دمعه
قريت رسالته دموعي تجري انقهرت راح ماودعني
طلع بدون علمي
فيحاء : يمه لاتبجين حتى موزين استغفري ربج وگومي صلي ادعيله يرجع بسلامه
دمعه: ياخاله لاضحكون عليه اسامه رايح للموت ومافكر بينا
فيحاء : يايمه يرجع اني ام گلبي يكلي يرجع مخبله تكعدين تبجين عليه شهر
دمعه : شو شهر هوه كال اسبوع حتى بهذه كذب عليه اووف ربي ماتحمل ح يوكف كلبي هيج
رجعت خابرته مايقبل يرد بس يرفض اشوف عنده فايبر متصل خابرته لكيت موبايله بيتنا
ماخذ فقط موبايله العادي شوي ودزلي رساله
(دموعتي مااكدر ارد شوي واخابركم)
فيحاء : هوه يخابر گومي خاله لاهيج تبقين
كمت سبحت كعدت اطفالي
خاله سوت ريوك بالي يمه
لساني بس يردد ربي يرجعه بالسلامه
واحنه نتريك وخابر اسامه
دمعه : الو
اسامه: اروح فدوه لهذا الصوت شكد مشتاقلج تمنيت ابقى شهر بحضنج نايم
دمعه: اسامه شكد راح تبقى بالموصل
اسامه: هههه ولج كولي صباح الخير شلونك حبيبي مشتاقتلك مو الو شكد تبقى
دمعه : لان كذاب تگولي ب٩ اطلع نومتني وطلعت تگولي اسبوع طلع شهر
اسامه: منو گلج شهر امي
دمعه: اني اسبوع وميته قهر انوب شهر
اسامه: حبي تخلص بسهوله الله كريم يله حبي محتاجين شي ح اغلقه لليل اخابركم ماشي
دمعه : لاتغلقه من اخابرك ارفضه حتى اعرف انت بخير
اسامه: وين احنه تخبلتي متفاولتلي اموت
دمعه : لا اسم الله عليك
اسامه : احبج
دمعه : احبك
اسامه : يله حبي رايح ديري بالج على مجودي ومؤمن
دمعه : اسامه ترا اني بعدني حامل
اسامه: والله
دمعه: والله ومقرره صبح اكولك بس انت طلعت بدون ماخليتني ابوسك واشمك
اسامه: لاتخاف شبعتك بوس وطلعت
دمعه: هههههه احبك
اسامه: اموت بيك ديربالج على النونو وانتبهي على نفسج وعلى الحمل يله باي
دمعه : باي
ختمنا المكالمه التهيت باطفالي و البيت
خالتي وياي الموبايل ب ايدي مااقبل اعوفه
للعصر اجونا الحرس خالتي طلعتلهم
بقوا بالباب واكفين
سكينه وماما يخابرونا
لليل سكونه وخالو عمر يمنا استقبلتهم لان اسامه وصاني
رغم زعلانه على خالو
اسامه طلب من خالو عمر اروح وياهم للبيت
بس ماقبلت باتوا عدنا
لليل اسامه ماكو تخبلت
اخابر مثل المجنونه
ل ٣ ياله اتصل علينا
اطمان دقيقه وراح مايقبل يگولي وين موقعه
خايفه عليه
مرت الايام اني احسب دقيقه دقيقه لاسامه
الموبايل صار اهلي وناسي
يمكن الف مره ادك عليه مغلق
بنار عايشه
خالتي وماما يحجون عليه
خطيه ماما كل يومين تجي يمنا تبات
خالو عمر يشوف شمحتاجين
رغم الحرس مامقصرين ويانا اصدقاء اسامه كل ساعه واحد يجينا خاله تطلعلهم
عمو ابو اسامه كل 5 ايام يجينا
اسامه كل ساعه يخابر احد يوسيهم علينا
يشوفون احتياجاتنا يفكر بينا قلقان وهو بعيد عنا
شكد احبه ربي يرجعه بالسلامه الي
أنت تقرأ
دمعه ( الجزء ١ ، ٢ )
Romanceقصه حقيقيه للكاتبه رشا رعد الملقبه سابقا انو انو 💏 دمعه & اسامه 💏
