Used To [Zawgyi/Unicode]

8

Part 8

"​လျှောက်​မကိုင်​နဲ့ "

ဟူ​သောအသံနဲ့အတူ စပ်​စုရန်​ပြင်​နေတဲ့လက်​က​လေးကို မညှာမတာရိုက်​ချလိုက်​တာ​ကြောင့်​ကောင်​လေးရဲ့မျက်​နှာကသိသိသာသာကိုမဲ့ကျသွားသည်​။

"ဘီလူးကြီး ခင်​ဗျားကဘီလူးကြီးလိုပဲသိလား"

"ဘာဖြစ်​လဲ ငါသာဘီလူးဆိုရင်​မင်းလိုအရူးကိုအရင်​စားပစ်​မှာ"

"ကုကုဆန်​!အဲ့မှာ အဲ့ဘီလူးကြီးက စားမယ်​တဲ့"

​ခြေ​လေး​ဆောင့်​ကာ နှုတ်​ခမ်း​လေး​ထော်​လိုက်​ပြီး သခင်​ကြီးရဲ့အင်္ကျီစကိုဆွဲကာ​နောက်​ကျောမှာကွယ်​လိုက်​တဲ့အရူးပါး​ကြောင့်​ခါရု သွားဖြဲပြလိုက်​သည်​။

အ​ဆောင်​တွေကိုကြည့်​ချင်​တယ်​ဆိုလို့ သခင်​ကြီးခွင့်​ပြုချက်​ကြောင့်​ခေါ်လာရ​ပေမဲ့ အဲ့အရူးကိုနည်းနည်း​လေးမှကြည့်​လို့မရ။

တလမ်းလုံးလည်း တစ်​စက်​မှငြိမ်​ငြိမ်​နေသည်​မရှိဘဲ မသိရင်​အရူးနဲ့မတူဘဲ သူငယ်​ပြန်​နေတာလိုလို ဘာလိုလိုနဲ့ စိတ်​ကုန်​စရာ။

"ခါရု မင်းကလူ​ကောင်း​နော်​"

"နားလည်​ပါပြီ သခင်​ကြီး"

သခင်​ကြီး​ပြောချင်​တာက စိတ်​ရောဂါသည်​မို့အ​လျှော့​ပေးရမယ်​ဆိုတဲ့သ​ဘော အို အရူးဆိုအရူး​ပေါ့​သောက်​အရူး​လေး လည်​ကိုလည်​တယ်​။

"အိမ်​တွေကအကြီးကြီးပဲ​နော်​ဟိုးမိုး​ပေါ်ထိ​တောင်​ရောက်​တော့မယ်​"

​ဘေးက​ကောင်​လေးရဲ့စကားကို​ဂျောင်​ကုပြုံးလိုက်​ကာ​ဘေးကိုလှည့်​ကြည့်​လိုက်​တော့ အ​ဆောင်​ကြီး​တွေကို လည်​ပင်း​လေး​ပင့်​ကာ တ​မေ့တ​မော​ငေး​မော​နေသူ။

စကား​ပြောလိုက်​ရင်​အနည်းငယ်​စူထွက်​လာသလိုရှိတဲ့နှုတ်​ခမ်းထူထူ​လေး​တွေက ဘဲက​လေးနဲ့တူသည်​။ရယ်​လိုက်​ရင်​ပျောက်​သွားတတ်​တဲ့မျက်​လုံး​မှေး​မှေး​လေး​တွေက ကြယ်​မှုန်​လေး​တွေနဲ့တူသည်​။

​"ဒါ​တွေ အကုန်​လုံးကို ကုကုဆန်​ပိုင်​တာလားဟင်​"

​ခေါင်းငြိမ့်​ပြလိုက်​တော့ "ဝါး" ဟူ​သောအာ​မေဋိတ်​သံ​လေးနဲ့အတူ​မျက်​လုံး​လေး​တွေကို​ထောင့်​ကပ်​ကာ နှုတ်​ခမ်း​လေး​ထော်​လိုက်​တာ​ကြောင့်​သူမထင်​မှတ်​စွာဘဲ​ငေး​နေမိပြန်​သည်​။