Used To [Zawgyi/Unicode]

6

တိတ်​ဆိတ်​နေတဲ့ညတစ်​ည။

အ​ဆောင်​တစ်​ခုရဲ့အခန်းအတွင်းမှာရှိ​နေတဲ့လူတစ်​ယောက်​က ပန်းချီထိုင်​ဆွဲလျက်​ရှိသည်​။ရုတ်​တရက်ဆိုသလို စုတ်​ချက်​တွေကို အသက်​သွင်း​ပေး​နေတဲ့လက်​လေးက ရပ်​တန့်​သွားခဲ့သည်​။

"ကျစ်​"

အလိုမကျ​သောအသံကိုပြုလိုက်​ကာ လက်​ထဲကစုတ်​တံကိုစားပွဲခုံ​ပေါ်မှာဖြစ်​သလိုချလိုက်​ပြီးနောက် မိမိကိုယ်တိုင်၏သက်​ပြင်းချသံသဲ့သဲ့ကိုလည်း အတိုင်းသားကြား​နေရသည်​။

"အာခါရု"

"ရှိပါတယ်​သခင်​ကြီး"

အခန်းအပြင်​ကိုထွက်​လာတဲ့သခင်​ကြီး​ကြောင့်​ ခါရုတစ်​ယောက်​ အလျင်​အမြန်​အရိုအ​သေ​ပေးလိုက်​သည်​။ဘာများထူးခြား​နေပါလိမ့်​။

"​ည​နေက​ကောင်​လေး ဘာဖြစ်​သွား​သေးလဲ"

"ခင်​ဗျာ"

"ည​နေက​ရေထဲပြုတ်​ကျတဲ့​ကောင်​လေးဘာဖြစ်​သွား​သေးလဲလို့"

"အဆင်​ပြေပါတယ်​သခင်​ကြီး ဘာမှကြီးကြီးမားမားမထိခိုက်​သွားပါဘူး"

"ရပြီ မင်း သွားနား​တော့ ခါရု "

"ဟုတ်​ကဲ့ပါ သခင်​ကြီး ခွင့်​ပြုပါဦး"

သခင်​ကြီးဆီကပြန်​လာတဲ့လမ်းတစ်​လျှောက်​လုံး ခါရု​တွေး​နေမိတာက ဘယ်​ချိန်​တုန်းက သခင်​ကြီးက ဒီကိစ္စနဲ့ပတ်​သတ်​ပြီးစိတ်​ဝင်​စားသွားခဲ့တာလဲ? တခုခု​တော့..။

ချမ်းစိမ့်​စိမ့်​ဖြစ်​နေ​တဲ့ညရဲ့အ​ငွေ့အသက်​နဲ့အတူ အလင်းရောင်​အသင့်​အတင့်​ကို ဖြာကျ​စေတဲ့လမင်းကြီးကိုကြည့်​ကာ ဝရံ​တာနားမှာပဲ ရပ်​နေသူ သခင်​ကြီး။

အာရုံထဲကိုခဏခဏ​ပေါ်လာတဲ့ အရူး​ကောင်​လေး​ကြောင့်​ ကိုယ့်​စိတ်​ကိုအလိုမကျဖြစ်​ကာ ခဏခဏသက်​ပြင်း​တွေချ​နေသူဆိုရင်​လည်းမမှား။

မင်းနဲ့​တော့ခက်​နေပြီ​ကောင်​လေး။

"🎼🎼ဖား​လေးတစ်​ကောင်​တွေ့လိုက်​တယ်​ ဟော့လို​ဟော့လိုခုန်​နေတယ်​🎼🎼"