دمعه ( الجزء ١ ، ٢ )

🌸 البارت الاخير من الجزء الثاني 🌸

دمعه

واكف كدامه هو ساكت

دمعه : بابا

ساكت

كمت اصيح وتهسترت

دمعه : اسامه شبي بابا اسامه مات بابا احجي ... اسامه شبي لا تگولي عافني مايعوفني اسامه احجي بابا
ناظم : اسامه
دمعه : لويش ساكت ... شبي اسامه  
ناظم : باجر تجي جثث الشهداء
دمعه :  ورجلي بابا ابوس ايدك گول اسامه عايش

اضرب بصدر بابا احجي مثل المخبله

ناظم :  مايعرفون شي عن اسامه اذا هو من ضمنهم او لا باجر يجون ونعرف
دمعه : لاتكذب عليه اسامه مات وماتحجون .....تكذبون احجولي الحقيقه ...اسامه عافني بابا عافني وخلاني صح گولي فدوه

خالتي وسكونه يبجون بخبال

صرت مخبله فقدت اعصابي
بابا حضني بكل قوته بجيت بحضنه

دمعه : بابا حباب لاتخلي اسامه يعوفني بابا گول عايش ابو اطفالج اريده مااكدر بدونه هو  كل حياتي
ناظم : يرجع بالسلامه حبيبتي تشوفي وتفرحين بشوفته  ادعي يرجع بالسلامه الكم
دمعه : كول والله يرجع ... يعني اسامه عايش صح
ناظم : ان شاء الله
دمعه : لويش نزلت دموعك  ...  بابا اسامه بي شي تخاف تگولي
ناظم : ادعيله ... دمعتي  نزلت من حبي الج اشوف حبج لاسامه والله ماگلولي استشهد
دمعه : اريد اسامه 

يسكتني الليله شطوله
من اصعب الليالي الي مرت عليه

ماغمضت عيني ولاثانيه
كاعده احسب بالدقايق
مابطلت اتصالي عليه
ماكو فائده جهازه مغلق

ماما ماعافتني بابا هم الكل بيتنا بليلتها

صار ب7 خبصتهم يرحون
ردت اروح وياهم ماقبلوا

گلبي نار عليه طلعوا كل ساعه اخابر على بابا
لو على رقم اسامه

اجه بابا و عمو ابو اسامه  وخوالي

دمي جمد مااكدر اتحرك خايفه من الخبر

انجيلا : بشروا
ناظم : الحمد لله مو من ضمنهم لظهر نعرف وينه
دمعه : لويش وين اسامه
ناظم : راح تصير اتصالات يسالون عليه ... اني وصيت يشوفون وينه
دمعه : زين لويش مايخابرني
ناظم : موبايله مغلق مانعرف انكسر ضاع ... دمعه بابا اهدئي مايصير هيج

كاعده على نار ماكو اسامه
ل12 خابروا على بابا

طلع بره خابر  رجع بابا ويباوعلي

حال عمي وخالتي اهل اسامه يقهرون

كاظم : بشر ابو دمعه
ناظم : ماكو مختفين 4اشخاص ومن ضمنهم اسامه اخر شي يعرفون تحاصروا
دمعه : يعني مات اسامه مات مو

كمت اضرب على وجهي وابجي مخبله
خاله تلطم هي وسكونه
ماما ويانا

يحاولون يسكتونا اني منتهيه على زوجي ونور عيني
كل حياتي ومااكدر بدونه