Used To [Zawgyi/Unicode]

2

"Min ဘယ်​မှာပုန်း​နေတာလဲ ထွက်​ခဲ့​တော့​လေ"

"Min​ရေ ကိုယ်​လာပြီ​နော်​"

တဖြည်းဖြည်းနီးကပ်​လာတဲ့သူ့အသံ​ကြောင့်​ ထောင့်​ကွယ်​မှာထိုင်​နေတဲ့​ကိုယ်​လုံး​လေးကို ပိုပြီးကျုံ့လိုက်​မိသည်​။

သူလာ​နေပြီ။ဟိဟိ။

"Min​ရေ တူပြီ​နော်​"

"တူပြီ"

ဟာ သွားပြီ အသံကြားသွား၍ထင်​သည်​။

​အော်​လိုက်​မိတဲ့ပါးစပ်​လေးကို လက်​လေးနဲ့အသာအုပ်​လိုက်​ပြီး​ သူ့ကိုလိုက်​ရှာ​နေသူရဲ့​နောက်​ကျောပြင်​ကို ခိုးကြည့်​နေလိုက်​သည်​။ ​ခြေသံက သူရှိတဲ့​ထောင့်​ကွယ်​နားကို ပိုပိုတိုးကပ်​လာသည်​ကို သတိပြုမိလိုက်​သည်​။

"အင့်​"

ရုတ်​တရက်​အ​နောက်​က​နေ နှာ​ခေါင်းကိုလာအုပ်​တဲ့ပုဝါစ​ကြောင့်​ မျက်​လုံး​တွေပြူးထွက်​သွားသည်​။

မဟုတ်​ဘူး ကယ်​ပါဦး။

လည်​ပင်းနဲ့မျက်​နှာ​ပေါ်မှာရှိ​နေတဲ့ သန်​မာတဲ့လက်​များ​ကြောင့်​ လှုပ်​ရှားမှုတို့ကအချည်းနှီးသာဖြစ်​နေသည်​။အသက်​ရှူမဝဘူး အမြင်​အာရုံ​တွေက​ထွေ​နေပြီ။

"Min!"

သူ့နာမည်​ခေါ်သံအဆုံးမှာ သူ့ဆီကို​ပြေးလာ​နေတဲ့လူသားတစ်​ဦးရဲ့ပုံရိပ်​ကို​ နောက်​ဆုံးအဖြစ်​တွေ့လိုက်​ရသည်​။

"Jeon​ ကျေးဇူးပြုပြီး"

အိမ်​မက်​က​နေ လန့်​ဖျပ်​ကာ Jiminထထိုင်​လိုက်​မိသည်​။

တင်​ပါး​အောက်​က ခပ်​မာမာအခင်းကြောင့်​ ကြည့်​လိုက်​တော့ မ​နေ့ညကသတိလစ်​သွားပြီး ကြမ်းပြင်​ပေါ်မှာပဲ သူအိပ်​ပျော်​သွားခဲ့ခြင်းဖြစ်​သည်​။

ဒါဆို မ​နေ့ညက အဖြစ်​အပျက်​ကတကယ်​ဖြစ်​ခဲ့တာ​ပေါ့။ စိတ်​ကြီးလည်းညစ်​ပါရဲ့ ဒီအိမ်​ကိုအခုမှစ​ရောက်​တယ်​ အခုပဲပြဿနာ​တွေက တစ်​ယောက်​တည်းကိုတိုင်​ပတ်​လို့။

အိပ်​ရေးလည်းမဝ၍ မကြည်​မလင်​ဖြစ်​နေ​သောမျက်​နှာထားနဲ့အ​ပေါ်ထပ်​က အိပ်​ခန်းဆီတက်​ခဲ့လိုက်​သည်​။