوك مو حجينا من البدايه هو موجود لاتنزلين ... انتي عاندتي
دمعه : انتظرك
زيدون : اوك
سكينه : وين رايحه
دمعه : لبيتنا بابا مايگدر يجي ياخذني
بسام : اني اوصلج
دمعه: زيدون رجعلي
فيحاء : ماشبعنا منج ابقي شويه اريد اشوفج
دمعه : لا خاله ... نفسي تلعب
بسمه: دمعه حامل

صوتها يوترني

دمعه: لعد هذه شنو كدامج .... شكبر بطني
بسمه: ليش تزوجتي

اني اباوعلها شنو تزوجت

سكينه: بسمه هاي شبيج ... دمعه حامل من بابا
بسمه: من شوكت

عرفت هي ماتعرف ماتدري عم حملي

مااباوع بوجها
خلقتها مااطيقها

حتى اسامه ماطايقته
رجعت كرهته روحي طالعه منا

ياالله رجعتلي الخنكه تموت

نطق اسامه يريد يفهمني بوجود بسمه

اسامه: ترا سعاد مريضه والبارحه سوينالها عمليه واليوم طلعناها ...العصر اخذناها لدكتورها
دمعه : واني شكو تشرحلي شعليه بيكم
بسام : دمعه 😡

سكتني
ماتحملت گمت

دمعه : يله اترخص
بسام: خلي يجي زيدون واطلعي
دمعه : بالكراج انتظره
انعام : خلي زيدون يدخل صار اهواي ماجاينا
دمعه : لا وياه عماد
انعام : هههههه ابو لمعه

زوجة خالو خبثت تضوج اسامه

دمعه : هههه شمدريج
انعام : زيدون سولفلنا عليج ضحكنا يگول دمعه معجبه بعماد تسمي ابو لمعه واله شوي تفضحني كدامه

اني فرحت انذكر عماد حتى ابهذل اسامه تبهذل
الله يبهذلك يااسامه على هل عيشه معيشنياها

دمعه : خبصت زيدون من رجعت خبصت بابا

خالو ضاج

بسام : ناظم لو يعرف اكيد يحرمج
دمعه : لا مايحرمني بعد مااحجي بي كدامه بس من ارجع من شركه يباوعلي بابا اتبسم واضحك ... متخبل يغار عليه فدوه ربي يحفظه الي
انعام : ماتخلينا نشوفه
دمعه : ماعندي لافيس ولا رقم عند زيدون خبيث مايقبل ينطيني فيسه
سكينه: وليش تريدين فيسه

حجت بنفره

اسامه على اعصابه يهز برجليه ومتوتر

دمعه: شغلي وياه ... انتي لويش تسالين