Used To [Zawgyi/Unicode]

3

"Hello​ မေ​မေ ဟုတ်​ သားအဆင်​ပြေတယ်​"

"အာ ဒီလိုပဲ​ပေါ့ နည်းနည်း​တော့အခက်​အခဲရှိတာ​ပေါ့ ဒါ​ပေမဲ့စိတ်​မပူပါနဲ့​မေ​မေ သား​နေတတ်​ပါတယ်​"

​ဈေးကဝယ်​လာတဲ့ အထုတ်​ကြီးအထုတ်​ငယ်​အသွယ်​သွယ်​ကို မီးဖိုခန်းထဲမှာ​သေချာသိမ်းဆည်းရင်း ဖုန်းကိုနားနဲ့ပုခုံးကြားညှပ်​ကာ စကား​ပြော​နေရသည်​။

"ဟုတ်​ မေ​မေ ကျန်းမာ​ရေးဂရုစိုက်​ဦး​နော်​ ဖေ​ဖေပြန်​မလာ​သေးဘူးလား"

"ထင်​ပါတယ်​ မေ​မေ့​ယောကျာ်းကိုလည်းနားဖို့​ပြောဦး ခုချိန်​ထိအလုပ်​နဲ့​မေ​မေဆိုရင်​တောင်​ အလုပ်​ကို​ရွေးမဲ့လူ"

"ဟုတ်​ စိတ်​ချပါ ဒါဆို သားဖုန်းချလိုက်​တော့မယ်​နော်​"

တီခနဲကျသွားတဲ့​နောက်​ ဖုန်းပိတ်​လိုက်​ကာ အနီးအနားက စင်​ပေါ်ကိုတင်​ထားလိုက်​သည်​။

"သုံးထပ်​သား​ကြော်​ပြီးရင်​ ဘာချက်​ရပါ့"

​အေပရွန်​အပြာရောင်ကို ခါးမှာစည်းလိုက်​ပြီး​ဆေး​ကြောစရာရှိသည်​တို့ကို​ ဆေး​ကြောလှီးဖြတ်​သင့်​သည်​တို့ကိုလှီးဖြတ်​လိုက်​ပြီး ချက်​ပြုတ်​ရန်​ပြင်​ဆင်​လိုက်​သည်​။ အေပရွန်အပြာဆိုတာ တကယ်တော့ မသုံးဖြသ်ဘဲအပိုပါလည်သည့် အင်္ကျီလက်ရှည်တစ်ထည်သာလျှင်ဖြစ်သည်။ ဤနယ်မြေမှာ အေပရွန်ဘယ်ကရပါ့မလဲ။

တစ်​ယောက်​တည်း မီးဖိုခန်းထဲမှာ ဟိုဘက်​ပြေးလိုက်​ဒီဘက်​ပြေးလိုက်​နဲ့​ ချွေးဒီးဒီးကျ​အောင်​ချက်​နေရသည်​။ ​အော်​ မိန်းမ​တွေဆိုရင်​ တစ်​မိသားစုလုံးအတွက်​ချက်​ပြုတ်​ရတာ ဘယ်​လောက်​တောင်​ပင်​ပန်းလိုက်​လေမလဲ။

အရမ်းကျွမ်းကျင်​ကြီး ချက်​ပြုတ်​တတ်​တာမျိုးမဟု​တ်​ပေမဲ့ အရသာ​အစပ်အဟပ်တည့်​အောင်​တော့ သူချက်​လိုက်​သည်​။

"ဟာ ကိုယ်​ကျိုး​တော့နည်းပြီ"

ဆန်​ဟင်းချိုတည်​နေချိန်​မှာ ပျက်​သွားတဲ့မီး​ကြောင့်​ဇွန်းကိုင်​ထားရင်းက​နေ ဘာလုပ်​လို့လုပ်​ရမှန်း​တောင်​မသိဘဲ​ မှောင်​မှောင်​မဲမဲထဲ မတ်​တပ်​ကြီးရပ်​နေမိသည်​။