Used To [Zawgyi/Unicode]

4

"သခင်​ကြီးက​လေ သိပ်​သ​ဘောကျဖို့​ကောင်းတာပဲ ကျုပ်​ဖြင့်​သခင်​ကြီးလို​ယောကျာ်း​ကောင်းမျိုး မမြင်​ဖူး​ပေါင်​"

"မှန်​တာပ ဒီနယ်​တခွင်​မှာ တို့သခင်​ကြီးရှိ​နေတာ ဘုရားမတာပဲ ဒီ​ခေတ်​မျိုးမှာ​အေး​အေးချမ်းချမ်း​နေနိုင်​တဲ့ပြည်​သူ​တွေလက်​ချိုး​ရေလို့ရတယ်​ ကျုပ်တို့သိပ်​ကံ​ကောင်းတယ်​တော့"

အချင်းချင်း​ပြော​နေကြတဲ့ မိန်းမကြီးနှစ်​ယောက်​ရဲ့ ဆိုင်​ရှေ့မှာရပ်​လိုက်​ပြီး​ ဈေးဝယ်​ရန်​အလို့ငှါပြင်​လိုက်​သည်​။

"​ဟဲ့​ ဈေးဝယ်​လာ​နေတယ်​"

"​ကောင်​လေး ဘာများလိုချင်​လို့လဲ "

"​ဟို ဒါ​လေး"

နီးရာကို​ကောက်​ပြီးလက်​ညိုးထိုး​တော့ ငရုတ်​သီး​ခြောက်​တွေဖြစ်​လို့​နေသည်​။

"​ဘယ်​လောက်​သားယူမလဲ​ ကောင်​လေး"

"အကုန်​ယူမယ်​"

"​ဟေ အကုန်​လုံးလား "

"ဟုတ်​ပါတယ်​ အကုန်​ပါ"

ငရုတ်​သီး​ခြောက်​တွေအကုန်​ယူမယ်​ဆို၍ ဆိုင်​ရှင်​မိန်းမကြီးက သူ့ကို​မော့ကြည့်​လာသည်​။သူ​ခေါင်းငြိမ့်​ကာပြုံးပြလိုက်​မှ မိန်းမကြီးလည်း ခပ်​သွက်​သွက်​ထည့်​တော့သည်​။

"မင်းကို ဒီ​ဈေးထဲမှာ မမြင်​ဖူးဘူး ဘယ်​နယ်​ကလဲကွယ်​"

"ဟုတ်​တယ်​ ကျွန်​တော်​က ဒီဘက်​ကမဟုတ်​ပါဘူး ဒါနဲ့​လေ တခု​လောက်​မေးလို့ရမလား"

အ​ဒေါ်ကြီးက​ခေါင်းငြိမ့်​ပြသည်​။

"​မေး​လေ အ​ဒေါ်သိသ​လောက်​ဖြေ​ပေးမယ်​"

"​စောနက သခင်​ကြီးဆိုတဲ့လူက ဒီ​ဈေးကို ခဏခဏလာတတ်​လား"

"ဆာကာရှီသခင်​ကြီးကို​ပြောတာလား"

"ဟုတ်​ကဲ့ အဲ့ဆာကာရှီသခင်​ကြီးကလေ ခဏခဏလာတတ်​တာလားဟင်​"

"အဲ့လို​တော့လည်းမဟုတ်​ဘူး​ကောင်​လေးရဲ့ ခဏခဏ​တော့မလာတတ်​ပါဘူး ဘာလို့လဲ"

"အဲ့ဒါ...ဒီတိုင်းသိချင်​လို့ပါ​ ကျေးဇူးတင်​ပါတယ်​ ဒီမှာပိုက်​ဆံပါ"